Kontratuaren urraketa
Hasteko, gertatutakoaren ikuspegi bat izateko datu batzuk. Azaroaren 13an, Adolfo Araiz parlamentariak eskatuta, Nafarroako gobernuko kontseilari J.M. Ayerdi agertu zen, eta azaldu zuen Gipuzkoako erraustegitik iristen ziren hondakinak likidoak zirela, ez lohiak, kontratuak ezartzen zuen bezala. Horrek Navarra Ecofert Sansoain enpresak eta Zubietako erraustegiak sinatutako kontratuan ezarritakoa urratzen du. 24 ordu baino gutxiagoan, Gipuzkoako ingurumen-diputatu Asensiok agerraldia egin zuen, dena zuzena izan zela esateko. Argi dago, azaldu dudan bezala, likidoa bidaltzean, lohia bidali beharrean, kontratua urratu dutela, bai Gipuzkoako igorleak, bai enpresa hartzaileak.
Asensio ingurumen-diputatua inputatuta dago Arkaitzerrekako isuriarengatik
Jendeak kontratua ez betetzearena zer den uler dezan, hau azalduko dut: Asensio diputatua da 2020ko maiatzean erraustegiak kutsatutako urak Arkaitzerreka errekara isuri eta errekako fauna hondatu eta 15 ardi hil zituenean hura ezkutatzen saiatu zen pertsona (gogoan izan kontu horregatik inputatuta dagoela) edo, erreka bereko urak marroiz tindatu zirenean, erraustegiaren isurketa ez zela esatera ausartu zen pertsona, erraustegitik eratorritako iragazketa zenean.
enpresa horrek lixibiatuak erabiltzen zituen konposta egiteko
Asensioren hizkera bikoitza ulertuta, eta enpresa batzuek hondakinekin zuten joko zikina ezagututa, dela Zaldibarren Eusko Jaurlaritzaren ikuskaritzapean kudeatu zuena, dela Funesen (Nafarroan) hondakinak kudeatzen zituena, Nafarroako gobernuaren ikuskaritzapean, ez naiz harritzen Navarra Ecofert enpresaren jarduteko modu mafiosoaz, soberan baitzekiten hondakina likidoa izateagatik kontratua ez betetzea gertatzen ari zela. Gainera,enpresa honek lixibiatu horiek beste lixibiatu batzuekin nahasten zituzten, eta bien nahasketa toxikoa izaten zen. Ondoren, enpresa horrek lixibiatuak erabiltzen zituen konposta egiteko. Konposta Nafarroako Gobernuaren deskontrolarekin egiten zen, lehenik ohiko ikuskapenean anomalia ez detektatzeagatik eta, ondoren, ia bi urtez legez kanpoko hondakin likido horiek Nafarroan sartzen uzteagatik!
