EMAITZAK
Emaitzak zuzen eta zorrotz datozkigu.
Dena, den-dena esango nuke, emaitzak direla.
Ez da ezer emaitza ez denik!
Ez da pentsakera zabaldua horrelakoa.
Gehienetan gaizkile eta zapalduen
ipuin gozo ala latzetara mugatu ohi ditugu gertaerak.
Bitartean bizidunok Bizian aurreraka…
Kontu antzuetan ari garen bitartean,
bizitza gertatzen ari zaigu.
Urrutiko intxaurrei buruzko jardunetan…
urria joan zaigu.
…Eta negua heldu da…
Neuro-zientzietan adituak direnek ere esana dute gure erabaki guztiak
aurreikusirik direla.
Gurdien gurpil zuloetatik irten ezinik
ote goaz ba bidean?
Drogen adikzioek nabari ageri dute hau.
Eta gainontzeko kontuek ere bai…
Baina ez gara ohartzen. Nola ba?
Gurpil zuloak garamatzalako, alegia.
Eta horrela ibiltzen gera gurpil zuloa haunditzen.
Ala patuaren eta zoriaren bideak aurkitzen.
Nora begiratuz bizi? Zertarako bizi?
A zer poema Pako.
Bizitza korapilatsua bada, nork esan du arrosa-bidea zela? Ez da, baina izango balitz ere, ez da ahaztu behar arrosek arantzak dituztela. Bizitza oztopoak gainditzen joatea da, horrek gizabanako gisa haztea eragiten digulako, bizitzeko aberastasuna da, zahartzarora iristekoa eta gure ikaskuntza hurrengo belaunaldiei helaraztekoa. Belaunaldi horiek, aldi berean, beren esperientziarekin ikasiko dute, adinekoen esperientziatik jaso dutenarekin uztartuz. Eta ez dugu inoiz ahaztu behar belaunaldi berriek beti irakatsiko dietela helduenei ere, gure garaia ez baita beraiena, eta zer mundutan bizi diren, zer munduz gozatzen duten eta zein mundutan borrokatzen diren ikasi behar dugu. Hori da bizitza, hori da 14, 18, 40 edo 80 urte izatearen balioa, une bakoitzean bizitzak aukera ematen digu hazten jarraitzeko, bizitzen jarraitzeko. Droga madarikatuak! Bai, psikotropikoak, farmakologikoak, prentsa eta telebista, eboluziorik gabeko tradizioa, programazio mentala, norberaren esklabotzaren asimilazioa. Gizaki baten bizitzan denerako denbora dago, etxekoan eta haratagokoan pentsatzeko, gurpiletik atera eta alternatiba bat eraikitzeko, etxean eta etxetik kanpo, guztiarekin ahal dugulako.