Txertoaren inguruan bakoitzak badu eskubidea ondo informatzeko eta nahi duena egiteko. Baina hemen badago beste kontu bat eta garrantzitsua da honen inguruan hausnartzea.
Nazien kasuan judua ala ez-judua, homosexuala ala ez-homosexuala, sindikalista ala ez-sindikalista izan zintezkeen. Gaur egun gertatzen ari den honetan aldiz, gaur txertoa jarriko duzula erabaki ahal duzu, agintariek zuretzako txarra den zerbait egingo dutenik ezin duzulako sinetsi. Era berean, diskriminaziorik ez egitea bezalako giza eskubideak zapuztea onar dezakezu. Adibidez, txertatu bako pertsonak polikiroldegietara, museoetara, antzokietara ezin ahal izatea joan, lanean txertatzeko presionatzea… justifika ditzakezu.
Baina zure familiako batek txertoaren eraginez tronbo bat badu (oso erraza da gaur egun hurbil, txertoaren ondorio latzak pairatu dituen norbait izatea), edo txertoaren ondoren zure osasun egoera kaltetzen dela sentitzen baduzu eta ondorioz, iritziz aldatzen baduzu… zu izango zara besteentzako onartu eta normalizatu duzun apartheida zure azalean biziko duena.
Kontu handia izan behar dugu onartzen dugunarekin, zeren eta kasu honetan denok gaude barku berean. Hau ez da txertoa bai-txertoa ez. Bizitzen ari garenak guztion oinarrizko giza-eskubideekin dauka zerikusia. Besteentzako onartzen duguna da gure gizarteak normalizatuko duena. Erraz izan zintezke zu bihar jatetxe batera sartu ezin dena, umeak igerilekura eraman ezin dituena, lanean mobbinga pairatzen duena edo familian gabonak pasatzeko baztertua izan daitekeena.
Beti izan duzu argi nazien istorioan nor izan nahi zenuen eta orain bizitzak urregorrizko aukera eskaintzen dizu egiteko. Zein aktore izan nahi duzu pelikula honetan?
Argiago ezin liteke azaldu Ainoa, mila esker.
Joku zikin honetan irabazteko modu bakarra ez jokatzea da, tranpaz josia bai dago.
Pasenaziari EZ, Testei EZ, etxeratzeei EZ, musukoari EZ, murrizketei EZ, debekuei EZ.
BAI bizitzari, BAI elkartasunari, BAI neguko jaiei , BAI eskola kirolari, BAI hostalaritzari, BAI kalitatezko hekuntzari.
Eta BAI euskarari Independentean.
Zorroztasun handiagoa izan behar dugu diagnostikoak egiterakoan. Ez da zilegi esatea bakoitzak “eskubidea” duela informatuta egoteko eta horren arabera, erabakitzeko. Esango nuke bakoitzak informatua egoteko arriskua hartu behar duela kontuan hartuta gure arrasto eta mugimendu guziak jarraitzen dituztela sareetan eta komunikatzeko gainerako bitartekoetan eta guziz lokalizatua eta aurkitzeko moduan gaudela esku hartzea erabakitzen dutenerako. Haien zerrendetan gaude. Arrisku hori gure gain asumitu behar dugu, haren mendean gaudela ikusita, baina inola ere ezin dugu hartutako eskubidetzat hartu.
Aldi berean ikusten dut azken aldian erresistentzia integratzen duen jendea gero eta biziago, adierazkorrago dagoela, injekzio bidezko pozoiduaren biktimekin kontraste egiten duen positibitasun bat transmitzen eta azken horiek ez dutela inolako agresibitaterik erakusten lehenengoekiko, harridura apur bat eta agian, itxaropen izpi bat, edo behintzat, beste bibrazio bat, hainbeste behar dutena.
Era berean, jakin badakigu haietako gehienei azken agurrra ematea tokatuko zaigula denbora guxian eta oso zaila egiten dela horrekin bizi behar izatea, harrapari aurre egin diogunok eta egiten jarraitzen dugunok badakigula norako prestatua gaituztela alde batera utzita.
Horren arabera, aurre hartu behar zaie ahal den modu bakarrean, estrategian.
Bakoitzak bere ontzia aukeratu du, bat hondoratuta dago eta bestea hondoratu egin nahi dute.
Ongi azaldua dago esan nahi duzuna, Ainoa, baina horrek beste kezka bat sortzen dit eta galdera modura agertuko dut: konturatzen al gara orain ze erraz onartu dugun orain arte gure artean bizi den hainbeste jenderen diskriminazioa eta apartheida? Konturatzen al gara herritar askoren egoera ekonomikoak soilik zenbat jende utzi duen egunerokoan gure bizimodu guaietik aparte? Konturatzen al gara zenbat denbora daramagun beste alde batera begira? Galdera bat baino gehiago atera zaizkit arrapaladan eta gehiago sor litezke.
Ongi izan eta zorionak zure idatziagatik, Ainoa.
Ez txertatzea eta txertoen kontra egotea “ergela” eta “antisoziala” da nere ustez . Eta nazien paralelismoa erabiltzea kontu honekin oso exkaxa da politika maila , ezjakina prozesu historikoarekin. Postmoderninatearen aberrazio ezjakina.
Nere ustez, derrigortasun pertsonal, kolektibo eta etikoa da txertatzea eta salbuespenak egon behar dira legez(inkonpatibilitaten kategorizazio neurtuak).
eneritz erro, oraindik han zain nago baimen informatua noiz bidaliko didaten erabaki bat hartzeko. Daramat horrela ea ea urte bat.
Zuri bidali dizute?
Medikazioa agindu dizute zure medikuaren sinadura eta elkargokide-zenbakiarekin?
Ez?
Ze arraroa…
Ez txertatzea eta txerto ARNm-ren kontra egotea zergaitik da zure ustez “ergela” eta “antisoziala” Eneritz? Gauzak argudiatu behar dira. Bakoitzak esan dezake nahi duena, baina informazio zehatzarekin alderatu behar dira. Zure moduan, euria gorantz doala esatea bezala da. Bestalde aberrazioa da jendeak derrigorezko ez den medikamentu esperimentala bat ez jartzeagatik, diskriminatua izatea. Modernoa da ba medikamendu esperimental bat jartzea epe labur, ertain eta luzera zer albo-ondorio izan ditzakeen jakin gabe? Derrigortasunaz hitz egtien duzu, baina zure sinismenak ezin dituzu derrigortu, zure desinformazioa ezin duzu derrigortu politikariek, saldutako osasun-zerbitzuek eta desinformaziorako komunikabide masiboek ezarritako kontakizun ofizial bakar gisatik oinarritzen zarelako. Aski da! Pase Nazia,Aphatheid pasea, diskriminazio pasea, giza eskubideen aurkako pasea… deitu nahi duzun bezala. Honen alde bazaude hausnartu beharko duzu ea zure ideiak hurbilago dauden Nazi batengandik edo haren biktimengandik.
Behin eta berriro errepikatu diat hasiera-hasieratik egin beharko litzateen bereizketa funtsezko bat (ene iritzirako funts-funtsezkoa): TXERTOAK ORO HAR eta TXERTO HAUEK BERAUEK. Baina ez dakit zer arrakasta daukadan hastapenetik bertatik aldarrikatzen dudan bereizketa-premia honi buruz.
Behin eta berriro esan diat EZ NAIZELA “TXERTO-KONTRAKO”, baina bai, aldiz TXERTO ERDI-ILEGAL (salbuespen gisa onartuak OMS berak ere), ILEGITIMO/GENIKO/ESPERIMENTAL/LUKRATIBO/POZOITSU/IRRESPONSABLE hauekin (Phizerrek-eta ez baitute erantzukizunik sinatzen).
Eta Phizer-Company Pribatu Transnazionala MAFIA ezagun Deliktibo haundienetakoa dok (medikuak erosteagatik behin eta barriro isuna jaso/ordaindu/eta barriro medikuak erosten darraiena AEBetan; eta Afrika-erdialdean EMAKUMEAK EURON BORONDATEZ KONTRA ANTZUTZEN IBILIA, bere botikak frogatze aldera…
Ez dago horien neurriko Nüremberg Epaitegirik!
Gizadiak EZ DIEGU BARKATUKO! EZ HORIXE!
ARN txertoaren gainean zientzialariek iritzi desbardinak dabez. Txertaketaren alde dagozanek dinoe: dana pentsetan daben moduan ateraten bada txerto honek etorkizun oparo eukiko dauala. Inork ez dauka ziurtasunik. Txertaketaren aurka edo txertaketa masiboaren aurka dagozanak gitxiago dira. Baina normala da. Euren lanpostua arriskuan jartzen dabe eta batzuetan lanpostua baino gehiago. Laborategi batean lan eitten dabenak ez dira aske ikerketaren emaitzak argitaratzeko. Eta hori Judy Mikovitsek ondo azaltzen dau. Emaitza txarrak neurri handi batean ezkutatzen dira. Baina ausarta batzuek txostenak emaitza guztiakaz argitaratzen dabez.
ARN txertoei buruzko txostenak ulertzeko mikrobiologia, patologia, biokimika eta abar jakin behar da edo bestela bi edo hiru bider irakurtea derrigorrezkoa da. Egunero orduak eta orduak irakurten emon behar dozuz eta askook hori egin dogu.
Azken finean txertatzea erabakitzen badozu arduraduna zu izango zara. Albo ondorioak bai epe laburrean bai epe luzean badozuz, zure medikuak, industria farmazeutikoak, ez dabe ezer gura jakingo. Horregaitik txertatu baino lehen ondo informatuta izan behar da.
ENERITZ mesedez, seriotasun apur bat. Zure berbaldia baliagarri izango jatzu mugitzen zaran giroan, baina hemen gai honetaz nahiko irakurri dogu eta informatuta gagoz.
Luc Montagnier birologoak, 2008ko Medikuntza Nobel saridunak, modu publikoan eta anbiguotasunik gabe orain dela bi egun adierazi duena: “Txerto esaten diotena pozoia da. Gelditu sarraski hau!”
Gaiaz zerbait ulertzen du…