Bake-Ekintza anitmilitarista taldeak konbokatu duen plataformaren oinarrizko 5 puntu. Zabaltzea nahiko genuke:
Arbuiatu egiten dugu Ukrainako gerra, Errusiaren erasoaren eta NATOren espantsionismoaren aurka gaude.Salatu egiten dugu Errusiako, Ameriketako Estatu Batuetako, Ukrainako eta Europako gobernuek sustatutako politika armamentista eta militarista.
Elkartasuna adierazi nahi diegu mugaren alde batean eta bestean sufritzen ari diren Ukrainako herritarrei.
Bat egiten dugu Errusian eta Europako gainerako herrialdeetan gerra arbuiatzen duten emakume eta gizonekin. Gure agintariek Ukrainara armak bidaltzean, gatazka areagotzen dute. Horrek NATOren eta Errusiaren arteko zuzeneko gatazka militarrera hurbil gaitzake, eta balizko gatazka nuklear baten atarian jarriko gintuzke.
Hau, gerra guztiak bezala, negozio kapitalista ikaragarria da. Herriek hildakoak jartzen ditugu, gerra ordaintzen dugu. Bitartean errusiar, estatubatuar edo europar handikiek dirutza lortzen dute, militarismoa eta autoritarismoa sustatuz.
Bestalde, Europako klima babesteko konpromisoetan eta herri-klaseen bizi eta lan-baldintzetan eragin itzela sortu du gerrak.
Era berean, ez da ahaztu behar, gerra guztietan emakumeen gorputza dela okupatua eta bortxatua izateko lehen konkista-lurraldea. Herria menderatzeko gerra-estrategiak dira emakumeen eta nesken aurkako kanporatzeak, bahiketak eta bortxaketak.
Gerra gelditzea eta Europan elkarbizitzarako akordio zabala lortzea da herri-klaseentzako irtenbide on bakarra, gatazkan ari diren aldeei segurtasun-bermeak emateko eta Europa Erdialdearen desnuklearizazioa eta desmilitarizazioa bultzatzeko, armamentu nuklearra murrizteko akordioei berriro helduz.
Euskal Herriak ondo ezagutzen du gerrek zibilengan sortzen duten sufrimendua. Guk ez dugu ahaztu eta ez dugu ahaztu nahi Gernika.
Halaber, adierazten diegu gure elkartasuna alde bateko edo besteko errefuxiatuei eta desertoreei, baita beste errefuxiatu batzuei ere. Horregatik, EZ bozkatu genion NATOri, Iraken inbasioaren aurka atera ginen kalera edo intsumisioaren aldeko eta Espainiako armadaren aurkako mugimendua sortu genuen. Euskal Herria borrokalaria da, baina ez da militarista.
Gizartearen mobilizazioa da gure gobernuak bakearen alde eta gerraren aurka lan egitera behartzeko modu bakarra. Ehunka mila lagunek Europako kaleak okupatzea eta “Gerraren aurka”, “Klima-aldaketaren aurka” eta “Murrizketa Sozialen aurka” protesta egitea lortzen badugu soilik saihestu ahal izango ditugu beste gerra handi baten hondamendi amaigabea eta ideologia militarista-faxistaren itzulera.
GERRARI EZ
SU ETENA
EUROPAREN DESMILITARIZAZIOA
GASTU SOZIALEI BAI
DESNUKLEARIZAZIOA
GASTU MILITARRARIK EZ
Ez nago ados ekidistantziarekin.
Irak-eko gerra aipatzen duelarik, Errusiarena bezala, Irakeko gobernuaren tirania edo Kuwaiteko inbasioa eta erasoa aipatu beharko zen, ezta? Ba ez, bere garaian ere ez zitzaigun okurritu horrelako pankarta ekidistanteak ateratzea.
Ez gara irakiarrak, kuwaitiarrak, errusiarrak, ukrainarrak edo amerikarrak.
Aldiz, bagara NATOkideak.
Horrexegatik nire lelo bakarra da: NATOri Ez!
Gerrena gizarte nahasi honen neuronei eragiten dien beste gai bat da. Gerretan hiltzea normala da, hori gerra bat da, futbol partida bat balitz bezala, bere arau eta guzti. Sistema hau zuzentzen dutenek jartzen dituzten arauak, eta gero beraiek betetzen ez dituztenak, beren interesen mende daude. Baina herriak sistema zapaltzailearen tiraniaren aurka armetan altxatzea erabakitzen badu, hiltzea ez da inola ere onargarria, indarkeriak indarkeria gehiago sortzen du, eta indarkeria horri terrorismoa deitzen zaio. Moralik eta etika propiorik gabeko gizarteak bere anai-arrebak traizionatzen ditu eta boterearen alde jartzen dira, orain pandemia faltsuarekin eta esperimentuzko txertoekin gertatu den bezala. Batzuetan uste dut gizateriak ez duela erremediorik.
Eskerrik asko zuen erantzunak ta iradokizunengatik.
Nik, Teresa, independeteara bidali dut manifestoa eta ados nago berarekin, noski. Baina puntu hauek konsenzu baten emaitza dira. Hori argitu ta gero.
Zera esango nuke nire izenean bakarrik. Ekidistantziari buruz, bada ekidistantzia hutsa bai, estatuen jolas geopolitikoan herriak zanpatuta izaten gara beti. Estatuak definizioaz perpetratzaileak dira , Errusia, Txinako Estatuak errepresiboak dira eta militarista. NATO, noski, guerra nuklear baten arrizkuan jartzen ari gaitu eta Europa preso eta koloniatzat dauka, gure ondasunak, bizitzak, ingurumena eta etorkizuna kolokan jarriz.
Herriak estatuaren uztarritik askatu behar du, ez estatu honetatik edo bestetik, munduko herrien arteko batasunak estatuen sama kendu artean.
Oso ados Teresa, Herriak estatuaren uztarritik askatu behar du, ez estatu honetatik edo bestetik.
Eta beste detailetxo bat, noski, emakumeak, neskak, gerretan biolentzia sexuala jasaten dutela, beste biolentzia guztiak gain. Baina ez dugu ahaztu behar, bereziki mutilak direla soldaduak, hiltzen dutenak eta hiltzen direnak, edo torturatuak eta gatibu bezala hartzen dituztenak. Gerra bera matxista da, eta naiz eta ejerzito “moderno” askotan emakumeak daude soldadu bezala (Feminismo moderno honen lorpen bat agian), gerraren ideologia guztiz matxista da. Baina horrek ez du esan beharrik emakumeak gehiago sufritzen dutela gerra batean. Bukatu dezagun gerra eta matxismoarekin, baita estatu eta, edo gizakiak kontrolpean edukitzeko edozein erarekin.