Egun on jende on. Ia bi urteren buruan, lehen aldiz gaur Baionako ospitalean sartzeko pase kobida ez dute galdetuko… Prentsa hemeroteketan ikusiko ez duzuen data… Lore bat merezi duen albistea…
Arnasgunea ireki zaigu bapatean eta eskertzen da bizitzako gauza ttiki eta handi asko normaltasunez egin ahal izatea. Hau ikasgai handia izan da… Orain irentsi eta aztertzeko garaia dugu guztion artean… Eskerrak txiolandian jarraitzaile bikainak eduki ditudan une gogorretan.
Urte mingarria pasa dugu ez txertatu izanagatik… guraso gisa haurrei zergatik baztertuak izan diren azaltzea eta ez txertatzeko erabakia asumitzea, azaltzea presio handi pean gogorra izan da biziki… Baina aizue, hemen gaude osasuntsu, eta lasai ikasgai handia hartu ondoren…
Hasieratik, segurtamenik gabe, informazio asko eta kontrajarria entzunez pasa dut covid garai zaila… Inor epaitu gabe… Baina nire osasunaz, erabakitzeko eskubidea ozen aldarrikatzen… Hasieratik nire barneari adi egonez ekaitza eta presio pean… Hori da bidea…
Informazio tsunami aurrean
norberak erabakiak hartzeko
gaitasun handia dugu
Informazio tsunami aurrean norberak erabakiak hartzeko gaitasun handia dugu. Hori debekatu nahi dute elitearen panpinek. Nahiago lukete horien bertsio bakarra onartzen bagenu ezer kuestionatu gabe. Inoiz ez gara arriskutsuak izan osasunagatik, gure kabuz pentsatzeagatik baizik.
Mingarria, eta orain digeritzeko tenorea… hala da, Jasone. Bejondeizula eta deigula… Diozun bezala, “inoiz ez gara arriskutsuak izan osasunagatik, gure kabuz pentsatzeagatik baizik”… Era berean, jazarpena eta bazterketa ez dira izan “arriskutsuak, arduragabeak, exajeratuak, itsutuak, insolidarioak, egoistak ginelako” edo, omen, “erotu ginelako”, edo “ez genuelako errealitatea ikusi nahi”, edo “batuketak egiten ez genekielako”, edo “sekta batean sartu ginelako” edo “konturatu gabe faxismoan erori ginelako”… Aitzitik, jazarpena eta bazterketa izan dira besteen ISPILU izan garelako, eta beste horien ustezko pentsamendu propioak zoritxarrez erakutsi dituen ahulezia, dependentzia emozional, erlatibismo moral eta bestelako arrakalen aurrean PROBOKAZIO HUTSA izan garelako, guk nahi izan ala nahi ez izan.
Eta honek ez du esan nahi DENOK geure mixeriak, ahulguneak eta kontraesanak ez ditugunik, noski… Besterik gabe, azken bi urteotan ikasitako lezio potolo zenbaiten artean, ateratako ondorio bat gehiago besterik ez da.
Pozten naiz, Jasone, bebe-benetan. Zail jartzen dizkigute bizitzeko gauza guztiak baina, ahal dela, ez dugu etsiko. Animo!