Labrazaren alde
Joan den asteazkenean egun gogorra eta desatsegina bizi izan genuen, ez Labrazarentzat bakarrik; baita zentral eoliko, fotoboltaiko edo goi-tentsioko linea baten mehatxupean gauden herri guztientzat ere. Oionen ustezko prebarikazio baten aitzakian egin zen osoko bilkuran baiezko batekin justifikatu ziren bozketek agerian uzten dituzte eguneroko politika egiteko beharrezkotzat jotzen diren legezko eta alderdien maniobrak. Kasu honetan helburua argia da: tramitazioan irregulartasun nabarmenak dituzten megaproiektu energetikoak legez legitimatzea.
Eusko Jaurlaritzak eta Iberdrolak, Aixeindar enpresaren bidez, arauditik kanpo eta behartuta sartutako kokapenak inposatzeak adierazi zien, gainerako enpresa-korporazioei, ehizaldia ireki zela. Edozein megaproiektu izapidetzen has zitezkeen beraz, lehen erantzun administratiboa positiboa izango zutela jakinda.
Oso larria da Eusko Jaurlaritzak eolikoetarako proposatzea kanpoko edozein erasotatik babestu beharreko eremuak
Biodibertsitateari dagokionez enblematikoenak diren lekuetatik hasi ziren, Arkamo mendilerrotik eta Iturrietako Mendietatik, esaterako. Biak baztertu egin ziren lehenago ere, naturaren gaineko eragina onartezina zelako. Oso larria da Eusko Jaurlaritzak proposatzea kanpoko edozein erasotatik babestu beharreko eremuak. Herrietako kontzejuen eta espero ez zuten lurralde defentsaren mugimenduen erantzunarekin talka egin zuten. Uste zuten laguntza nahikoa izango zutela manipulazio mediatikoko etengabeko kanpainen hedapenarekin. Eta atzera egin behar izan zuten. Ingurumen filtro administratiboak funtzionatzen duela esateko erabiltzen dute hori.
Legearen balantza nahieran aldatzen duten kanpoko enpresa-interesen mende gaude
Ondoren, Labrazako eta Azazetako zentral eolikoak etorri ziren, gaur egun tramitazioan aurreratuen daudenak. Prozesu horietan aurkitu ditugun irregulartasun beldurgarriek judizializatzera eraman gaituzte eta, kasu bietan, organo judizialak izapidetzeko onartu ditu. Aldi berean, Canto Blanco edo Itsaraz bezalako zentralak erortzen joan dira. Azken hori Bizkaiko Foru Aldundiaren txosten bati esker utzi da bertan behera; izan ere, txosten horren arabera, zentrala ez da bateragarria mendilerro horretan ibiltzen diren eta habiak egiten dituzten hegazti nekrofagoak zaintzearekin. Zentral eoliko baten eta bertako hegazti-faunaren arteko bateragarritasuna erabaki zuena Arabako Aldundiaren balorazioa izan zen. Hor ikus dezakegu zein jarrera instituzional nagusitzen ari den lege berberen aplikazioaren gainetik. Lurraldeak jasaten duen babesgabetasun arbitrarioa izugarria da. Legearen balantza nahieran aldatzen duten kanpoko enpresa-interesen mende gaude.
EH Bilduko zinegotzien esku zegoen zuhurtziagabekeria hori gelditzeko aukera, eta bazeuden arrazoi nahikoak horretarako. Garrantzitsuena, Labrazako herriaren ezetza
Besteren agindu horiek ez dira soilik autonomia- edo foru-administrazioen bidez ezartzen. Udaletakoen bidez ere egiten dute. Herriarengandik hurbilen dauden gobernu-egiturak abusuzko dinamika berberak errepikatzen ari dira. Oionen egiaztatu dugu orain, udalaren aldetik zuhurtziagabekeria hori gelditzeko aukera baitzegoen. EH Bilduko zinegotzien esku zegoen. Arrazoi nahikoak zeuden horretarako. Horietako bat izapidetze horrek jasan dituen irregulartasunak dira. Kasuaren judizializazioa beste bat zen. Baina garrantzitsuena zen Labrazako herriak EZ esan zuela. Eta EZ horrekin, zentralari bere bidea egiten utzi diote. Kosta ahala kosta politikan jarraitu nahi duen alkate baten zorigaiztoko adierazpenek udalerriaren onerako erabiltzeko jasoko duten diruaz hitz egiten dute. Proposatu du, besteak beste, inguru horretan ingeles irakasleak lortzera bideratzea diru hori. Prebarikazioa da zentral eolikoa justifikatzeko darabilten arrazoia, nahiz eta kontra daudela dioten.
Naturguneen merkatal- eta industrializazio-interesak baliozkotzen dituzten estrategia horiek ezartzen diguten babesgabetasuna salatzen dugu. Halaber, estamentu judizialari eskatzen diogu lehenbailehen eta zehatz-mehatz iker ditzala egoera zital honetara ekarri gaituen amarruan egin ahal izan diren prebarikazioak.
ARABAKO MENDIAK ASKE
Eraso hauen aurrean babesteko soilik bada ere, eta zihur beste hainbat eraso badirela, Euskal Herriko udalerrietan independenteak izango diren herri ekimeneko alderdiak osatu, aurkeztu eta bide horretan lan egiteak berebiziko garrantzia izan dezake une hauetan.
Ez dut uste instituzio barrutik ezer eraginkorrik egin ahal izango denik. Lehenik eta behin, instituzio beraiek joko-arau amainatuak dituztelako. Bigarrenik, zentzugabekeria horiek behera botatzeko nahikoa zinegotzi izateko adina boto lortzea ezinezkoa delako. Eta orain eraso horiek guztiak onar baditzakete, espektro politiko desberdinetako zinegotzi asko aurka ez daudelako da. Beraz, beste talde batzuekin egindako akordioekin ere ez da posible. Hala ere, iritzi publikoa mobilizatzea, gizarteak pairatzen duen lerrokaduragatik gero eta zailagoa bada ere, eraginkorrena litzateke; izan ere, herritarren mobilizazioa masiboa denean lortzen da alderdi politikoak, boto-emaileak galtzeko beldurrez, gehiengo popularraren alde agertzea. Euskal Herrian baditugu adibide aski ezagunak. Herriarengana nola iritsi behar den jakin behar da, eta ez hautagaitza independente baterako botoak lortzeko.
Uste dut hortik ere eragin daitekeela eta badira egitateak hori baieztatzen dutenak. Badira gehiengo osoak alderdi independenteek dituzten udalerriak, alkatetza barne. Eta emaitzak ez dira berdinak.
Ez dizut ukatuko hor ere mugak ez direnik, baina herrian eragiteko lan esparru oso zabala du udalak. Aurkariak ez dira inozoak. Zabalago azalduko dut gaia aurrerago.
Bitxia da iraultza guztiak noizbehinkako “erabakitzeko eskubide”aren eskakizunera mugatu dituzten kate zakurrek aitzaki moduan erabiltzea alferrik zela makroplantaren kontra bozkatzea erabakiak goragotik emanda datozelako.
Niri datorkidan galdera da:
Zer erabakitzeko ahalmenez ari dira, moketaren koloreaz?
Bestalde Aian burujabetza kandidaturako zinegotziak esan berri dit oso zaila dela gaur udaletxeetan ezer erabakitzea sekretarioak eta teknikariek agintzen dutelako, eta sekretarioa Madrilek ezartzen duela.
Agian aldarrikapen polit bat da Udalen Autonomia aldarrikatzen hastea.
Sekretarioa madrilek eta zinegotzi nahiz alkateen hautaketa inbertsio funtsen morroi diren alderdien esku uzten badugu emaitza hau da, duguna. Autonomia, independentzia eta burujabetza udaletan aldarrikatu eta gauzatu.
Zuetako bakoitza errespetu guztiz analizatuz, argitzen saiatuz, intuizioak esaten dit edo lerro artean irakurri uste dut (udalek arlo honetan dituzten eskumenen erabateko ezezagutzatik), udaletxeak erabaki ezin badu, bide zuzena ekintza antolatua eta mobilizazio soziala liratekeela, Patrikek ongi azpimarratu duen moduan, eta nik gehitzen dut hor ekintza zuzena ere. Izan ere, ez Bilduk eta ez inongo hautagaitza independentek ez ditu ondorioak bere gain hartu nahi izango, inhabilitazio eta isun potoloetatik hasi eta kartzela zigorreraino izan daitezkeenak, prebarikazioa egitegatik, hau da, botereari kontra egitea garesti irteten da, beraz, edo haien jokoarekin, politikarenarekin, bat egiten duzu, edo Fronte Lerrora pasatzen zara!!
Zergatik orain 20 urte hainbat proiektu erraldoi gelditu ziren eta orain zailagoa izango da? ba lehen nolabaiteko oposizio bat artikulatuta zegoelako Herri Batasunaren inguruan.
Baina hori aspaldi desagertu da eta egin behar dena da bestelako mugimendu sozial-politiko bat eratu, elkarri lagundu, botereak erromatarren garaitik daraman “zatitu eta irabazi” horri aurre egin. Baina horretarako ismo guztiak albo batera utzi behar ditugu (herriak zatitzeko oinarri nagusia),
Erabakigune guztiei jarraipena egin, aurkeztu, gainean egon, zirikatu…
Baina hori ez da lortzen egunetik egunera eta are gutxiago jarrera abstentzionistarekin edo elkartzeko gai ez bagara.
Izan Auzokrazian argi dugu zerbait eratu behar dela, 2030 Agendari aurre egiteko, herritarrok dagokigun konpromisoa berriro hartzeko, politikan jarrera aktiboa izateko.
Arbasoengandik arin ikasten ez badugu desagertuko gara herri gisa laster
Gezurra, HB ez zen mugimendu sozialak artikulatzen ari. HBk gizarte-mugimendu guztietan infiltratu zen, bere eremura eramateko, eta, ondoren, menpekoak zirenean, bertan behera utzi zituen, desegitera kondenatuz.
Lemoizko zentral nuklearra ez zuen HBk itxi, funtsean, herritarren erantzun sendo eta masiboagatik itxi zen. Eta garai hartan bizi zen errepresio basatiaren aurrean, ETAk balantza orekatu zuen alde militarrean, herriaren alde inportante baten begikotasuna bereganatuz, besterik ez. Eta Insumisioak armadari berdin, HBko gazteek, Jarraik, euskal soldadutza defendatzen zuten, soldaduska honi ez!; gazte askok, ordea, ez genuen soldaduskarik nahi, ez armadarik, ez euskaldunik, ez espainiarrik, ez frantzezik. Gogoan dut Jarrain ez sartzea erabakitzeko arrazoietako bat bertako kideekin izandako eztabaidak izan zirela, esaten zizutenak eta doktrinatzen saiatzen zirenak esanez herrialde orok armada bat behar duela bere burua defendatzeko erasotzen badiote. Baina insumisioa popularra egin zenean, plana aldatu eta intsumisioaren alde jarri behar izan zuten, TSrekin, orduraarte insumisioa esaten bagenuen ere. Eta badirudi HBk zerikusia izan zuela Espainiako Estatuan intsumisioarekin eta ondoren soldadutza uztearekin, baina ez da egia. Itoizko urtegian, Leizarango autobian, herri-plataformak zeuden, eta, libre zirenez, HBren inguruko pertsonen zirkuluak sartzen ziren baita, eta, bestalde, ETA ere bai. Azken bi borroka horiek irabazi ez zirela alde batera utzita, Leizarango Autobidean gutxienez ibilbidearen zati bat aldatzea lortu zen, eta Itoizko ekintzarik ezagunena obretako kableak moztu eta atzeratu zituzten solidarioena izan zen, zingiraren aurkako disidentziari oxigeno-baloi bat emanez. Zer lortu du HBk eta ETAk bere historian? Ezer ez! Eta nik beti bat bozkatu dut eta ez dut bestea kondenatu, baina laburpen bat egiten badugu, azkenean dena galtzera joan zen ezer lortu gabe. Herritarren abstentzioa eta militantzia da oinarria, alderdiek, plataformek edo dena delakoek joko-arau amaƱatuak hartzen badituzte, gutxi batzuk politikatik bizi daitezen baino ez dute balio, eta gainerakoek, bizitza nola pasatzen den eta ezer ez dela aldatzen ikusita. Beste batzuengan delegatzea amaitu da, bakoitzak politikari aktiboa izan behar du herri-demokrazian eta erakunde tranpetatik kanpo.
Patrick: Egia eta gezurra oso hitz handiak dira iritziak ematerakoan. Parte handi batean ados nago zurekin baina beste parte handi batean ez. Eta arazo handi bat dugu eztabaidatzeko zeren etari buruz ezin da iritzirik eman libreki, iritzia ez baldin bada gobernueren gustokoa delitu larria dalako.
Iritzi librea ez izateak antzua bihurtzen du horri buruzko eztabaida publiko guztia,ez dago eztabaida posiblerik eta iritzia eman duenak ez duelako libreki eman eta ez dakigulako pentsatzen duena esan duen ala uzten diotena.
Beraz nire ustea da ez dela hortaz hitzegin behar publikoki denok iritzia emateko libre izan arte.
Ni ados nago Patxirekin udaletik ere lan eraginkorra egin daitekeenari buruz, adibide ugari ditugu. Aske gara bakoitza bere bidea egitean, eta elkar ez genuke zangotrabatu behar.
Nik uste dut dena den behetik gorako eraketa behar duela izan, alegia udal bakoitzerako alderdi independente bana eratuaz. Eta ondoren goragoko plano instituzionaletara horien federazio moduan joaz. Eta ez alderantziz, ikustera ohituak bagaude ere goitik beheranzko eraketa.
Bai Asier ados. Ezin ditugu gauza batzuk esan, eta aldi berean erantzuteko beharrean nengoen. Horregatik agian gauza batzuk ixildu ditut eta ez zait osoki ulertu. Egunen batean honetaz berbaeitea lasai eta zuzenean ondo legoke. Besarkadak eta zeozerk mindu bazaitu barkatu, ziur nahiko ados egongo garela generalean.
Lasai Patrick, mindu ez, bakarrik hanka puntetan pasatzen dugun zentsura azpimarratu nahi nuen eta esan egongo dela jendea gauza asko eztabaidatuko litzukeena baina ezin dituela bere argudioak eman eta horrek eztabaida posiblea anulatzen duela.