lurraren defentsan

Baztango Erdiz Bizirik plataformak Euskal Herri osoan alegazioak sinatzeko eta biltzeko deia egin du

Alegazioak aurkezteko epea MARTXOAREN 19an bukatuko da, baina 13rako plataformari helaraztea proposatzen dugu. MAGNA enpresaren meategi proiektuak natur-ondarean eta Baztango abeltzaintzan, tokiko ekonomian, ingurugiroan nahiz osasunean eragin ikaragarriak izango lituzke.

1

Mikel Alvarez Forcada

Azpiegitura handien aurkako ekintzailea. Donostia

Kaixo! Baztango ERDIZ BIZIRIK plataformak Euskal Herri osoan alegazioak sinatzeko eta biltzeko deialdia egin du, hain zuzen ere Erdizko mendi lurretan (Aldude-Kintoako mendialdean) Magnesitas de Navarra enpresak harrobi-meategi berria zabaltzeko duen egitasmoa Nafar Gobernuak bertan behera utzi dezala eskatzeko. Izan ere, Nafarroako Gobernuak berriki meategi proiektua “Udalerriz Gaindiko Eragina duen Plan” (UGEP) bezala tramitatzea erabaki du, Baztango Udalaren eta tokiko erakundeen autonomia eta erabaki ahalmena ezabatuz. Magnesitas de Navarra (MAGNA) enpresaren meategi proiektuak Aldudeko mendien natur-ondare bikainean eta Baztango abeltzaintzan, tokiko ekonomian, ingurugiroan nahiz herritarren osasunean eragin ikaragarriak izango lituzke. Hori dela eta, Erdiz Bizirik plataformak alegazioak zabaltzeko eta sinatzeko dei egin du Nafarroan nahiz Euskal Herri osoan.

Deskargatu ALEGAZIO-ORRIA hemen:

Alegazioak ERDIZ BIZIRIK plataformari helarazteko bideak:
Alegazioak aurkezteko epea martxoaren 19an bukatuko dela kontuan hartuta, hau proposatzen da:  

>> DONOSTIAN: Alegazio-orria sinatu eta martxoak 13 asteazkena baino lehen  honako lekuan uzteko eskatzen da: Askatasunaren Etorbideko 11 zenbakiaren parean dagoen PRENTSA-KIOSKOAN. Era honetan, martxoak 14 ostegunean alegazio horiek jaso eta Erdiz Bizirik plataformari helaraziko dizkiegu (Donostian tlfnoa: 695715510).
>> BESTE HERRIETAN: Alegazio sinadurak jaso eta ERDIZ BIZIRIK plataformako honako telefonora deitzea eskatzen da lehenbaitlehen, alegazioak nola helaraz ditzakezuen adosteko: 616557598 (Isa).

Beraz, alegazioak sinatzera eta zuen inguruan zabaltzera animatuz, agur eta eskerrik asko.  

Harremanetarako: erdizbizirik@gmail.com

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Erantzun bat “Baztango Erdiz Bizirik plataformak Euskal Herri osoan alegazioak sinatzeko eta biltzeko deia egin du” bidalketan

Utzi iruzkina, izen eta abizenez

Azken artikuluak