Mendebaldar ezkerretik Erresistentziako lehen indarra deskalifikatzen da “goizeko tertuliakideena” dirudien argumentarioarekin, baina munduko mugimendu dekolonial eta iraultzaileek, Gazako indar marxista-leninistetatik hasita, lerroak estutzen dituzte Sinwar eta Haniyeren lidergoaren inguruan. Artikulu labur batean ezin da egiturazko arrazakerian oinarritutako falazia sare oso bat desegin, baina Hamasi buruzko iritzia ematera gonbidatzen zaituztegu berau arautzen duten estatutuen bidez. Herri-oinarria nagusitu zen barne eztabaidetan sorrerako manifestu zaharra baztertu ondoren; manifestu zahar hartan mugimendua “Anaidi Musulman” erreakzionarioaren beste atal bat bezala deskribatzen zen.
2017ko estatutu horiek mugimenduan nagusi zen errealitate berrira eta etorkizuneko beharretara egokitu ziren, errefuxiatutako masen jatorrizko lekuetara itzultzeko eskubidearen printzipioan oinarrituta, kalte-ordaina jasota, eta inolako estatu kolonialen errekonozimendurik gabe, sionismoaren aurrean erabat askatu arte.
Palestina palestinarrena da, haien erlijioa, kultura edo afiliazio politikoa edozein dela ere
Erakundeak dioenez, Palestina palestinarrena da, haien erlijioa, kultura edo afiliazio politikoa edozein dela ere. Islama gidari gisa ezartzen da, erakunde musulman batentzat batere harritzekoa ez dena, baina jarraian Islamaren gida zein printzipioren arabera interpretatzen den deskribatzen da. Enrique Dussel askapenaren filosofoak zioenez, bere burua ateotzat jotzen duenari galdetu beharko litzaioke zer jainkoz ari den; izan ere, Helios F. Garces anaiak “Erlijioa vs. Iraultza. Malcolm X, askapenaren musulmana” liburuan ondo gogoratzen duen bezala, beti dago espiritualtasun bat zapaltzaileen zerbitzura, eta beste bat masa zapalduen zerbitzura. Mendebaldeko egiturazko arrazakeriak Islama monolitikoa eta mugiezina delako ideiak sartzen dizkigu, kontuan hartu gabe ebanjelioa eskuan izanda Kolonbian ELNko gerrillaria izan daitekeela, Derry-n IRAkoa edo Valladoliden Falangeko eskuadrista ere izan daitekeela. Hamasentzat, gida musulman honek berariaz ezartzen du beste erlijio eta kredo batzuen askatasuna, koexistentzia eta tolerantzia eta berrikuntza zibila bermatzea. Debekatuta dago erlijio, arraza, genero edo nazinonalitateagatiko bidegabekeria, zapalketa eta bereizkeria. Erakundearen ustez, Islamak behartu egiten du erasoari aurre egitera, zapalduak babestera, kolektiboaren alde eskuzabaltasunez ematera eta sakrifikatzera. Horregatik, asmo handiko gizarte-programak aldarrikatu dituzte eta kristauek ere parte hartzen dute erakundearen barruan.
Mugimenduarentzat, Palestina arabiarra da, eta kristaua eta islamiarra da. Errepublika islamiarra ezartzeari uko egin zaio.
Erresistentzian parte hartzeagatik palestinar juduak okupazioaren ziegetan zigor luzeak betetzen ari dira
Hamasek zehazki adierazi du judeofoboa ez dela eta judeofobia Europako historiari lotutako produktua dela gogorarazi du. Testuan zehar erlijio jazarpenari erabateko aurkakotasuna egiten zaiola azpimarratzen da. Ez da oso ezaguna Erresistentzian parte hartzeagatik palestinar juduak okupazioaren ziegetan zigor luzeak betetzen ari direla.
Nazio eraikuntzaren oinarriei dagokienez, horiek aniztasuna, demokrazia eta elkarrizketa izango direla ezartzen da. Eta ez da txikikeria gazte-taldeen, ikasleen, langile-sindikatuen eta emakume-erakundeen parte hartzea nabarmentzea gizarte eraikuntza horretan.
Emakumeak bozeramaile, diputatu eta gerrillari izateaz gain, zuzendaritza politikora ere iritsi dira
Estatutu horietan emakumearen zeregin historikoa aitortzen da, bai eta etorkizunean sistema politikoaren erresistentzian, askapenean eta eraikuntzan emakumearen protagonismoa beharrezkoa dela ere. Horren dimentsioa ulertzeko, kontuan hartu behar da indargabetutako fundazio gutunean idatzitako hazkuntza, etxeko lan eta zaintza-lanen erantzukizunei buruzko argumentu matxista guztia kendu dela. Denboraren poderioz, emakumeak bozeramaile, diputatu eta gerrillari izatera iristeaz gain, zuzendaritza politikora ere iritsi dira, eta okupazioak erailketarako lehentasunezko helburutzat ditu. Era berean, erresistentzia armatuan emakume asko sartu dira, urriaren 7aren ondoren jakin genuenez.
Erresistentzia islamikoaren mugimenduak, bidenabar mota berriko alderdiaren eredu leninistaren arabera antolatua dagoenak, amaiera gisa, honako esaldi honekin ixten du bere manifestua: «Gaitzetsi egiten dira munduko kolonialismo, okupazio, diskriminazio, zapalkuntza eta eraso mota guztiak».
Hemen orokorrean jendea Palestinaren alde dago, horretaz ez dago zalantzarik. Baina Palestinako erresistentzia armatuak urriaren 7an egindako erasoaren aurrean ezkerreko jendea ezer esan barik geratu zan, gero informazino gehiago zabaldu zan, baina gaur egun askook zehatz-mehatz zer gertatu zan ez dakigu. Erresistentzia armatuak herritar guztiak hil egin ebazan? herritarrak zelan hil ziran? galdera asko dagoz…. Nire ustez hemen bizi diran palestinarrek ( batzuek geugaz be Euskal Herriko Unibertsitatean ikasi eben) urriaren 7ko erasoaldiaren gainean ez daukie guk beste informazinorik.
Artikulu honek ikuspegi desberdina ematen digu mendebaldeko bertsio ofizialetik saldu nahi digutenaren aldean. Jakina, ezin dugu dena zehatz-mehatz jakin han gertatzen denaz, ez baitakigu etxe azpian zer gertatzen den ere. Baina ukaezina da Taherrek dioen oinarri horiek Hamasen egungo estatutuetan ezarrita daudela esaten badigute, nik sinetsi egiten dudala, oso erraza izango bailitzateke bilatzea eta gutxiestea, egia ez balitz. Azken batean, Hamas ez da jihadaren aldeko erakundea, gizonen eta emakumeen arteko berdintasuna eta kultu-askatasuna bilatzen ditu, eta munduan dauden kolonialismo, okupazio, diskriminazio, zapalkuntza eta eraso mota guztiak gaitzesten ditu. Bestalde, borroka armatua egiteko eskubidea defendatzen dute, herri zapaldu gisa dituzten eskubideak defendatzeko. Ez da bidezkoa urriaren 7a onartezintzat jotzea gatazkaren historia arrazoitu gabe. Ondo jakin eta informatu behar da. Egile, historialari, kazetari, argazki eta bideoek argi erakusten digute Israel izeneko estatu sionista faltsuak Palestinan izandako giza eskubideen urraketak. 1947an Nazio Batuek Palestina bi estatutan banatzea onartu zutenetik, judu bat eta arabiar bat, eta 1948an Israelgo estatuak independentzia aldarrikatu zuenetik, Javeren graziagatik, hedakortasuna eta giza eskubideen urraketa larriak etengabe egiten dira. Palestinarrek ez dute beste erremediorik inbaditzailearen desberdintasun militarraren aurrean, beren burua ahal duten moduan defendatzea baino. Eta borroka armatua da bizirik irauteko azken baliabidea. Urriaren 7an bizirik atera zirenek adierazi dute Israelgo militarrek tiro egin zietela Novako Jaialdian zeuden pertsona askori. Bizirik atera zen emakume batek adierazi zuen tiro egin ziotela hebreeraz hitz egin zien arte, eta esan zien Israelgoa zela, eta orduan armada sionistak tiro egiteari utzi zion. Nik ahal izan dudan informazio onena bilatu dut egun horri buruz, eta bertsio ofiziala ez bezalakoa da. Ezzedin Al-Qasam Brigadek inbasio bat prest zuten okupatutako lurraldean, koheteekin eraso bat egin ondoren, kibutz izenekoetan okupatutako lurretan bizi diren kolonoak bahitzeko asmoz, preso palestinarrekin trukea eskatzeko. Talde armatu gisa, armaz uxatzen bazituzten, haiek ere inolako begirunerik gabe erabiliko zituzten. Bitxia bada ere, urriaren 7an kontzertua lekuz aldatu zuten beste urte batzuekin alderatuta, eta Gazako mugatik gertu jarri zuten. Bertan, baldintza tamalgarrietan bizi ziren munduko kontzentrazio-esparrurik handienean, harresi lotsagarri batez inguratuta eta Israelek kontrolatutako botikak, elikagaiak eta ura. Hemendik aurrera dena espekulazioak dira, kontzerturako tiroketa hasi zen bezala eta Ezzedin Al-Qasam Brigaden edo Israelgo armadaren esku hil zirenak bezala.
Behin betiko, bahituak eraman zituzten. Eta, gero, badakigu Israelen erantzun bortitzak 35.000 pertsona erail dituela haur, emakume eta gizon zibilen artean, gehienbat, eta borrokalariak neurri gutxiagotan, eta jarraitzen dutela. Ez dago etxerik zutik, dena da hondakinak, hautsa, ez dago janaririk, ur gutxi dago eta egoera txarrean, kolonoek oztopatzen dute mugara iristea lortzen duen giza laguntza irrigarria. Jakina, egunen batean argitu beharko da urriaren 7an igaro zena, baina oraintxe bertan, ez dago justifikatuta Israel betikotzen ari den genozidioa. Orain egun da Palestinaren alde ahotsa altxatu eta Israel gogor salatzeko inolako zalantzarik gabe.
Kaixo.
Estatutu berri hauek nun irakur daitezke euskera edo behintzat erderaz?
1988-2017 bitartekoak bai, aurkitu ditut:
https://www.catarata.org/media/catarata55/files/sample-150334.pdf
Interpretazio ezberdinak testu partzialekin bai, asko irakur daitezke. Baina estatutu osoak euskera edo gaztelaniaz ez ditut aurkitzen.
Aitor, badakizu mendebaldetik, islamofobia denean, dena argitaratzen dutela, baina askapen-mugimendu baten estatutuak badira, ez dute argitaratzen. Irakurri dut estatutu berrien sortze-gutuna ingelesez argitaratuta dagoela Hamasen webgune ofizialean. Webgunera joan naiz, eta nik ez dut ikusten. Google itzultzailearekin itzuli dut webgunea eta estatutuak izan daitezkeen hau aurkitu dut. Ea zure zalantzak argitzen dituzun eta zure inpresioak kontatzen dizkiguzun.
https://hamasinfo.info/section/% d8%a7%d9%84%d9%88%d8%ab%d9%8a%8a%82%d8%a9-%8%a7%d9%84%b3%d9%8a%a8%a7%d8%b3%d9%8a%8a%d8a9 /
Barkatu, katxis, hau da jarri beharreko linka.
https://hamasinfo.info/?p=127
Hemen batzuk oso-oso kritikoak dira ezker abertzaleagaz, beti aurka dagoz. Batzuetan kritikak derrigorrezkoak dira, neu be Europako Parlamentura ERCgaz bat egiteagaz ez nago ados, baina beste erabaki batzukaz ados nago. Atzo bertan, Kongresuan Jonek katalanez berba egitea txalogarria izan zan. Alderdi politiko gehienetan lez Bildun sentsibilitate asko dagoz, eta dana ondo kudeatzea ez da erraza.
Horregaitik ez dot ulertzen Hamaseko taldeak egiten dauzan ekintzen aurrean zuek hartu dozuen jarrera. Kontuan hartu behar da oindino urriaren 7an hildak agertu ziran umetxo guztiak zelan hil ziran ez dakigula. Agian Hamaseko kideen eta Israelgo militarren artean tiroketa gurutzatuan? edota Hamaseko kideek hil ebezan?……
Oharra: Palestinaren aldeko manifestazinoetan, konzentrazinoetan, palestinar batzuek Hamaseko taldearen estatutuak zeintzuk diran esango deutsueez, ez daukazue Interneten zertan begiratu behar.
Amaia, ados nago zurekin erdizka. Ezker abertzaleari dagokionez, nik uste dut ezker abertzale instituzionala deitu behar diogula, ezkerrekoak eta abertzaleak asko baikara arrazoi ezberdinengatik orain ofizialismoarekin ez gaudenak. Kongresuan norbaitek katalanez hitz egitea zertzelada polita da, baina ez doa arazoaren errora. Are gehiago, Pablo Iglesiasek bere garaian esandakoa egiten ari dira: “demokratizatu” dezagun Espainia eta gera zaitezte Euskal Herria eta Katalunia Espainian. Antzerki hutsa, ikus dezakegunez. Bere garaian, Otegik, espetxetik atera berritan, hori ezinezkoa zela erantzun zion, baina azkenean hitzaldi hori erosi dutela dirudi. Gainera, niretzat iraina da haientzat “autonomia” soilak diren hizkuntzak hitz egiteko zertzeladak ematea. Eta gainerako guztiaz zer esan, Plandemiaren zentzugabekeriaren gailurrera iritsiz, badakizula zer esan eta egin zuten. Ni ez naiz ezker abertzale instituzionalarekiko kritikoa, baizik eta Plandemiatik ez dut harekin zerikusirik, ez ezer instituzionalaz.
Hamasen gaian erabat ados nago, imajinatu palestinar batek 1987an ETAren estatutuak arabieraz eskatu izana. Hamasekoak arabieraz eta ingelesez daude. Ingelesez ez dut aurkitu, Hamaseko taldea ingelesez Telegramen zentsuratuta dago gainera. Baina webgune arabiarra itzultzen baduzu, oso ondo ulertzen da Taherrek dioena ulertzeko. Eta gainera, zuk ondo diozun bezala, Palestinarrei galdetu diezaiekezu manifestazioetan.
Begira, ez. Marxismoa hasieratik egon da erlijioen aurka. Zergatik? Frogatua dagoelako erreakzionarioak direla, denak. Eta emakumeoi dagokigunez, denak dira misoginoak.
Feminista musulmanek ere aspaldi desmontatua dute “Islam feministaren” ipuin hori.
Oso gogorra egiten zait egun hauetan, genozidio betean, ikustea han emakumeek bizi duten zapalkuntza bikoitza (palestinar diren aldetik, eta emakume diren aldetik). Beren seme-alabak hiltzean, ezin dira hiletara joan ere. Bonbardaketen erdian, burua ongi estalita ateratzen dira kalera; horrek erakusten du zenbaterainoa den errepresioa eta zapalkuntza. Duela hamarkada batzuetako irudiak ikusi besterik ez dago, askatasunean zenbaterainoko atzeraka bizi izan duten antzemateko.
Estatu Batuen inperialismoa, beren morroi Israel lehen lerroan dela, ikaragarria da, eta borrokatu beharrekoa. Baina horrek ez du inoiz zurituko zapalduaren matxismoa. Gizon gerrillari bat izan daiteke inperialismoaren biktima, eta aldi berean matxista. Batak ez du bestea kentzen, batak ez du bestea zuritzen. Artikuluan Amerikako gerrillak aipatu dira; FARC-en kasuan adibidez, zenbat emakume gerrillarik ez dituzte ba salatu burkideek egindako bortxaketak, eta batzuk esklabu sexual gisa erabili zituztela ere bai?
Jakina, horrek zikindu egiten du erresistentziaren ideia erromantikoa eta nahiago dugu beste aldera begiratu, eta feministak isilarazi (esanez larruazal zuria dutela, edo hedabideek engainatu dituztela). Baina gogoan izan, emakumeok: patriarkatua desegin arte, beti, edozein egoeratan -iraultza barne-, mendeko klaseko gisa tratatuko gaituzte gizonezkoek. Eta hori zuritzerik ez dago.
Alaitz, hemen ez dago inork zuritzen ezer, baizik aldatzen. ¿Uzte duzu hemen aurreratuagoak gaudela emakumeen eskubideekin? ¿Utziko diegu beraiek bere gizartea sortzen, eta hazten? ¿Edo mendebaldetik beti aurreratuago eta besteen gainetik gaudela uste al dugu? Eta bide batez Hamasek bere estatutuak aldatzen baditu eta gai garrantzitzuenetarikoa emakumeek direla badiote, ¿Ez gara itxaropentsu jarri behar? ¿Edo egiten dutena beti gaizki dago? Emakumeak etxeko lan eta zaintza-lanetara murriztea txarto dago, baina Estatutu horietan emakumearen zeregin historikoa aitortzen bada, eta sistema politikoaren erresistentzian, askapenean eta eraikuntzan emakumearen protagonismoa beharrezkoa dela aitortzen badute, txarto dago ere bai? Kontxo…
Ufff!
Alaitz asko dugu ikasteko irakasten hasteko.
https://youtu.be/_0atzea-mPY?si=zvQ2X9uHZ_VMevT4
Nonork gai honen gainean gehiago jakin gura badau , helbide horretan informazinoa dago. October 7 – Al Jazeera Investigations dokumentalaren zuzendaria Richard Sanders da.
Mila esker Amaia. Oso argigarria, biziki gomendatzen dut. Azpitituluekin ikusi dut.