Berriz gatoz Extremadurarekin. Txertoak (sasi-txertoak) babesten duen ala ez jakiteko, datu esanguratsua da hiltzen direnetatik zenbat dauden txertatuta eta zenbat ez jakitea (beste kontu bat da cobidagatik ala covidarekin hil diren, baina hori ere ezkutatzen zaigu). Gauza jakina da erkidego hau dela datu hori ematen duen bakarra; astero, gainera. Hona hemen aurtengo zenbakiak.
COVID-19 HILDAKOAK, EXTREMADURAKO JUNTAREN ARABERA
Goiko loturetan klik eginda lor daitezke datu zehatzak. Gauza asko aipa daiteke datu hauek ikusita, baina zerbait azpimarratzekotan, azken hiru hilabeteko joera; hau da, urtarrileko %82tik martxo-apiril-maiatzeko % 95era igaro direla txertoa hartutako hildakoak. Jakin beharko litzateke kasu puntuala den Extremadurakoa ala beste leku batzuetan ere berdina gertatzen den, nahiz eta horrelakoak estatu-sekretuak balira bezala ezkutatzen zaizkigun.
Aste bakoitzeko hildako zerrendaren azpian, zera irakur daiteke: “Todos los fallecidos estaban vacunados”; “Todos los fallecidos, menos uno, estaban vacunados”; “Todos los fallecidos estaban vacunados menos tres“, eta horrela. Ez da zehazten zenbat dosi (hiru, bi, bat) hartuta zeuden, eta beraz ezin jakin, nahiz eta susmoa dugun soilik hiru ziztada hartukoak jotzen dituztela txertatutzat.
2022 APIRILA ETA MAIATZA, HILDAKOAK ADINAREN ARABERA
Azken bi hilabeteetako datuak arakatu ditugu. Eta, ikusten dugunez, ez da 40 urtez azpiko inor hil, eta 60 urtetik beherakoak %5 dira bakarrik, eta 80tik gorakoak dira hiru laurdenak baino gehiago (%76). Bestalde, %90,16 dira Extremaduran “personas completamente vacunadas”, Expansión agerkariaren arabera. Datu hau ezin da egia izan, badakigulako bi dosi hartutako askok eta askok (erdiek-edo zenbait iturri fidagarriren arabera) uko egin diotela hirugarrenari. Ala bi dosi hartutakoak jotzen dira “completamente vacunadas”? Argitu nahi ez duten beste datu bat. Extremadurako egoera eta beste leku guztietakoa, gurea barne, berdintsua izango da. Erresuma Batuko Gobernuak 2022ko martxoan kaleratutako txostenak azaltzen du birusagatik berriki hildakoen artean %90 txertatuta zeudela. Hemen kontsulta daitezke datu zehatzak.
Askok geure buruari egiten diogun galdera: udazken-negu aldera berriro hasiko al da parafernalia? Boosterra (dotoreago gelditzen da), errefortzua, laugarren dosia, txerto pediatrikoa, maskarak, QR pasaportea… Gutxi fidatu. Telebistan hasita daude errefortzu dosiaren aldeko iragarkiak botatzen, sorbaldan ziztatzen dioten mutil-koxkor eta guzti. Eta MOEk goi-bilera du Genevan maiatz honetan, mundu mailako politika bateratua adosteko “pandemien aurrean”. Dardaraz jartzekoa.
eta espero dezagun harri berean ez dutela estropezu egingo aurreko aldian despistatu ziren hiritarrek
Nolanahi ere, datu hauek ezagutzen dituzte (edo ezagutu beharko lituzkete) gure adituek zein kazetari eta politikoek. Informatzeko eta gogoeta egiteko astia izan dute eta espero dezagun ez dutela jarrera berdinarekin jarraituko gure Zubia, Basaras, Galarraga, EITB, Berria, Gara, Correo eta enparauek. Eta harri berean ez dutela estropezu egingo aurreko aldian despistatu ziren hiritarrek.
Esaera zaharrak dioen bezala, Errare humanum est, perseverare diabolicum.
