Ondorengo itzulpena martxoak 26an Gasteizko plenoan herritarren txandan politikariei irakurritako testu bat da. Bilkuran Ekologistak Martxan eta Stop 5G Gasteizek aurkeztutako mozioa zegoen eztabaida gai. PNV, PSOE eta PPk kontrako bozka egin zuten, eta harrigarria iruditu arren BILDUK eta ELKARREKIN-PODEMOSek abstentzioa. Argudio trinko eta zehatzik gabe denek txalotu zuten teknologia berri honek ekarriko dituen abantailak. Poliki-poliki alderdien kolore ezberdinek bat egiten bukatu dezaketen abisu argia.
Ez da nire asmoa zuen buruei hitz egitea, zoritxarrez guri buru-garbiketa egiteaz ongi okupatu baitira. Nahiz eta eder eta puruegia iruditu hau bezalako jauregi batean, zuen bihotzei hitz egitea gustatuko litzaidake.
Aspaldi, egarri infinituz beti aberasteko eta inposatzeko helburu besterik ez duten botereei, pertsonen bizimodua erabakitzeko ahalmena utzi diegu. Eskerrak, oraindik ez dutela guztiz hori lortu, baina ia ia. Gure pentsamenduak gaur egun, hein handi batean, gutxi batzuek erabaki duten modukoak direlako.
Aurrena herria esklabo egin zuten, erregeek, jauntxoek, familia hilezkorrak. Ondoren soldatekin ziria sartu ziguten, lanaren banaketa, eskubideak defenditzeko ezinezko jolasa. Inkisizio luzean eta garbitasun espiritualaren izenean, estatu eta elizaren menpe, apaizak izan ziren herria izutu eta erreprimitzeko arduradunak. Gaur egun arte generoak banatzea lortu zuten, emakumea pertsonak ekoizten zituen lantegian bihurtu, irribarre lotsatiak tristatu eta lurrarekiko eta landarekiko jakituria ezabatu. Gaurko farmaziak baino askoz jakituria handiagoa zuena. Ondoren, erosotasunaren izenean makinak saldu zizkiguten ama lurra kutsatuz. Gero, eta bidean gauza asko utzi ditut, kotxeak, etxeko tresnak eta gorbatak izateko behar ekidin ezina.
Hau dena garapenaren izenean. Egunero, eta gero eta abiadura handiagoan, bizidun espezieak desagerraraztea eta lurra eta bere izakiak gaixotzen dituen garapen eredu erruduna. Eta munduan jende askok migratzera behartuta ikusten du bere burua, justu bere lapurren etxera jaki eta aterpe bila.
Gaur apaizen papera komunikabide ofizialek betetzen dute. Gaur alderdi politikoek, fundazio eta multinazionalek ezartzen dizkieten aginduak jarraituz, betiere interes ekonomikoak arrazoi, bitartekari lana egiten dute. Baina gure ustez pertsonak ere bazarete, lurraren seme-alabak. Tarte batez gonbidatuak. Denok bezala. Beraz, ez baduzue behar gaixoen dependentziaren kateak jarraitzerik nahi, eta zuen “ingurugiro”, “beste eredu energetiko baten alde”, “Green kapital”, “jasangarri”, “arduratsu”, … hitzekin koherenteak izan nahi baduzue, mesedez, izaki bizidun guztiekiko errespetuagatik, ekarpen minimo bat egin eta ez ezazue onartu 5G-a bezalako teknologia berri bat, zeinek soilik; harreman hotzagoak, lur eta espazioaren kutsadura handiagoa, deshumanizazio emozionala, minbizia bezalako gaixotasunen ugaritzea, askatasuna are gehiago mugatuko duen kontrol soziala, ama lurrarekiko deskonexio handiagoa eta agian noizbait gizakion inteligentziaren gainetik jarriko den inteligentzia artifiziala ekarriko dituen abiadura eta gutxi batzuen aberastasunaren izenean. Hau da 5G-a. Bizimodua guztiz eraldatuko duen sistemaren azkeneko aurkikuntza.
“Garapenak” aurrera egitea, hobetzea, perfekzionatzea esan nahi du. Garapena ez da etxea gauzez betetzea, garapena ez da zerbait esan, esaldia apaindu, eta kontrakoa egitea. Garapena ez da planeta honen azkeneko hutsunea ere uhin elektromagnetikoez estaltzea.
Batzuek seme-alabak eta bilobak izango dituzue. Zein nolako mundua utziko diegu? Giza harremanik gabeko mundu bat? Non jada ezingo den sikiera Iberdrolaren bulegora joan bronka muntatu nahian kontratuan tranpa egin eta gehiago kobratzen dizutelako? (bertan ez delako inor egongo), mundu bat non Instagrameko profilak zoriontasunak eta lagun onak izateak baino garrantzi handiagoa duen? Jendeak tomate hidroponiko batek bezain beste balio duen mundua? Kanpotik dirdiratsua, perfektua, hain perfektua zein ez den negutegiko beste tomateengandik bereizten. Euria, eltxoak eta haizea ezagutzen ez dituen tomatea. Zoritxarrez teknologiaren “garapenak” bide honetan garamatza. Ez zaporerik, ez graziarik, ez izaerarik eta ez askatasunik ez duen gizarte bat izatera (askatasun hitza benetan existitzen bada eta ez bada martzianoen asmakizun bat).
Behin esaldi hau irakurri nuen eta gaur zuenera dakart:
Norberaren iritziaren kontrako obedientzia ekintzarik arduragabeena da
Mila esker entzuteagatik. Entzun nahi izan duzuenok.
Stop 5G Gasteiz, Ireki begiak eta Ekologistak Martxan
Artikulu honen egileak txalotzeko egindako kontakizun tristagarria bezain benetakoa.
Azken fasean gaude, eta inork eta ezerk ezin du saihestu, artikulu honetan islatzen denarekiko.
Ingeniaritza Sozialaren aroan jada sartuta gaude.
Garrantzitsuena lortu dute: edozein gogoeta eta erantzukizun baztertu duen geihiengo haundi batek gutxiengo kontzientizatu eta askatasun egarri bati Elite baten irizpenak inposatu eta inguratu dizkiola, zeinak oso ondo aztertuta baitzuen gizateria genetikoki manipulatzeko unea, eta izaki esperimental bilakatzeko unea, planeta honen gainean bere esentzia eta izaera galduko zuena.
Izugarrekeria bat desagartzeaz jabetzen garenontzat
Nahiz eta gutxiengo horretako gehienok jakin beranduegi dela, ozen eta zutik entonatuko dugu “agian, agian…” epitafio gisa.
Dolü gabe hiltzen niz
bizia gizateriarenrako
ematen baitüt.
Agian, agian, egün batez
jeikiko dira egiazko subiranoak
egiazko bermatzaileak
bertako tirano ohiltzeko.
eta gure naturaren naturak
utzi digun jakituria
populoari itzuliz.