Zarauzko euskal jaia eta hondakinekiko erantzukizuna
Euskal Jaia baino egun batzuk lehenago, Zarauzko Udaleko Ingurumen Sailaren ohar bat zabaldu zen komunikabide batzuetan, hondakinekiko erantzukizuna eskatzeko. Ohar horretan iragarri zen, halaber, Zarauzko Udalak garbiketa-zerbitzuak indartuko zituela eta edukiontzien kopurua handituko zuela. Argi dago neurri horiek labur samar geratu zirela, egun erdirako edukiontzi edo paperontzi batzuk gainezka zeudelako eta kaleak zikin zeudelako. Gainera, edukiontzi-irlak, hau da, hainbat zatiren baterako bilketa-guneak, oso urriak zirenez, ohikoa zen edukiontzietan edalontziak eta plastikozko botilak ikustea. Beste leku batzuetan, aldiz, nahiz eta arraroa iruditu, erabat beteta zeuden edukiontzietatik gertu, edukiontzietatik kanpoko hondakinak txukun bilduta zeuden, eta une horretan argi geratu zitzaidan arazo garrantzitsuena gehiegizko hondakinen sorrera zela.
Beraz, Zarauzko edo edozein herri, hondartza, itsaso edo kaletan zikinkeria saihestu nahi badugu, hondakin gutxiago sortu behar dugu. Horretarako, uste dut erabilera bakarreko plastikozko edalontziak debekatzeaz gain, Zarauzko Udalak komunikabideei jarrera arduratsua eskatuz bidaltzen dizkien oharretan, nik uste dut esan dezakeela ontziak euro bat gehiago kostatuko direla itzultzen ez diren bitartean, eta bideoak ere egin daitezkeela jendea kontzientziatzeko, adibidez, arrainek plastikoak jateak pertsonengan izan ditzakeen ondorioei buruz. Edonola ere, ez dut hondakinak murrizteko ideiarik ematen jarraituko, Zarautz inguruko herri batean ikastolen jaia ospatu baitzen, hau da, Kilometroak, eta dena garbi geratu zen. Beraz, uste dut Zarauzko Euskal Jaian ere berdin geratu beharko litzatekeela.
Bestalde, eta amaitzeko, adierazi nahi dut ez nagoela ados saltokietan materia organikoaren atez ateko bilketa hiru egunez etetearekin; izan ere, bilketa hori etenda geratzen den hiru egun horietan, materia organiko asko, konpostajera joan beharrean, errefusera joango zen.
Patxi Aznar Bellido
Errausketaren aurkako mugimenduko eta GuraSOS plataformako kidea
Zaborrak izen abizenak ditu, haiek saltzen aberasten diren Markak eta saltokiak. Zero Zabor kanpaina bete betean akatsa iruditu zitzaidan ardura jendearengan ezartzea,zaborra ez dugulako geuk sortzen. Guk erosi egiten dugu, legeak hala behartuta sarri, eta konponbidea geure esku dagoela sinestaraztea egiaren kontrakoa da.
Zaborra bukatuko da fabrikantea produktuen bizitza osoaz arduratzera behartzen denean, bere zaborra jaso, berrerabili, birziklatu edo jatera behartzen denean,edozein bazterretan aurkitutako zaborrarengatik bere marka zigortzen denean.
Labur esanda sozializatuko kalteak pribatizatzen direnean.
Ño, Asier, dena bezala esatea erraza duk, nik ez nikek asmatuko nondik hasi. Beno, ezoski batera sartzerakoan plastikoetan datozenak hustu eta geuk eramandako ontzietan sartuta? Batzuk, nonbait, hasi omen ditu horretan. Bilbo handia deritzon hori euskalduntzea ez zekiat hain zaila ote dukan. Benetan, ez zekiat nondik hasi.
Lasai Gorka, gobernanteentzako ideiak hituan, guk ezer gutxi egin zezakeagu, zabor gutxiena duena hautatu edo superrean erostean poltsak eraman eta ordain kutxan zabor guztia utzi, geure zorroetan edo tupperretan sartuta, hori janaria bera zaborra ez dela ziurtatu ondoren. Baina gogoa behar duk.
Nork esan zuen erraza izango zela? beste batzuk triatloiak egiten dizkitek, hi.