Kaixo! Hernaniko udalerriak Aranorekin muga egiten duen Urumeako mendialdean Enigma Green Power 26 SLU enpresak sustatzen duen “Ikatz Gane” izeneko zentral eolikoaren proiektua bertan behera utz dezaten eskatzeko HERRI-ALEGAZIOAK zabaldu ditu Urumeako Mendiak Bizirik ekimenak (kontaktua: umbizirik@gmail.com). Hori dela eta, alegazio-orri hori izenpetzeko eta gure inguruan zabaltzeko deia egiten dute. Alegazio eredua euskaraz eta gazteleraz atxikitako artxiboetan doa. Baita karteltxo bat ere.
Alegazioak aurkezteko epea: Maiatzaren 4ra arte luzatu dute.
Alegazioak aurkezteko moduak:
1 – Urumeako Mendiak Bizirik ekimena ahalik eta sinatutako alegazio gehien biltzen ari da, alegazioen entrega kolektibo bat egiteko asmoz. Horretarako, DONOSTIAN alegazio-orri sinatuak apirilaren 28a baino lehen MARRUMA tabernan (k/ Berria, 12 – Gros) edo Abenidako KIOSKOAn (Abenidako 11. zenbakiaren parean dagoen prentsa-kioskoan) uzteko eskatzen da.
2 – Bestela, alegazioak norberak aurkeztu ditzake:
- Korreo zertifikatu bidez: Helbidea eta erakundearen izena alegazioen goiburuan datoz. Postara bi kopia eraman behar dira (bata bidaltzeko eta bestea zigilatuta norberak gordetzeko).
- Donostian: Eusko Jaurlaritzaren Industria Sailaren Ordezkaritzaren bulegoetan (Easo kalea, 10. Ordutegia: 8:30-14:00).
- Donostian: Eusko Jaurlaritzaren Alderdi Ederreko bulegoetan dagoen “Zuzenean” zerbitzuaren bidez (Andia kalea. Ordutegia: 8:00-19:30. Kasu honetan aurretiazko zita eskatu behar da).
Bestalde, zenbait lagunek alegazio desberdinak landu dituztela jakinarazi dute, proiektuan arlo desberdinetan antzemandako irregulartasunak eta gabeziak jorratuz. Ildo honetan, datozen asteetan alegazio-dokumentu osatuago bat ere zabalduko da, ekarpen indibidual gisa. Informazioa trukatzen segi dezagun beraz.
Agur!
Mikel (Donostiatik, tlfnoa: 695715510)
Emaila: mikeltxikizio2@gmail.com
HEMEN DESKARGA DAITEZKE DOKUMENTUAK: alegazio-eredua euskaraz, gazteleraz eta kartela:
