ZIZTADAK

Nolakoa da tratamendu esperimentala inokulatu nahi ez dutenen profila?

Inokulatu nahi ez duten pertsonen atzean benetan dagoena ikusi beharko dugu, eta horretarako profil batzuk aipatuko ditut.

2

Ainoa Astiazaran Bilbao

Psikologoa, Giza biografia, ama. Zalla

Diskurtso bakarreko eta saldutako telebista eta prentsa, txertatuko ez den pertsonaren profila burugabea eta arduragabea den norbait dela esaten tematu dira, hori guztia ukitu deabruzkoarekin, eta gainera, umiliatuak, zapalduak eta gutxietsiak izateko gonbidapenarekin.

Hau honela izanda, inokulatu nahi ez duten pertsonen atzean benetan dagoena ikusi beharko dugu, eta horretarako profil batzuk aipatuko ditut.

Pertsona batzuek hurbiletik bizi izan dituzte tratamendu esperimental horien albo-ondorioak hurbileko senitartekoengan edo lagunengan, hala nola, kirol-jarduera indartsu bat egiten ari direla tronbosiak agertu dira kirolariak eta osasuntsuak diren pertsonetan, eta batzuk oso kontziente dira bi gertaerak, inokulazioa eta tronboa, lotuta daudela.

Zenbait jendek hurbil ditu griperik inoiz hartu ez dutela dioten pertsonak, eta txertatu ondoren, txerto-urtean (2021), hiru gripe-prozesu igaro behar izan dituztenak. Horrek susmo eta galdera asko sorrarazten dizkie.

Lan pertsonal handiarekin, gaixotasuna hizkuntza bat baino ez dela ikusi eta esperimentatu dute

Pertsona batzuek osasunaren eta gaixotasunaren paradigma berri bat aurkitu dute, eta, barne lan pertsonal handiarekin, gaixotasuna hizkuntza bat baino ez dela ikusi eta esperimentatu dute. Argi dute batzuetan gure arimak gaixotasuna erabiltzen duela gure bidea bideratzeko. Litekeena da horrelako pertsonak Osakidetzan ezagutzen ez dituzten pertsonak izatea, ez baitute inolako sintomarik partxeatu beharrik; izan ere, eta gorputzak berak izandako esperientzia dela medio, badakite egiten ari den eskaera errespetatzean desagertu egiten dela sintoma, arimak dakarren informazioa kontzientziara eramanez. Alde horretatik, kontaketa ofizialistak deabrututako sendabideek, industria farmakologiko harraparien diru sarreretan min handia egiten dutenek, hain zuzen, aipatzen ari naizen gaixotasunaren eta osasunaren ikuspegi edo paradigma honetan lagunduko lukete, hala nola medikuntza integratiboak, homeopatiak, naturopatiak, akupunturak, aiurbedak… Horiek guztiek arima gehitzen diote gorputzari, eta horra hor SENDATZEKO duten gaitasunaren giltza, eta ez soilik gaixotasunak partxeatzeko edota farmakoen jonkiak sortzeko gaitasuna.

Eta orain, kontakizun ofizialistarentzat deabrua bera izango liratekeenak. Haien seme-alabei jaio direnetik txerto bakarra ere jarri ez dieten pertsonak. Hauek ere, egon badaude. Nik hurbiletik ezagutu ditut honelako umeak eta haien haurtzaroa ikusi eta bizi izan dut. Ni ez nintzen orduan horretara ausartu, nahiz eta nire barruan ahots txikitxo batek argi eskatu. Eta, egia esan, ez dut ikusi izaki horiek baino haur biziagorik eta osasuntsuagorik. Aipatu behar da, halaber, jasotzen zuten amatasun maila altua zela eta haien beharrei era sotilean erantzuten zitzaiela.

Bestalde, beste profil bat aipatuko dut: gogoak ematen ez diolako inokulatzen ez dena, edota politikarien leitmotiva pertsonen zaintza eta ongizatetik urrun eta haien poltsikoetatik hurbil dagoenaren eskarmentua hartu dutenak dira. Hau ere zilegi bada izatez.

Azkenik, gizakia GIZAKI izanik aztertzen dituzten benetako azterketa zientifikoak harrien azpietan, eta ondo ostendutako tokietan bilatzen dituzten pertsonak izendatzea bururatzen zait.

Beraz, tratamendu esperimentalik injektatzen ez duten pertsonen artean aukera zabala dugu.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

2 erantzun “Nolakoa da tratamendu esperimentala inokulatu nahi ez dutenen profila?” bidalketan

  1. Gakoa da bakerioen eta birus patogenoen teoria onartzen dan a la ez. Nire ustez, onartzen dabenen artean hiru talde dagoz: edozein txertoren alde dagozanak, bigarrena ohiko txertoaren alde eta hirugarrena osagaiengatik txertoaren aurka dagozanak.
    Teoria hori urteetan zehar leku guztietan zabaldu dabe, Unibertsitatean (leku garrantzitsuena), hedabieetan….. eta orain gobernuak OMEren agindupean jarri gura dabez. Horregaitik jende askok bere bizitzan teoria honetaz aparte ez dau besterik entzun. Adibidez jende gitxik Peter Duesbergen liburu eta artikuluak irakurri dauz. Hori dala ta txertaketa masiboa ezartzea erraza izan da.
    Teoria hori onartzen ez daben zientzialariek, birologoek batez be, ostrazismora kondenatuta dagoz eta euren curriculum-k suntsitzen dabez. Holan teoria hori bakarra izatea lortu dabe. Jende gitxik zalantzan jartzen dau. Beharbada horregaitik jende gehiago batzeko manifestazinoen leloak Covid paserik ez, Stop eskoletako protokoloak, txertaketa esperimentalarik ez, izaten dira.

  2. Ziztada zuzen eta bikainak, Aino, gordinak ere…Atzerantz begiratu eta hartutako erabaki batzuetaz damutu ordez, aurrerantz hobeto egiteko hausnarketa baliagarriak halere…

Utzi iruzkina

Azken artikuluak