Bertsoa

Ireki begiak

Zientziak ez ditu beti esaten egiak, legeak ilegalak ditugu erdiak.

6

Mikel Alzuart Zaldain 'Dutari'

Abeltzaina. Arizkun

Zer da gaur Donostian,
ze jardunaldiak?
Dantzak ekarri ditu
gure arnasaldiak,
zientziak ez ditu beti
esaten egiak,
legeak ilegalak
ditugu erdiak.
Munduak irekiko
al ditu begiak?

Norbaitek gu nahi gaitu
bere menpekoa,
gure indarra ez da
ez gutxiestekoa,
sobran da agintaria
sobran espertoa,
bizitza ta osasunai
gure baiezkoa.
Guk ez dugu hartuko
gezurran txertoa.

Ez gara ibiliko
alferrik kexatzen,
hasi behar baitugu
beldurrak uxatzen,
elkarrekin ibiltzen
elkarrekin pentsatzen,
elkar baitugu beti
indartsu osatzen.
Hurbildu guregana
ez dugu kutsatzen.

Mikel Alzuart / Osasuntsu eta aske hitzaldia

6 erantzun “Ireki begiak” bidalketan

  1. Oxigeno garbia heldu zait bapatean zure bertso hauek irakurtzean!!
    Eskerrik asko Mikel.
    “BIZITZA TA OSASUNAI GURE BAIEZKOA” ….ederraaa!

  2. Pozgarria da horrelakorik entzutea.
    Pako Aristiri oraindela gutxi irakurrita esaldi honek barneratu eta egia bihurtu behar dugu: “Konformatu ez zirelako gara, eta konformatuko ez garelako izango dira.”

  3. Nun daude bertsolariak???
    Lur azpian burua sartuta ostrukak bezela???

    Aupa Altzuart, EH-an gelditzen zaigun benetazko bertsolari bakarra!

  4. Ihauteririk lehen
    bazan ta ez bazan,
    jaia poza ta dantza
    Tolosako plazan,
    Etsipena bertsotan
    iritsi ote zan?
    Eskerrak behintzat Mikel
    bestela zabiltzan,
    gezurrak lekurik ez
    zure kalabazan (bis).

  5. Aspaldi errepideak
    gure sustraiak,
    hormigoia jateko
    ta gasoil edanda,
    azkar azkar korrika
    ta dena presaka,
    bizitza, arima, koplak
    ta gaizotasunak!(bis)

    Gaur Arizkunen lotan
    bihar Singapurren,
    gosarian bost kantoi
    ta poltsan rambutan,
    sukaldean haritza
    bulego irokoa,
    Ze gozada bizitza
    globalizatua!(bis)

    Jainkoaren agintea
    ondo bete dugu,
    hazi eta ugaldu gara
    mundu osoan oro,
    suntsiezin garela
    hori argi dago,
    mundua amaigabea
    balitz bezalako! (bis)

    Baina dena ez da
    arrosa kolorea,
    liztor beltza itsasontzian
    goxo dago ala,
    eltxor tigrek gure
    atean jotzen ia,
    ta txikitxoak berez
    okerragoak dira! (bis)

    Zertarako Bill Gates
    zertarako Soros,
    ekuaziotik kenduta
    ez da ezer pasako,
    Aspaldi genekien
    hau pasako zala,
    Irekiak begiak
    ta itxi Telegrama!(bis)

Utzi iruzkina

Azken artikuluak