Ekainak 15, igandea:
Turistifikazioaren aurkako MANIFESTAZIOA Donostian
Kaixo!
Datorren ekainak 15 igandean, Donostiako desazkunde turistikoaren aldeko Bizilagunekin plataformak gure hirian nabarmenki nozitzen ari garen turistifikazioaren aurkako manifestazioa deitu du. Mobilizazioa eguerdiko 12:00etan abiatuko da, Kontxako hondartzako erlojuetatik, “Bertan bizi nahi dugu! Donostiaren turistifikazioa gelditu!” lelopean.
Egun berean, Europako hegoaldean turistifikazioaren aurkako borrokan diharduten hainbat hiritan ere kalera aterako dira, SET sarearen deialdiari erantzunez.
Mobilizazio honen harira, Donostiako 48 elkarte eta talde sozialek turistifikazioaren ondorio kaltegarriak auzitan jartzen dituen manifestu bat izenpetu dugu, deialdiarekin bat eginez. Hori dela eta, manifestazioan partehartzeko eta gure inguruan deialdia zabaltzeko dei egiten du Satorralaiak.
Manifestua eta kartela atxikita doaz.
Hemen Bertan bizi nahi dugu. Donostiaren turistifikazioa gelditu Manifestua, deskargagarri:
Agur eta eskerrik asko.
SATORRALAIA
(OHARRA: Donostiako desazkunde turistikoaren aldeko plataformarekin harremanetan jarri nahi baduzue: bizilagunekin@gmail.com)
Turismo masiboa kolono txandakatuen inbasioa da, hondeamakina globalistaren beste fronte bat. Honek bat egiten du etxebizitza, migrazio, hizkuntza, osasungintza, prostituzio, digitalizazio….. fronteekin
Ezinbestekoa da puzzle osoaren irudia ikusten saiatzea ez gaitezen gal fokalizazioek eragiten dizkiguten eztabaida sektorialistekin.