Bat-batean gure eskubideak bermatzeko erakundeak, alderdi politikoak eta sindikatuak, jakinaren gainean edo jakingabean, herritarron eskubideak eta askatasunak bortxatzen hasten direnean (jaiak, zerbitzuak, herrien mugak, etxetik ateratzea …); gure osasunaren zaintzaz arduratzen zen erizaina, jakinean edo ez jakinean, gure osasunarentzat arriskutsu bilakatzen denean; gure seme-alaben hezkuntzaz eta zaintzaz arduratzen zen irakasleak, jakinean edo ez jakinean, ikasleei hezkuntzarako eskubidea bortxatzen dienean; gure segurtasunaz arduratzen zen polizia, jakinean edo ez jakinean, arriskutsu bilakatzen zaigunean; hedabideak, jakinean edo ez jakinean, herritarren ahotsa eta informazioa izateari utzi eta, zentsuratuz, desinformazioaren eta propagandaren bozgorailu bilakatzen direnean, eta honen guztiaren arrazoia Munduko Osasun Erakundearen arabera 2020ko maiatzean amaitu omen zen pandemia bat denean, diktadura guztien ezarpenaren oinarri izan den “guztion onerako” delako arrazoi historikoa aitzakia perfektua bilakatu da gauzatzen ari den kolpe faxistarentzat.
Badirudi, orain arte, diruaren errentagarritasuna posible zela modu demokratikoagoan, baina jada ez dela posible. Ez gure diruen errentagarritasuna, munduko dirutza eta boterea bere gain dituzten elite korporatibo horiena baizik. Badirudi, mundu mailako testuinguruan zuten nagusitasuna galdu dutenean, ez zaiela beste aukerarik gelditu, nagusiki Europako mendebaldean eta Amerikako Estatu Batuetan, diktadura berri bat ezartzea baino, botereari eusteko.
Herritar soilok gutxi dugu hortik irabazteko, guztia galtzeko baizik: eskubideak eta baliabideak, zerbitzuak eta askatasuna. Hau ez da gizarte sektore baten galera, guztiona baizik. Jaiak debekatzen dizkigutenean denoi debekatzen dizkigute, ikastetxeak ixtean denoi ixten, musukoa ezartzean denoi ezartzen, osasun zerbitzuak kentzean denoi kentzen, herri hedabideak zentsuratzean denok desinformatzen. Hau guztion aurka dator.
Marra guk jarriko diogu honi guztiari; zenbateraino, noraino gauden prest onartzeko eta honekin guztiarekin kolaboratzeko, hortxe dago gakoa. Gure esku dago. Eta idazten jarraitzen dugu, honekin guztiarekin kolaboratzen duenak, onartzen duenak, esandakoa egiten duenak, goitik esandakoa egiten duen hori jakinaren gainean egin dezan, eta ez ezjakinean.
Eta idazten jarraitzen dugu, honekin guztiarekin kolaboratzen duenak, onartzen duenak, esandakoa egiten duenak, goitik esandakoa egiten duen hori jakinaren gainean egin dezan, eta ez ezjakinean.
Badira ondo jakinean, ordainduak edo/eta behartuak, benetako eragile lanetan ari diren gutxi batzuk, gure artean, agenda faxista hau aurrera eramanez, baina esaneko asko behar dituzte beren inguruan eginkizun hori aurrera eramateko.
Beraz, azokak ixteari ezetz esan zion alkate hark bezala, jaiak debekatzeari ez, ikasleak etxera bidaltzeari ez, musukoa eramateari ez, ziurtagiria eskatzeari ez, ikastetxeak ixteari ez, preskripziorik gabe txertatzeari ez, jendea etxeratzeari ez, zentsurari ez, desinformazioari ez, faxismoaren propagandari ez… esaten dioten alkate, zinegotzi, irakasle, polizia, mediku, erizain, kazetari, atezain eta herritar guztien artean osatuko den lerro edo fronte demokratiko antifaxista bat eraikitzea urgentea da nire ustez ere, honekin guztiarekin amaitzeko. Zeren eta ditugun alderdi politikoek -guztiek- ez baitute inolako intentziorik eta gaitasunik erakusten honi aurre egiteko, erabat makurtuta eta ez ikusiarena eginez ageri dira eskubide urraketa nabari honen aurrean, belaunikatuta, buruzagietatik hasita.
Goazen gutako bakoitza katebegi bat izango den lerro gorri bat eraikitzera, faxismoak pasako ez duen lerroa, Fronte Demokratiko Antifaxista.
Leku guztietako langileak bat eginik faxismoari aurre eginez, kapitalismo gero eta baztertzailegoari aurre eginez, botereak herriarena behar duela izan argi eta ozen esanez, dena nahi dugula denontzat, azpiratuenak non dauden zehaztuz… borroka iraultzaile bat historian zehar izan diren beste hainbeste bezala, baina:
1)Dirua ez da boteretsu arpilatzaileen asmakizuna besterik.
2)Identifikatu beharra daukagu zehatzago non dituen oinarriak gure sumisiorako joerak.
3) Ez dut uste tajuzko ezer lortuko dugunik feministen proposamen eta analisi sozial eta politikoak mahai gainean jartzen ez baditugu.
Aportazio txiki bat, Aitor, zure prosamen on eta positiboei.
Ederki aITOR ETA gORKA
EZ DITUK GURE GAINETIK PASATUKO.
“Nahiago Hil Zutik, Makurtuta Bizirik hilda baino”
Eta Ezkerra Makurtzearen ZERGATIEKIN jarraituz,
orain arte hiru zergati atzeman ditiagu:
1- Ez-Jakite Faktoriak biluzik utzi dituela.
2 -Sare Globalista manipulatuak bere Sarean harrapatu dituela.
3- Askatasunaren Memoria historikoa galdu duela.
Eta hemen 4. zergati bat, Kirolatik hartutako iduripenez: KANPO-ZELAIAN JOKATZEN ARI DIRELA AHANZTEA.
Izan ere, euren estrategiarekin, Kanpoko Ekipoaren Zelaian ari dira jokatzen, non Réfere ela Liniers guztiak erosiak dituen ELITEAK.
Eta Zelai horretara “egokituak” dihardute gure eZKER ORTODOXO nahiz HETERODOXO samarrak: hots, Alderdietara eta Boto-Jokora jolasten, Kanpoko Zelaikoen estrategia beraren arabera. Eta larriena, hala ari direla JABETU BAGERIK.
Errsistentzia gidatuko duen behin-behineko gobernu bat behar dugu, nabar zuzenbidearen premisen pean jardungo duen herri bat, baskoia edo piriniarra ere deitua.
Estatu paralelo bat dagoena ahulazariko duena.
Ez dugu ezarritako ordena -sistema- aldatu nahi, ordeztu baizik.
bada, Odloken helburuetara iritsi ahal izateko modu bat: PUNO (Peru) hirikoa eredua:
Hau bi alkate zuezkatek, bata instituzionala, eta bestea “herriko alkatea”.
Ez dakit azaldu dizuedan: HERRIKO ALKATEA Punora iristen ikusi genduen: bere gurdi hornatuan zekarten hango jende indigenoek, bere jantzi eta ikur indigenekin, harrotasunaz.
Horixe duk Euskal Herri honetan ere proda dezakegun oinarrizko “ordezte” bat
Mila esker, Aitor, eta gainerakoak.
Zerrendarako beste eragile pisutsu bat, egunero pairatzen ari garena hainbat eta hainbat herritarrek, hasiera-hasieratik eta zorrotz-bortitz, batez ere gazteek, emakumeek, zaharrek, etorkinek eta diru gutxien darabiltenek: garraio publikoetako langileak., trenekoak, behar ditu fronte horrek ere bai.
Nik dakidala, batez ere Euskotren (eta Bizkaibus puntualki). Eguneroko tentsio, jazarpen, eta herritarrak masiboki makurrarazteko tresna ardatzekoa du garraio publikoa estatuak.
Estrategikoa, zubiak legez gerretan.
Ez alperrik, itzel gehitu da Bitxialdi honetan Euskotren-en “zaintzaile” pribatuen presentzia, gastua eta boterekeria deliktiboa, enpresa/mafiaren hegalpekoa.
Zenbat milioi euro urtero, “langile” eta enpresa horientzat? Zeintzuk ote ditugu Prosegur, ALSE eta halako enpresen jabe, langile menpe-menpekoak dituzten “enpresari” lukurreruak? Zein da Euskotren-eko langileen artean atzamarrez/”trifasikoz” lanpostua lortutako jantxakurren portzentaia? Eta zer egiten eta eragiten dute, saltsa nepotista, ustel, faxista, itsusi honetan, gure ELAk, LABek, CCOOk, UGTk eta abarrek?
Egunero milaka eta milaka herritar aspalditxo kamaraz lepo bete zizkiguten (Beasaingo CAFek?) egindako plastikozko trenetan. COVID aitzakiako propaganda kanpaina latzenetakoetan itzelezko dirutza bota duten Euskotren-en. Gogoan dun/k (bihotz forman!!!) geltoki eta panel guztietan 2021eko udabarrian-edo jarri ziguten hura, besteak beste, “onak” izateko baldintzen artean, maskara, gela,… eta ISILIK EGOTEA agintzen ziguten kartel hura?
Maskara erabiltzea behartzeko eta jendea makurtzen ohitzeko itzelezko mekanismoa da Euskotren estatuarentzat, hasiera-hasieratik.
Sekula ez dute aipatu maskara salbuespenik, haien iragarki milaka bider megafoniaz errepikatuetan. Hasiera-hasieratik, jakinean eta nahita. Bai ordea maskara derrigorra.
Herritarren arteko gorrotoak eta liskarrak jakinean eta nahita piztuz, salbuetsitakoa makurtu edo trenetik atera arte, inoiz. Esan behar dugu, tarteka apaldu izan dela presio hori, eta tarteka gogortzen dela. Zeren arabera?
Langile pribatu horietako % 95etik gora (estimazio bat) euskaraz zero jakinik, gainera! Askotan mespretxatu egiten gaituzte, berriz, euskaraz eginez gero! Behatokiak salbatuko ote gaitu? Kontseiluak? Euskaltzaindiak? Eusko Jaurlaritzak?
Eta iruditzen zait, gure “eusco-euskal” erresistentzia honetan aktiboen gabiltzanok ere gutxi erabiltzen eta pairatzen dugula garraio publikoaren (Euskotrenena bereziki) faxismo kartzelario egunerokoa. Oker nabil?
Euskotren-eko trenetan eta geltokietan hamaika pasadizo beldurgarri/negargarri bizi izan ditugu 2020tik gutako askok. Pasadizo xelebreren bat eta anekdota politen bat ere bai, behinke!)
Egingo dugu batzar handi terapeutiko bat, gaiari buruz? Tren baten barruko performance bat? Greba sormentsu bat?
Beste espazio batean luze aztertzeko gaia, Euskotren eta garraio publikoaren rola tekno-faxismorantzako bidean.
Eta batez ere, zelan horri buelta eman, kanpoko eta barrukoen elkarlan “lurpetarrean”?
Urte barri ederra guztiontzat!
Kapitalismo gupidagabe eta basatienak ezkerra erosi du (eskuina jada erosita zuen). Helburua da herritarrei geratzen zaien apurra lapurtzea, beraien duintasuna batez ere.
Gobernariak boterean jarraitzearen apurren truke saldu dira, munduko nagusien baimenarekin.
Krisiak mekanismo hutsak dira, aberastasuna espoliatzeko eta transferitzeko. Geroz eta esku gutxiagotara.
Osasun-pasea esklabotzarako eta oinarrizko eskubideei uko egiteko behin-betiko pasaportea da. Baxuago jada ezingo gara erori.
Urrutitik irakurtzen dut, nire euskara pobrearekin, baina indarra sartzen zait bihotzean: euskal herria bizirik dago!
Odloken estratejiarekin erabat ados. Hasieran gutxi batzuk izan arren joango da pixkanaka jendea hurbiltzen eta horrekin estatua forma hartzen. Gainera gure ordezkari super abertzaleek ere aukeratu beharko dute ea autonomismo sasi burujabeak ematen dien bizi kalitateari eutsi edo hainbatetan aldarrikatzen duten independentzia nahiago duten.
Josu, jarraitu gazte izaten!
Eta garraio publikoaren gogoeta ere oso interesgarria iruditu zait.
Ea urte berrian, elkar ezagutuz erresistentzia aurrera eramateko gai garen.