Poesia

Olatuak

Izan gaitezen, setati,
denbora mugagabeko olatu inkontzienteak.

2

Asel Luzarraga

Euskal idazle anarkista. Mundaka

Olatuen inkontzientziaz ekiten diogu buruz
haitz gotorren kontra,
mugak zizelkatzeko denbora mugagabearen jabe
denaren setakeriaz,
denbora izan arren,
harea atzamarren artean zelan,
gure odolaren aparretan,
denbora bera baino zaharragoak diren pitzaduren artean
ihes egiten diguna.
Olatuen inkontzientziaz uzten dugu odola
haitz gotorren kontra,
geuk ere, olatuek aparrak zelan,
odola mugarik gabe
berritu ahal bagenu bezala.
Gure denbora mugagabea ez bada,
izan dadila gure setakeria.
Iritsiko dira haitz gotorrak
harea bihurtuta laztanduko dituzten
olatu apartsuak.
Izan gaitezen, setati,
denbora mugagabeko olatu inkontzienteak.

Estreinakoz 2021-08-02, Asel Luzarragaren blogean

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Olatuak” bidalketan

  1. Hortaz, Asel, gure arbasoengandik heretaturiko inkontziearen itzala luzeago dela gure kontzientea baino.

    Horrek hautsi egiten duk denbora-kristauaren ikuspuntu LINEALA.
    Zer denbora-/ikuspuntu hautatuko duk, anarko mundakar hori?
    Mundu-ikuspegi ZIRKULARRA?
    ESPIRALA?
    KEBRATUA?
    SALTAKARIA?

    EDO ZER BESTERIK?

  2. Aupa, Josu, ekidin ohi dut hemendik erantzunak ematea, aspaldi galdu niolako gustua internet bidezko mota honetako elkarrizketetan kateatzeari -garai bateko nire gehiegikerien ondorio-, baina oraingoan labur erantzungo dizut ­čśë
    Ez dakit denbora zelakoa den, buelta bat baino gehiago eman diodan arren -Malthusen ezinegona eleberria denborari buruzko hausnarketez bete zitzaidan ohartu nintzenerako, kar, kar-, baina une honetan baten alde egin behar banu denbora espiralaren alde egingo nuke -espiral hori kebratua edo saltakaria den, edo biak, aukera bat da-. Inkontzientearen gainean hemen egin nuen iaz hausnarketatxu bat, nire testu guztiak legez, behin-behinekoa eta osagabea. Plazer baduzu… http://aselluzarraga.com/arrazoimena-irrazoimena/

Utzi iruzkina

Azken artikuluak