Elosuko baraualdiko bizipenak ezin kontatzekoak izan dira; elkartasun giroa, bizipoz momentu hunkigarriak, irakaspenak eta INDEPENDENTEAren inguruan sortutako lagunarteko komunitatearen trinkotzea. Ugariak izan dira irakaspenak, barreneko entzuketak, talde dinamikak, sentimenduen adierazpenak edo emozioen isurketak.
Gose pixka bat pasatu dugu, bai, baina erraz gainditu ditugu gure barneko erronkak, eta, argalduz joan garen neurrian, geure buruak eta arimak argituz joan dira aterpetxearen barruan nahiz eta kanpoan euri langarra izan.
Amestu dugu gizarte berri bat, non gizatasunak ustelkeria gainditu duen, non osasuna, gorputzarena zein mentala, ez dagoen maltzurren eskuetan, edo asun enpanadillak aseko gintuela noizbait. Barne biluzketen lekuko izan gara, energiaren uhinak sentitu ditugu gure sabelek oihu egiten ziguten bitartean. Eskerrak eman eta jaso ditugu elkarrengandik, eta hezkuntza bizi batek jakintsuagoak egin gaitu. Suaren inguruan abestu eta dantzatu dugu aspaldiko gaubeletan bezala.
Kilo batzuk galdu ditugu, baina emozioz loditu gara, eta agian bi urte barru errepikatuko dugu.
Itzela izan da bizitakoa.
Benetan be!!!!
Ze ondo pasatu dogun…
Eskerrik asko Angel partekatzeagatik.
Ahuldadean indartsu; hori izan da bizipen orokorra. Norbanakoak bere bizipen pertsonala zaindua eta entzuna somatu dugu. Elkar entzuteari lehentasuna eman nahi izan diogu hasiera batetik eta lortu dugu familia sentitzea, komunitatea eraikitzen geundela; elkarrenganako maitasun nabarmena somatzen zen aidean.
Egunez batzarrean jakinmina asetzen, gauez sutondoan kantu eta bertso batean gozatzen,…
Burura datorkit Walt Whitmanen poema, Txomin Artolak
euskeratua urte batzuk direla;
Lur osoaren erasoak ezin garaitu zezakeen hiri bat ikusi nuen ametsetan
adiskideen hiri berria zela egin nuen amets
ez zenan elkar maitatzeko zuten amodio gartsu hura bezain gauza handirik
gainerako guziak gainditzen zuen amodio honek
tenore guzietan nabari zen hiri honetako gizakien ekintzetan
begirada eta mintzo guztietan,…
Angelek esan zuen bezela, experimentoa zen.
Baina jada ez. Ez da experimentorik.
Badakigu zer dan baraualdia euskaraz.
Burutu da eta oso ondo atera da.
Eta asko dakigu orain.
Aupa zuek iraultzaileak !!!!!
Hitzen mugak gainditu nahirik, ezin utzi sentitzeari. Itzela izan da bai. Elkarren xumetasunak luze egingo du itzal hegoak zabaldu bakoitzean.
Arranoak gara.
Arranoak gara, arranopola!
Baina baita BELA beltzak ere.