Euskal Herrian sekula aprobatu ez dugun Konstituzio baten menpe gobernatu ohi gaituzte hegoaldean. Demokraziaren itxurarik ere ez du. Premisa irenstezinarekin hasten da, egitura monarkiko-frankista zaharkituari moderno itxura eman nahian. Zorionez konponezinak dituen arrakalak ditu, baina zoritxarrez, oraindik, horri eusten diote euren burua agintaritzat duten herri-zipaioek ignominia hau luzatzeko geroz eta neurri faxistagoekin. Erabil ditzagun beraien kontraesanak eta leher dezagun euren zabortegi ustela lehenbailehen.
Behean atxikitako idatziaren bidez adierazi nahi dugu, benetako oinarri zientifikorik gabe Eusko Jaurlaritzak COVID ziurtagiria (edo pasaportea) delakoaren derrigortasunari lotuta ezarritako neurri baztertzaileak, oinarrizko giza eskubideen eta askatasunaren aurkakoak ezezik, egun Espainiar Estatuan dauden legeen aurkakoak ere badirela.
Neurri hauek Espainiar Konstituzioak jasotako eta bermatutako ondoko oinarrizko eskubideak urratzen dituzte:
- Herritar guztiak legearen aurrean berdinak direla eta arrazagatik, sexuagatik, erlijioarengatik, haien iritziengatik edo bestelako baldintza edo egoera pertsonalengatik zein sozialengatik bazterketarik ez dutela jasoko dioen 14. artikulua.
- Norbanakoen intimitaterako eta duintasun pertsonalerako eskubidea adierazten duen 18. artikulua.
- Herritarren mugimendu askatasuna adierazten duen 19. artikulua.
- Berdintasun baldintzetan kargu eta funtzio publikoetara sarbidea bermatzen duen 23. artikulua.
Gainera, neurri horiek herritar askori zerbitzu publikoetarako sarbidea ukatzen diete: osasun-zentroak eta ospitaleak, bulego publikoak, kiroldegiak, liburutegiak, egoitzak eta abar. Hau bereziki lazgarria da espetxeen kasuan, txertatu gabeko senideek ezin dituztelako haien etxekoak bisitatu.
Bereziki lazgarria da espetxeen kasuan, txertatu gabeko senideek ezin dituztelako haien etxekoak bisitatu
Horretaz gain, eta hori bezain larria dena, herritarren arteko zatiketa eta etsaikeria bultzatzen ditu, haien artean “zaintza” (bijilantzia) eta kontrol lanak egitera bultzatuz, batetik herritar “on, arduratsu, solidario eta zintzoak” eta bestetik herritar “txarrak, gaiztoak, berekoiak eta insolidarioak” bereiziz. Ezin da ahaztu honek herritarren zati baten aurkako bazterketaz gain, pertsonen arteko etsaikeria, jazarpena eta gehiegikeriak sustatzen dituela.
Erakunde publikoak, alderdi politiko guztien eta hedabideen laguntzarekin, Europan XX. mendeko hirugarren hamarkadaz geroztik inoiz gertatu den eskubide zibilen murrizketa eta atzerakada handiena gauzatzen ari dira.
Deskargatu
Herritar oro animatzen dugu ondoko agiria erabiltzera eta betetzera, pasaportea dela medio baztertzen duten toki guztietan:
Urdulizeko ospitalera nire neba ikustera sartzen ez didate uzten seguridadekoek
Hola bada sarrerako arretakoei agiri bat eskatu edota bestela erreklamazio orrian idatzi…eta ez ahaztu kopia eskatzea. Ta Arartekoari ere on-line salatu!
Lekukorik baduzu ere haiek datuak eskatu badaezpada.