Zapalkuntza

Arrazistak ezagutzeko gida bat

Nagusi usteko talde horiek uste dute beren menpean egon behar dutela euren eragin eremuko beste guztiek.

5

Jonjo Agirre

Euskaltzalea. Altsasu

Dakitenek diote arrazakeria dela pertsona edo pertsona-talde batek beste batzuekiko erdeinua edo gorrotoa izatea ezaugarri ezberdinak dituelako, hala nola azalaren kolorea, hizkuntza edo jaioterria.

Arrazakeria etnozentrista, berbarako, talde baten ustezko nagusitasun kulturalean oinarrituko litzateke. Talde horrek beste talde batzuk mehatxu kulturaltzat joko lituzke eta berdintasunerako eskubidea ukatu. Nagusi usteko talde horiek uste dute beren menpean egon behar dutela euren eragin eremuko beste guztiek.

Euskal Herrian, gainera, zapaltzaile españolek eta frantsesek, zapalduoi, euskaldunoi egotzi ohi digute “arrazakeria”, eta ekinaren ekinaz, gure arteko askoren burmuinetan ideia hori txertatzea lortu dute… nortzuek eta arrazakerian txapeldun direnek eurek!

zapaltzaile españolek eta frantsesek zapalduoi egotzi ohi digute “arrazakeria” eta gure arteko askoren burmuinetan ideia hori txertatzea lortu dute

Erdal-arrazakeria normalizatuta dago Euskal Herrian, dagoeneko. Gizarte-maila guztietan pairatzen dugu. Adibide asko jar daitezke, dela epaitegietan nahiz poliziekin, dela medikuarenean, izan jatetxe dotoreetan edo auzoko taberna eta denda xumeetan, edonon. Arrazakeria klaseartekoa da, eta euskaldunok pairatzen dugu gizon/emazte zuri goi- eta ertain- klasekoen aldetik bezala, langile xehe edota etorkinen aldetik ere, zurbilak nahiz arrazializatuak izan.

Normalizatuta dagoenez gero, eta soilik gutxiengo batek jasaten dugunez gero (lehen hitza ahal den guztietan egiteko ohitura “txarra” dugunok), Euskal Herriko gizartearen gehiengoak ez du errealitate honen arrastorik ere, usaindu ere ez du egiten; erdaldunek inolaz ere ez, baina euskaldun askok ere ez, ezezagunei euskaraz egiten ez direlako ausartzen edota euskaraz jarduteko ohiturarik ez duten “euskaldunak” direlako.

Arreta apur bat ipiniz gero, erraza da arrazistak ezagutzea baina. Horra lorratz batzuk:

  • Ez dute bizi diren (euskal) herriko jatorrizko hizkuntza ikasteko ahaleginik egiten.
  • Erdaraz jarduteko exijitzen digute ingurukoei.
  • Jarrera zakarra izaten dute makurtzen ez zaizkienekin.
  • Estatuak eman posizioa probesten dute erdara inposatzeko.
  • Zapalduak bailiran jokatzen dute, zapaltzaileak eurak izanik.
  • “Berdintasunaren” izenean “ezberdin” hitz egiten dutenak baztertzen eta zapaltzen dituzte.
  • “Pribilegiatuak” garela leporatzen digute hizkuntza zapalduaren hiztun baztertuoi, gure hizkuntz eskubideak aldarrikatzea otuz gero.

Aipatu bezala, erraza da gure inguruan arrazistak aurkitzea, are errazagoa eremu erdaldunduetan oraindik euskaldunetan baino, baina Euskal Herri osoan dauzkagu ugari, herri zapaldu guztietan bezala. Lehen hitza nonahi eta noiznahi euskaraz egitea aski izan ohi da ustekabean ere agerrarazteko.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

5 erantzun “Arrazistak ezagutzeko gida bat” bidalketan

  1. Mamu digitalak Ez deust utzi berrikitan ere mezua bidaltzen. Sinestezina! Zatika bidali beharko dot

  2. Nioen ba ezen ISRAEL ez dala konformatzen GAZA eta ZISJORDANIA konkistatu eta HA MAS menperatzearekin (horretako aski eta
    Haboro ditu F-16 bonbardaketak), baizik eta Palestinara HERRIA BERA nahi dau zuztarretik Akatu!

  3. Gauza bera gertatzen da EUSKAL HERRIAN;

    Hemen ez da soilik borroka ideologikoa Edo IRULEGIKO testuaz hura “basconico” deitzea, edota “incertidumbres” darela esatea. Hortik haratago doa. Gure herria bera Akatu nahi da (“genozidio” deitzen dena).

  4. Izan ere, GURE herriak ez dauka ondare ekonomiko ez politiko burujabe aski, ezta
    are gutxiago.
    Hori aski mendean Dute.
    Ez Daukatena mendean da, EUSKAL ONDARE KULTURALA da, altxor neurtezina berau, eta horixe eraso egin eta desegarrazi nahi dute (que si somos
    CELTAS conquistados por vascones, que si somos “basconicos tardíos (berantiarrak), que sí hay “incertidumbres”, que si “parió la abuela”…

    Kontua da herri honen ondarea, duen BAKARRA, desagerraraztea!

  5. Zapaldua zapaltzailearekin nahastu eta “arrazakeriaren” kontakizun hori beren buruetan txertatuta dutenez gain, beste hainbat zipayismoak jota ere badabiltza azken egunotan bereziki, hori bai, “metodo zientifikoaren” izenean betiere, eta metodo hori mundutar tontooi esplikatzeko ardura beraiek dutela nonbait, Jainkoak emanda edo, herritar ezjakin gajook ilustratzeko edo. Harropuzkeria sobera eta autogorrotoa gainezka dago hemen aspalditxoan. Kolonizatua izatea zer den.

Utzi iruzkina, izen eta abizenez

Azken artikuluak