Iruña-Veleia Argitu, Ez Suntsitu Plataforma osatzen duten hiru elkarteak oso oso kezkatuta daude Lurmen kaleratu zutenetik. Batez ere azken bi urte hauetan hondeamakina sistematikoki erabiltzen ari direlako indusketan, eremu arkeologiko oso aberatsak suntsitzeko modu programatuan gainera: gaur harresi ondoko eremua, bihar alboko atea, etzi San Juan Komentua, etzidamu ez dakigu…
Arabako Foru Aldundiak kudeatzen duen eta Eusko Jaurlaritzaren jabetzapean dagoen eremu honetan 4 metroraino sartu dute hondeamakina inolako gupidarik gabe
Ez da arkeologoa izan behar jakiteko indusketa batean eskabadora 50 zentimetro lur kentzeko erabil daitekeela baina gehiagorik ez. Bada, hemen, Arabako Foru Aldundiak kudeatzen duen eta Eusko Jaurlaritzaren jabetzapean dagoen eremu honetan, 4 metroraino sartu dute inolako gupidarik gabe, arroketaraino, eta bitarteko estratu guztiak eraitsiz Iruña-Veleiako alboko ate batean.
Ez da arkeologoa izan behar jakiteko grafitoak datatu gabe ezin dela esan faltsuak direla, Arabako Aldundia egiten ari den bezala. Horregatik, gogoratu nahi dugu Eliseo Gilek 2007an, orain dela 18 urte, eskatu zuela 50 grafito datatzea, baina hori egin gabe jarraitzen dutela. 18 urte zientziari atea ixten.
Iruña-Veleia ukatzeko arrazoietako bat euskalduntze berantiarraren teoria da
Baina ez dute irabaziko. Iruña-Veleia ukatzeko arrazoietako bat euskalduntze berantiarraren teoria da. Hemen erromatar garaian zeltaz eta ez euskeraz egiten zela dioen teoria hori egunez egun pikutara doa: Irulegiko Eskua, Lantzeko hitza… Izan ere, gezurrak bide laburra dauka!
Suntsiketa bideo honetan ikusi daiteke:
Herritarrei gogorarazi nahi diegu suntsiketa gelditzeko sina dezakegula eta arduradunei posta elektronikoa bidaliko zaiela guk sinatzean:
Aski da! Atera zuen eskabadora zikin hori oraintxe bertan Iruña-Veleiatik!
Lotsagarria da euskara eta gure kultura defendatzen omen duten alderdiek aztarnategi honi eraso egitea!
Lotsagarria da gainerako alderdi eta erakundeak isilik egotea herri honetako kulturaren aurkako eraso horren aurrean!
Babes dezagun gure ondarea!
Iruña-Veleia Argitu, Ez Suntsitu Plataforma
25.02.25
Eskakizuna sinatuta.