Muturreko tentsioa
AEBko armadak ontzi txikietan zihoazen pertsonak hiltzen zituela ikusi ondoren, epaiketarik egin gabe, ustezko trafikatzaile izatearen akusaziopean bakarrik; edo Nicolas Maduroren bahiketa ikusita, non 100 pertsona erail dituzten, uste dut nazioarteko zuzenbidea paper errea besterik ez dela eta NBEren rola garrantzirik gabekoa. Groenlandiako anbizioak ikusi ondoren, argi geratzen da, AEBz gain, beste herrialdeak ere garrantzirik gabeak direla.
Nazioarteko zuzenbiderik ez dago eta NBEren rola hutsaren hurrengoa da
Argi dago AEBk ezin duela onartu dolarra bigarren mailara igarotzerik; besteak beste, ez du onartuko petrolioa dolarra ez den beste moneta batzuetan saltzerik, ezta zenbait baliabide Txinaren esku geratzerik ere.
Agertoki horretan, beste gerra batzuen hasieran bezala, blokeak ondo definituta daude. Errusiak eta Txinak ezin dute Iran erortzen utzi. Hasiera batean Iranen kontrako AEBren zigor ekonomikoek protesta baketsuak eragin zituzten arren, gero horiek odoltsu bihurtu ziren; Irango gobernuak dioen bezala, Mossad israeldarraren agente infiltratuek armak banatu baitzituzten eta poliziak eta herritarrak hiltzeko agindu baitzuten. Oraingoz, Trumpek eta Mossadek ez dute lortu Iran mendean hartzea, baina berriro saiatuko direla uste dut. Ez da harritzekoa analista aditu batzuek esatea Kubako misilen krisian gertatutakoa baino egoera okerragoa bizitzen ari garela.
Bloke kapitalista eta sozialistaren arteko konfrontaziotik, Mendebaldeko herrialdeen eta BRICSen arteko konfrontaziora igaro gara
Edonola ere, bloke kapitalista eta sozialistaren arteko konfrontaziotik, Mendebaldeko herrialdeen eta BRICSen arteko konfrontaziora igaro gara.
Beti gerrak. Oso errentagarriak batzuentzat, baina ez al da hau izango gauzak beste modu batera egin daitezkeela pentsatzeko garaia?
