Espainiar eliteek indar fisiko, instituzional zein sinbolikoz ezarri eta iraunarazten dute herriak eta langileak esplotatzen dituen ordena. Ezin zaio zapalketari aurre egin indarraren faktoreari ezikusia eginez edo indarkeriaren monopolioa burgesiari utziz.
Gedar.eus langile kazetak, martxoak 24ean:
34 dira Gasteizko campusean atxilotutako ikasleak. Ikasle Abertzalek deituta, hamalau herritan egin dituzte kontzentrazioak. Gasteizen izan diren atxiloketen harira, EHU “errudun eta erantzule zuzena” dela salatu dute, eta askatasun politikoen defentsan lanean jarraitzera deitu dute. Goizalderako geratu dira aske atxilotu guztiak, karguekin.
Zapalduok eskubidea ez-ezik betebeharra ere badugu indarra batu eta erabiltzeko, abaguneak hala eskatzen duenean. Testuinguru historiko bakoitzean eskura dauzkagun tresnarik eraginkorrenak baliatu eta, aldi berean, tresna berriak sortuz joan behar gara, hori da gure etika.
Zapalkuntza egoera honetan, krisi ekonomiko estruktural baten erdian, langileon pauperizazio prozesu betean, burgesiaren kode moralak onartu eta zuritzea etsaiari munizioa ematea da eta zapalduoi ez digu ezer onik ekartzen, ezpada aurkakoa.
Horregatik, besteak beste, nire elkartasun humano eta politiko osoa adierazi nahi diet atzo Gasteizen Ertzaintzak atxilotu zituen ikasle grebalariei.
Eskerrik asko, Zigor, gauza bakoitzari bere izenez deitzeagatik.
Tresnarik eraginkorrenak baliatu eta, aldi berean, tresna berriak sortzearen etika, bereziki gogoan izatekoa.