www.berbategia.eus

Euskalkien altxorra jasotzen duen www.berbategia.eus gunearen aurkezpena Bilbon

Berbategia.eus-en helburua euskalkien altxorra jagotea da eta ikertzaileei tresna eraginkor bat ematea.

3
Patxi Alaña

Patxi Alaña

Gizarte eragilea. iBerba Euskara Zerbitzuak. Deustu

Joan den ekainaren 23an, Bilboko Burtsa udal eraikinean, Euskalkien Lagunak lantaldeak eta Iberba Euskera Zerbitzuak sustatutako www.berbategia.eus-en aurkezpena egin da. Bertan, hor jaso diren herri edo eskualdeetako 23 euskera hiztegietako lau egile egon dira:

Iñaki Gamindek hainbat herritako euskera jaso du, besteak beste Jatabe, Arrieta, Zamudio, Bakio, Leioa, Zaldibar eta Berango eta, bertan azaldu duenez, azken bolada honetan adinekoei entzuten baino gazteen euskera entzuten ari dela, etorkizunean euskera nondik joango den ikusteko.

Ondoren Juan Martin Elexpuruk hitz egin du, Elorrio eta Bergarako euskara liburu banatan jaso duena, Elorriokoa Aintzane Agirrebeñarekin batera egindakoa. Lan horien metodologia eta irismena azaldu ditu.

Ondoren Kepa Diegezek hitz egin du tesian aurkeztu zuen lanari buruz, meteorologiari dagokiona eta 5.388 berba euskalkiaren arabera jaso dituena. Esan duenez, aberastasun handia dugu arlo honetan.

Angel Larreak Arratiako hiztegiari buruz hitz egin du. Juantxo Rekalderekin batera 11 urtez luzatu zen lana izan zen eta erabilitako metodologia azaldu du, eskualdeko idazleen idatzizko materiala ere kontuan hartu zutelako.

Azkenik, Patxi Alañak orain arte jaso diren 23 hiztegiak zeintzuk diren eta zenbat erregistro dituzten eta bilaketa egiteko aukera guztiak jaso direla azaldu du, hau da, hitzaren, hizkuntzaren, hiztegiaren eta multzoaren arabera. Azken bilaketa hau oso interesgarria da hitzak arloka ikusi ahal izateko: gorputzari dagozkionak, janariari dagokionak… Guztira 63.000 erregistro baino gehiago daude.

Berbategia.eus-en helburua euskalkien altxorra jagotea da eta ikertzaileei tresna eraginkor bat ematea haien bilketa lan handi horiek ezagun egiteko. Euskalkiak euskararen normalizazioaren “nebarreba” txikia direla ematen du eta benetan horietan dagoen aberastasuna gehiago kontuan hartu beharko genukeela uste dugu.

Berbategia.eus webgunera igotako hiztegiak 2023ko ekainaren 22an:

Argazkian ezkerretik eskuinera: Iñaki Gaminde, Juan Martin Elexpuru, Kepa Diegez, Angel Larrea eta Patxi Alaña.

Harremanetarako:
Patxi Alaña Arrinda
Iberba
944001133 / 663901248
iberba@iberba.eus

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Euskalkien altxorra jasotzen duen www.berbategia.eus gunearen aurkezpena Bilbon” bidalketan

  1. Zorionak lan horregatik lantalde-kideei.
    Neu ere kide nauzue, “Euskal Etimologiazko Hiztegiaren” egile nauzuenez.

    Zorionak, bada, ene buruari.

Utzi iruzkina

Azken artikuluak