Egunotako prentsan, Osakidetzaren etorkizunerako plangintzako ideia nagusi bezala, osasun anbulatorio digitala saltzen ari dira. Egitasmo honen oinarri moduan, Osasun-eskolako bideo dibulgatzaileak egongo lirateke, baina, adimen artifizialak hartu duen abiadurarekin, gogoeta egin dezagun.
Modan dagoen Open AI (Microsoft) enpresak sortu duen Chat GTP delakoa milaka galdera eta agindu erantzuten ari da, aurretik praktikoki Internet osoan dauden testu-iturriak ikasi ondoren. Era berean, Auto GPT-ren ildotik, programa honen autozuzenketaren garapenaz ikertzen ari dira. Gainera, beste aplikazio batzuekin integratzeko aukera izango duenez, bere ahalmenak mugagabeak izatera iristeko bidean daude; adibidez, Bilbotik Donostiara busez joateko aukeraz galdetzen badugu, Maps, kalkulagailua, eguraldia eta autobus-konpainien webguneetako informazioa bateratzeko aukera izango du. Oraingoz, Covidari buruzko GTP-ren erantzunak nahiko ofizialistak dira, baina, bizkorra denez, beti aholkatzen du medikuarengana joateko, badaezpada ere.
Bestetik, META (Facebook) enpresak SAM (Segment Anything Model) programa liberatu du eta hau irudietatik jasotako datuetatik ezagutza pila bat garatzen ari da. Programaren izenak berak esaten duen bezala, irudi baten edozer gauza bereizteko (segmentatzeko) gai da, eta aurretik duen ikasteko ahalmenarekin, gizakien aukeren gainetik jarriko da; adibidez biopsietako irudi mikroskopikoetatik abiatuta diagnostiko zehatzak egingo ditu.
Irakaskuntzan bezala, osasungintzan ere lanpostuak galtzeko aukerak handituz doaz
Ez da urrutira joan behar adimen artifizialaren tresna bi horiei ahotsa ezagutzeko hizkuntza-teknologiak txertatzeko, EHUko Ixa eta Aholab lan-taldeak egiten ari diren moduan, hain zuzen ere. Horrela, aukera dugu euskaraz aritzeko Chat GTP-rekin eta hortik sortuko diren robotekin.
Nahiz eta Osakidetzak adierazi mediku eta gaixo arteko harremanei honek guztiak ez diela eragingo, gaur egungo kontsultetan ia anekdotikoa da eskua ematea edo kontaktu fisikorik edukitzea, sendagilea ordenagailuko Osabide programari begira eta idazten ari den bitartean. Adimen artifizialaren programa hauen guztien integrazioaren garapenak aukera emango digu telefonoz galdetzeko, autodiagnostikatzeko eta tratamendua lortzeko, Osakidetzako webgunetik edo internetetik. Irakaskuntzan bezala, osasungintzan ere lanpostuak galtzeko aukerak handituz doaz, are gehiago jakintza hori robotetara heldu orduko.
agian, minbizia diagnostikatuko digun sendagile-robotak gu besarkatzen eta elkarrekin negar egiten ere ikasiko du
Better than us (Gu baino hobeak) errusiar serie interesgarrian, mundu robotizatu batean, sentimenduak dituen robot aurreratu baten aukera planteatzen da. Ez gaude balizko mundu horretatik hain urruti, eta, agian, minbizia diagnostikatuko digun sendagile-robotak gu besarkatzen eta elkarrekin negar egiten ere ikasiko du. Erruki diet osasun-fakultateetara sartu diren ikasleei.
Angel Bidaurrazaga Vandierdonck
Ez pentsa San Itatea desegituratzen ari direnik,berregituratzen baizik.
Osasuna “adimen artifizialaren” esku jartzen den abiada berean xoxasungintza supermerkatu globalaren segurata enpresa bilakatzen ari da.
Arauz arau,egunero,desager arazten ari dira gure elikadura ekoizpen ahalmenetik geratzen zaizkigun apurrak, erdi sano eta autonomo xamar geure buruak elikatzeko aukera.
Honekin batera estatuaren beste adarrek landa munduaren desagerpen fisikoa eragiten dute dena xehe xehe egiteko asmo bateratu sistematikoan.
Milesker Angel! Hau panorama duguna… Milesker zure artikulu argiengatik. Irakaskuntza eta medikuntzaren bideen parekotasun hori, oso egokia…. tamalez
Angelek hemen adierazitako kezka konpartitzen dut nik ere. Duela oso gutxi izan genuen ChatGTPren berri. Ez naiz begiratzera jarri, baina esango nuke hilabete batzuk baino ez direla? Eta geroztik han-hemen agertzen dira berriak sarri: Adimen artifizialak hau, adimen artifizialak bestea… Duela oso gutxi erabateko nobedadea eta gauza berezia zena, normalizatzen ari da abiada bizian. Beldurgarria iruditzen zait niri ere honek har dezakeen norabidea.
Osasun Fakultateetan ikastea suertatu zaien medikuak EZ DIRA HIPOKRATES EN estilokoak, baizik eta ARISTOTELES eskolakoak GURE gorputzak materia/forma atomo txikiz osatuak dira.
Hau da, mediku bakoitzak bere espezialitatea euki behar dau (bata traumatologoa, bestea digestibokoa…
Asmatuko Dute agian gurekin negar eginen duen robot bat, baina nik ez dut Gura Robotika Osakidetza, Hipokratesen medikuak nahi ditut!
Lar eskatzea al da begietara beha eta eskua luzatuko dudan medikua?
“Osasuna” oinarri ontiko-aren (Heidegger) gainean edo azpian…?
Kaixio!!nik pentsatendot..NMG.kaz aritu behar garela Bakoitza bere osasunaz jabetzen ikaziz…beldurra gainditzen ere..egia billatuz…
Gaur egun osagile gehienek sintoma berberen aurrean , tratamendu bardin antzean proposatzen dabe. Ez dabe gaixoaren izaera, kezkak, arazoak, traumak…….kontuan hartzen, ez dira gaixoaren azalean jartzen . Holan makina batek osagilea ordezkatzea oso erraza da. Gainera Adimen artifizialak milaka datu daukazanez, diagnostiko eta tratamendua osagile batek baino azkarragoa emongo dau.
Baina Lezaetaren, Bigelsen-en, Humphries-en, Hamer-en ……metodoak erabiltzen dabenak ez dira erraz makina bategaz ordezkatu izango.