Agur

Orain bai prest

Argitalpenak eten dira.

6

Haizea Urtasun Rosano

Burujabetza kolektiboen aldekoa. Zuhatzu.

Eta honekin kitto. Agur mezuak eta azken arrantzak argitaratuta, eta miraririk egon ez denez, jarduera bukatutzat ematen dugu. Agian iruzkinei eta mezu elektronikoei erantzungo diegu. Hemeroteka, bideoteka, audioteka, autoreen atala, hau da, guneak erabilgarri jarrai dezan mantenimendua egingo diogu, behintzat datozen hilabeteetan. Eguneroko argitalpen jarduera, aldiz, mezu honekin eten da.

Gauza asko gelditu dira kontatu gabe, baina orain beste kontu profesional eta pertsonalak artatzeko beharra agintzen du barneak.

Eskerrik asko, Kote, alternatibak marrazteagatik, eta Independentearen etenean bizitakoaren argitze-ariketarengatik, eta hirugarren adibide extrarengatik: Malthus eta besteen ezinegona.

Niri dagokidanean, barneko ahotsaren aginduei obedituz idatzi nuen Independenteako helbide elektronikora, aurrena esker mezutxo bat, gerora nire lehen artikulua bilakatu zena. Eta xuxurla temati berak eraman ninduen hilabeteetan gero eta gehiago murgiltzera txoramen eder honetan. Hitz bakarra hautatzen jarrita, ahalduntzailea izan dela esango nuke, orain barregura sortzen baitit garai hartan iruzkin bat nire izenean idatzita uzteak lotsa ematen zidala gogoratzeak.

Esperientzia izugarri aberasgarria ere izan da, maila askotan. Adibidez, ezagutzei dagokienean, ikuspuntu aniztasun honetan murgildu eta barnean durundi egiten duten horien atzetik bilaketan jarraitzeko piztutako argi guztiak, unibertsitateko hiru urtetako “ikaskuntza” buruz ikasi eta jarraian okaztatuak baino askoz emankorragoak izan dira.

Terapeutikoa ere bai, merke-merkea gainera, halabeharrez aurre egin beharreko egoera berri eta zorabiagarriek barne-kontraesanak azalarazi eta mamuei aurpegia emateko aukera ordezkaezinetan jarri bainaute behin eta berriz.

Azken hilabeteotan Independentean eguneroko edizio lanari eusten aritu naizen aldetik, ohore bat ere bada tresna hau ahalbidetzen jardun izana.

Harreman-arloan zer esanik ez. Ez adiorik!

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

6 erantzun “Orain bai prest” bidalketan

  1. Milesker Haizea! Kote goizeko Ihintzak busti eta arratsaldeko Haizeak lehortu duenean izan gara INDEPENDENTEAK…..

  2. Nire euskara oso pobrearekin, oso urrutitik ZORITXARREZ idazten dizuet, Europako koronazirko orokorra, dramatiko eta baita tragiko honetan. Piztu duzuen argitxo bikain honekin, auzolanarekin, hazi sakon bat utzi duzue, dugu, inkontziente kolektiboan ere. Denontzat, lasai, denborak esango du!

  3. Eskerrik asko Haizea eta independientea bultzatu duzuen guztioi, gezur bat bizitzen ari ginela sentitzen genuenontzat oso garrantzitsua izan da egin duzuena. Argia eman diozue bide ilunari.

  4. Operazio hau esna iragan nahi izan bai dugu, mingarriago den arren, baitakigu “zuk lokartu egingo nauzu, bai, baina gero nork jarriko dit iratzargailua?” esan anestesistari, eta zer gertatu zitzaion Lazkao Txikiri.

Utzi iruzkina, izen eta abizenez

Azken artikuluak