Labexomorro, labexomorro,
Ezin dala ibili,
Faltan dauela, ez dakolako,
Erreteko Mirenjoni.
Ruper Ordorika
Apirilaren 4an edo 5ean hasi da, gure Euskal Herri zatitu honetan, EAEko jaurlaritzarako hauteskunde kanpaina. Ni Nafarroan erroldatuta nago, eta nahiz eta lana eta bizi gehiena EAEn egin, ez dut gobernu osaketa horretan parte hartzeko eskubiderik. Halere, nire bizitzan zehar idazketan trebetasunik garatu ez dudan arren, nire iritzia azaltzeko beharra dut, konplexurik gabe, akats bat edo anitz egiteko beldurrak utzi eta komunikatzeko asmo soilarekin, irakurlea nirekin ados izango den ala ez axola gabe. Esateko direnak, esandakoak baino askoz gehiago direla jakitun.
Bada aspaldiko urteetan barruan dabilkidan harra, ulergaitza egiten zaidan gaia. Ruper Ordorika musikari gaituak hain xamurki eta maitekor abestu zigun MIRENJONIk gurean duen utzikeriaz ari naiz.
Beste gai ugarirekin gertatzen den moduan, hain gurea dugun euskara
honetan zaila da kalamuari buruzko informazio idatzia aurkitzea. Zer esanik
ez ahozko komunikazioan. Bidenabar, gure Martin Barriuso agurtuko dut
eskerrak emateko urteetan zehar kalamuaren askapenaren alde egin duen
lan itzelagatik. Esker bikoitza euskara munduan ere gaia jorratu izanagatik.
Nola liteke normaltzat hartzea, gizakiak, bera sortu duen naturak berak sortutako espeziea suntsitzen ahalegintzea bere indar guztiekin?
Gaur egun, oraindino, gurean, kalamua giza jazarpena jasaten ari den sorkuntza da. Sorkuntza diot, zeren edozein landare naturaren sorkuntza sakratua da. Lurraren eta Zeruaren indarrak elkartuz, batuz , sortzen den bizi sakratua, gizakia sortu baino lehenago sortutakoa, gure arbasoa. Nola liteke normaltzat hartzea, gizakiak, bera sortu duen naturak berak sortutako espeziea suntsitzen ahalegintzea bere indar guztiekin? Zer, nola izendatu daiteke honelako ekintza lazgarria? Zer dela eta goaz gure izatearen beraren aurka?
Badira nik baino askoz hobeto eta egokiago azaldu ditzaketenak kalamuaren onurak, baina idatzia ez doa kalamuak bizirauteko beharrezko justifikazioen bila. Ez du ezertan ezer justifikatu behar, zeren Izan, Bada. Gu, gizakiak, Izan Bagaren bezalaxe, ez gutxiago, ez gehiago.
Ba al da hauteskunde hauetan kalamuak aske bizitzeko duen eskubidea aldarrikatuko duen talde edo partidu politikorik? Naturaren sorkuntza edozeinek berez bizitzeko duen eskubideak lehentasuna izan behar du edozein politikatan, printzipio ukaezina; gainerakoan, edozer kalte egiteko gai den gizartea garatzen doa, sarraskiak justifikatuz beti. Oroitu gaitezen bizitzeko behar-beharrezkoa den gaia ARNASA dela. Arnasa, Arnastu, Arnasa. Bizitza berez ez da hain konplikatua, has gaitezen bidaia labur hau gozatzen saiatzen. Karmelo Bizkarra medikuak dioen moduan: “bizi eta lagundu bizitzen”. KALAMUA ASKE!!!
Hemen utziko dut Kalamuaren onuren inguruko artikulu bat interesa duenarentzat -> https://kalamua.eus/kontutan-hartu-beharreko-cbdaren-10-onura/
Bide batez, Kalamuan oinarritutako produktuak modu seguruan erabiltzeko dohako aholkularitza eskeintzen dugu CBD Kalamuan 😊.
Ba ni ez nago guztiz ados. Egia da kalamuaren osagai batzuk onak direla gaixo askorentzako baina beste osagai batzuk menpekotasuna eragiten dutela eta memoria galera ere bai.
Dena bere neurria behar du eta amerkitan tabakoa senda belar bezela erabiltzen zelan, Europan urteen poderioz beste droga baten biurtu zuten hildako ugari eraginez.
Berdin geratu da kanabisa legeztatu denean trafikanteak osagai menperatzailea indartu dutela negoziarekin jarraitzeko.
Kaixo Iker, eskerrak ematen dizkizut zure ekarpenagatik. Lan ederra egin duzue. Aurrera!!!
ONA MAITE
Hemen nator berriro,pesau, ba dirudi denerako iritzia izan behar dudala baina gai honek ere biziki ukitzen nau eta Independentea da berriz ere itxuraz inor kezkatzen ez duten gaiak jorratzeko lekua, ba harira.
Nik ere ez diet onartzen gizartea gobernatzen dutenei Bizidun bat debekatzeko zilegitasunik. Eta kalamua bezala beste hainbat landare, lobelarra adibidez, daude debekatuak naiz eta batzuek sekulako dirutza egin hauek landatzen bai legal, bai ilegalki. Are gehiago, sendabelar zerrenda luze bat dago debekatua saltzea, urtero luzatzen dutena, arrazoi Sanitarioak tarteko. Gu gizajook tontoak garelako eta hagintariek zaindu behar gaituztelako ez dezagun geure burua kaltetu.
Atzean negozio itzelak: Farmazia eta Drogeria(azken hontaz ere hitzgin beharko da noizbait).
Eta kalamua legalizatzen ari dira nonbait, baina negozioa ondo menperatu eta gero, haziak, patenteak, prozesuak e.a. ez pentsa baratzean lasai eta libreki landatzen uzteko asmorik dutenik.
Bueno, bai. Baina… ez dut uste prezisamente kalamua izango denik burujabetza iristen lagunduko diguna, zer nahi duzu esatea.
Natural-naturala izango da, etxeko ardoa den bezala: gozagarri bat eta olgeta. Eta, norbere baratzeko uztakoa izanda ere… menpekotasun posible bat gehiago. Dauzkagunez gain. Oreka kontua.
Sendabelar moduan ere ez dizut erosten, hara. Esaten dizut nik kalamuak sendatu, ez zaituela sendatuko. Ezta nire arazoak konponduko ere. Hor goiko iruzkin publizitario horrek dioena dioela.
Erabat osasuntsu eta zoriontsu bizitzeko behar dugun guzti-guztia dago gutako bakoitzaren barnean. Bilatu egin behar. Baina bitartean, bakoitzak jakingo ahal du zerekin entretenitzen dituen bere minak eta ezinak.
Nik kalamua erabiltzen dut, THCrekin edo CBD moduan, nahieran. Aldeko iritziekin guztiz ados nago. Bainan, berriro diot: nola da posible ASKATASUNA aldarrikatzen dutenek ere, TEMATI JARRAITZEA NATURALKI NATURAN SORTUTAKO LANDAREA DESAGERTUARAZTEKO. POLIZIAK JAZARTZEN GAITU, bai informatuak, baita lan orduez kanpo ere, isun itzelak ezarriz. Hau ulertzeko, agian, hartzen ditudan dosiak bikoiztu beharko ditut? Kannabis zaleak ez dugu inor behartzen honen kontsumora. Eta Asierren idatzia neuk ere sinatzen dut. Eskerrik asko guztioi!
UNIFORMATUEK esan nahi dut
Kontuan hartu beharko dugu, gaur kalamua batez ere drogarekin lotzen baldin ba dugu ere, beste erabilera anitz dituela, sokak, ohialgintza, elikadura (haziak) eta abar luze bat. Aspaldi irakurri nuen kalamuaren debekua, hobeto esanda landaketa kontrolatzea , nylonaren eta hainbat petroliotik eratorritako produktuen zabaltze komertzialarentzako bultzada moduena etorri zela,besteak beste. Ez duela hainbeste kalamuaren landaketa nazioentzat estrategikoa zen, itsas jarduerarako ezinbestekoa, belak, sokak, sareak,baita janzteko, izarak eta abar. Kotoi merkea gizarte honen beste astakeri batzuetatik dator, lihoa ere ez zen egunero erabiltzeko modukoa eta artileak ere ba ditu bere mugak…..Diotenez, jendeak landatutako lehen landareetako izan daiteke.
Beraz eta oraingo bultzada komertzialarekin neu ere oso mesfidati izanda, uste dut adi egon behar dugula sartu dizkiguten errelatoekin.
Dena den, niretzat oinarrizko galdera da, zein zilegitasun ote duen estatuak existitzeko eta edozein giza antolakuntzak landareak debekatzeko, batez ere egunero kaka sartzen ari zaizkigunean zulo guztietan barna.
Asteburu on.
Eskerrak zuri Maite! 🙏
Angel , nik neuk, ez ditut sinisten kalamuari egozten dizkioten okerrak. Badakit guztia bere neurrian dela mesedeko. Menpekotasuna sortzen duela diozu; agian kafearen, azukrearen, alkoholaren alboan lekua egin beharko lioteke dendetan? Guztiz ados ez zaudela, jakin nahi nuke guztiz hori hori zenbat den.
Nik ez dut arrazoirik ikusten naturan sortu den landare baten aurka ekiteko. Gure inguru naturalarekin bizitzen ikastea gomeni zaiguna erabiliz, kalamua dibertsiorako erabilgarri denaren ospetik askatzea, kalamu landarearen alde ezberdinak gorputzean sartzeak dituen efektoei buruz jakintza zintzoa izatea mesede zaigu. Kalamua eta debekatutako gainerako landare guztiak Aske bizi behar dute, baita landare hauek zaintzen dituzten lagunak. Ni horretan nago. Agur bat, Angel. Besarkada bat.