Gaur, astelehena apirilak 11, hamairu egun betetzen dira Venezuelan “Errefuxiatu izaerapean” ofizialki dagoen Asier Guridi euskal iheslari politikoak Caracasen Espainiako Kontsulatu Orokorraren aurrean gose greba hasi zuenetik. Nortasun juridikoa eskatuz burutzen ari den gose greba; nortasun juridikoa baita oinarrizko giza eskubide bortxaezinen gozamenerako beharrezko sarbidea. Nortasunik gabe, asko dira, Giza Eskubideen Hitzarmen eta deklarazio internazionaletan agertu arren, bortxatzen diren eskubideak. Besteak beste, lana eta bizitza duina egiteko eskubidea; pertsonalitate juridikoa izateko eskubidea; ezkontzeko eskubidea; legearen aurrean beste gizakien eskubide berberak izatea; semea ordezkatu eta defendatzeko beharra eta eskubidea; edozein jabego izateko eskubidea…
momentu gordinenean bi euskaldun agertu ziren Asier agurtzera eta honek poliziak nolabait apur bat baretu zituen.
Hamairu egun hauetan egoera gogorrak bizi izan ditu Asierrek gose greban dagoen tokian mantentzeko. Venezuelako burgesiaren bihotzean eta Isabel La Católica deritzaion plaza ondoan dago Espainiako Kontsulatu Orokorra eta segurtasun indarren presentzia etengabea da. Gose greba hau kale gordinean burutzen ari da honek dakartzan arrisku guztiekin; poliziak, gaizkileak, faxisten eraso arriskua… Lehenengo gauean Chacaoko bi polizik goizaldeko hiruetan ostiko batekin esnatu eta orduerdiz jazartu zuten; kartelak kentzeko eta alde egiteko eskatuz, edo eraman egingo zutela esanez. Chacaoko polizia beste bi aldiz ere agertu zitzaion bost poliziaz inguratu eta jazartuz; txartelak kentzeko, alde egiteko edo bestela eraman egingo zutela esanez. Apirilaren 10ean, igandean, Chacaoko 12 Polizia agertu zitzaizkion modu erasokorrean eta ordubeteko jazarpenaz; pankartak kendu eta alde egitera behartu nahian. Apirilaren 7an, ostegunean, Venezuelako Polizia Nazionaleko bost kide agertu zitzaizkion jazartzera eta mehatxatzera; baina momentu gordinenean bi euskaldun agertu ziren Asier agurtzera eta honek poliziak nolabait apur bat baretu zituen. Horretaz aparte, azken zazpi egun hauetan Venezuelako Inteligentzia Zerbitzuko Polizia egunero pasatzen da Asier nola dagoen ikusi eta hitz egitera.
Asier Guridiren osasun-egoera oraindik ona da; nahiz eta ahulezia eta oreka-arazotxoak agertzen hasiak diren. Ostiralean Venezuelako Gurutze Gorriko sendagile eta osasun-taldea joan zitzaizkion azterketa egitera.
Gose greba hau nortasun juridikoa eskutan izan arte aurrera jarraitzeko asmo irmoa agertzen du. Asierrek bizi duen heriotza zibileko egoerak bere bikotea eta semea ere Euskal Herrian, Oñatin, heriotza zibilean ditu; oñatiarrak izan arren ezin lan eta bizibide legalik izan; ezin bizi maila duinik izan.
KAZETARIENTZAT OHARRA
Borroka hau martxoaren 29an hasi zenetik, nabarmena izan da hedabide batzuen ixiltasuna eta zentsura oinarrizko giza eskubideengatik den borroka honen aurrean. Jarrera aldatu eta herritargoa behar bezala informatzeko dei egiten zaizue, eta, era berean, beharrezko ikusten baduzue, bestelako informazioa emateko prestasun osoa dago.
Euskaldunon izate juridikoa baten alde hemen eta nonbaiten eta errespetagarria izan dadila Lau haizeetara.
Elkartasuna!!