Christian Perronne mediku eta zientzialari ospetsuak mintzaldia eskainiko du urriaren 18an, Euskal Herrian, Angeluko (Lapurdi) “Espace de l’Océan” aretoan 20:00etan. 2020 urte borobilean, Covid krisiaren lehen murduskatzeak hasi zirenean ezagutu nuen Christian Perronne (1955eko martxoak 19, Frantzia) mediku, zientzialari eta irakaslea. Haren elkarrizketak deskubritu bezain pronto, harritu ninduen haren jarrera kritikoak, mundu mailan covidari buruz eraikitzen ari ziren diskurtso izu eta elebakarraren parean. Izan ere, OME Osasunaren Munduko Erakundean hainbat urtez goi mailako ardurak bete dituen medikuak (urtetan OMEko txerto arduradun gisa lan egin zuen Europa mailan, osasun saileko erakunde ezberdinetan eduki dituen kargu ezberdinen artean), hasieratik kezka eta duda anitz adierazi zituen estatu eta osasun erakunde nagusiek ustezko pandemiari aurre egiteko aho batez iragartzen zituzten datuen eta neurrien aurrean. Baita maskaren obligazio orokortuaz ere, eta gaixoei eman tratamenduez, bat-batean debekatutako botiken eraginkortasunaz edota txerto saltzaileen jokamoldeaz.
Perronnek hasieratik kezka eta duda anitz adierazi zituen estatu eta osasun erakundeek ustezko pandemiari aurre egiteko aho batez iragartzen zituzten datu eta neurrien aurrean
Gure garaiko osasun krisi nagusiaren hastapenetik, Perronnek alerta piztu zuen ahotsa ematen zioten hedabide erakunde edo bilkuretan, zerbait gaizki egiten ari zela oihukatzeko. Ez zuen denborarik galdu nazioartean ezagutzen zituen hainbat aditurekin biltzeko ere, ikerketak abiatzeko eta datu errealak bilatzeko. Liburu bat baino gehiago ere idatzi ditu, zeinetan Covid garaiko datuak ikertzen dituen eta jasotzen, errandakoak eta gertatutakoak paperean idatzirik geldi daitezen; batzuek, haize norabidearen araberan, aldatu edo egokitu ez ditzaten oharkabean. Didier Raoult Marseillako mikrobiologo eta mediku ospetsua bezala edo Luc Montagnier CNRS erakundeko buru ohia eta Nobel sariduna bezala, Christian Perronne izan da, hedabideek eta politikoek ematen zuten matraka amaigabe eta susmagarriaren aurrean, nire barne-ezinegonari eta duda azalezinari egoeraz azalpen zabalagoa eta niretzat zentzuduna eman dizkien pertsona garrantzitsua.
Hasieratik deigarria egin zitzaidan epidemiologian, ikerketan, medikuntzan zein txertoetan goi mailako adituak diren mosketero horiek alerta pizteko erakutsi zuten indar eta kemen guztia, covidarekin mundu mailan inposatzen ari zen jokamolde bakarraz ohartarazteko, eta zientzia munduak saltzen zuen kontsentsuaz. Gogoratu behar da guztiz baztertuak, jazarriak, epaituak izan direla ohiko hedabideetan zein bizitzan, tratamendu onartezina jasanez mikroa eskutan Superdenadakit merke eta salduak bilakatzen diren hizlari askorengandik.
Aditu hauek guztiz baztertuak, jazarriak, epaituak izan dira ohiko hedabideetan zein bizitzan, tratamendu onartezina jasanez Superdenadakit merke eta salduen aldetik
Gure mundua abiadura bizian hankaz gora jarri zuen osasun krisia lehertu zenetik lau urte pasa direnean, azpimarra dezagun Perronne medikuaren kontra zientzia munduko aditu salduek jarri salaketak ezeztatu direla eta bere kontrako epaiketa guztiak irabazi dituela, hedabide zein zientzialari merkeen isiltasun mingarrian. Lau urteren buruan, gaur bizi dugun errealitateak eta osasun datuek argiki erakusten dute alerta pizteko beharra guztiz justifikatua eta zuzena zela. Denboraren laguntzaz ikusten dugu non zegoen arazoa eta non arrazoia, non arduratsuak eta non arduragabeak, non interes ekonomikoak eta non biziaren interesa.
Zergatik zabiltza beti han eta hemen mintzaldiak ematen? galderari, honako erantzuna irakurri nion Perronneri berriki eskaini duen elkarrizketa batean: Haurrak eta ilobak ditut eta ezin dut isilik egon, ondorengoengatik, gezurren kontra borrokatzen segitu behar dut.
Apaltasunetik eta pedagogia handiz, ikuspuntu kritikoa eta informazio ugari ematen dituen aditua da Christian Perronne, baita pertsona hunkigarria eta ausarta ere. Gogoeta hornitzen eta errespetua pizten duen horietakoa da.
Zientzialari etiko baten azalpenak entzutera, gogoetez elikatzera eta etorkizun hobe baten aldeko borrokalariaren energia partekatzera joateko gomita duzue Angelun, ostiral honetan, 20:00etan.
Milesker bide batez covidaren garai ilunetatik argia pizten eta energiak banatzen sekulako lana egiten duen Ez Pass Nora goaz kolektiboari, eta, gaur, pentsamendu guztiz berezia izugarrizko energia ekarri zuen Oierri eta haren familia guztiari (goian bego).
Eskerrik asko Jasone.
Nik hizkuntzagatik beste kritiko batzuk jarraitu ditut, asko covid muntaiarekiko, baina hasieran, lehenengoak ez ziren hainbeste, eta oso garrantzitsuak izan ziren, hautu egokiak lehen bait lehen egiten laguntzeko.
Bai! Baina oso kezkagarria da ere nola ‘ezkertiar’ asko ($i$temaren ezkerrak, alderdikraziakoak…) kobid.muntaia onartu dutela !
Euskal ezkerra, 2020tik, boterearen segidismoa egitera mugatzen da, urteak dira ezkertiar izatearena alde batera utzi zutela, ixil-ixilik eta txintxo plandemiarekin egin diren gehiegikeria guztiekin.