(Bertsoak hamarreko txikian jarriak)
Ongi etorri haurride,
jaun eta andreak
kontatutzera noa
historiak ahaztuak,
ho(ge)ita hamaseigarrena
triskantza urtea,
faxistak sartu ziren
amorruz beteak
euskaldun izatea
bihurtu zen kaltea
Iraila(re)n hamairua
egun txit tristea
donostiarrek ihesa
ezin zen bestela
hirian geratuek
ai patu gaiztoa
konfiantzaz beterik
uste zuten ona
milaka izan ziren
larri zapalduak
Ez dezagun ahaztu
gerran agitua
ez bedi izan otoi
errepikatua
forma berriak daude
antzeko mamia
borreroak hartzen du
nahi duen jantzia
izan dezagun bada
ernea begia.
Zilegi izan bekit
azken predikua
bukatutzera noa
eman dut pausua,
oraindik hortxe dago
borreroen itzala
gainean utzi digute
Urgullen Kristoa
kendu bezate behingoz
oi txorimaloa.
Iñaki LL
Monoteismoak:
patriarkatuaren patologia nagusi bat, monogamiaren ideologia bezala.