Euskal Elkargoko kontseiluaren egunean, Marieniako lurren etorkizuna Elkargoko hautetsien esku da! Elkarretaratzea abenduaren 7an, 8:30etan Auditorium Arte hirian, Baionan.
CADE, ELB, ELG Gazte, Lurzaindia, Nahi Dugun Herria eta OSTIA sareak sustaturik, Elkargoko hautetsi multzo batek eskatu du abenduaren 7ko Elkargoko Kontseiluaren gai zerrendan Marieniari buruzko eztabaida sar dadin.
Bordeleko Apelazio Auzitegiak onartu du Marieniako lurrak eraikigarri bilakatzeko Kanboko PLUaren aldaketa, Elkargoko abokatuek erabili dituzten gezurrak sinetsiz: “Marienia ez da inola ere laborantzarako ustiatua, bertan ez da bazka-baliabiderik, ez eta ardirik bertan bazkatzen duenik”.
Bainan Marieniako lurrak babesteko beste bide bat gelditzen da: Elkargoko hautetsiek berriz bozkatzen ahal dute PLU hori aldatzea, laborantza lurrak babesteko bestalde onartu dituzten orientabideekin koherenteak izaiteko.
Errepresioa ez da aterabidea! Inork ez du espero behar errepresioarekin bukatuko denik Marieniari buruzko gatazka.
Bouyguesek, proiektuaren maketaren gainean sinbolikoki lurra bota zuren Ostiako militanteen epaiketaren aurka egin du damu-domaia handiak eskatuz (44.000 €), lehen auzialdian egin zituen eskaerei 20.000 € gehituz. Auzia abenduaren 12an.
Goizaldean etxean egin atxiloketek, eskuburdinak, auzapeza ustekabetarik erori den Kanboko Herriko Kontseiluko opukazioan parte hartu duten pertsonak atxilotzeko poliziak “modu terroristan” jokatzeak (nahiz eta auzapezak zintzoki erran zuen ez zela erasorik izan) ez dute laguntzen eztabaida jokoan denaren heinean ezartzeko. Auzia 2025eko otsailaren 11n.
