Amerikako Estatu Batuetan, poliziaren eskutik afroamerikarren heriotzak ohikoak izaten dira, azken hamaika urteetan hamabi pertsona horrela hil direla esatea besterik ez dago, eta hau diogu gaurko historia atxilotuaren atxiloketarekin eta ondorengo itolarriarekin lotuta dagoelako, atxilotuari laguntza eman ahal izan zion poliziak hori ez baitzuen egin.
Zirkunstantzia hori azaltzeko, George Floydekin gertatutakoa adibide ona da: pertsona hau atxilotu zuen poliziak hain gogor estutu zion belauna lepoaren kontra, non hil egin baitzuen, eta dena atxilotuaren erreguak entzunda. Duela gutxi Zarautzen gertatutakoak kontatutakoarekin antzekotasuna duenez, eta Covid pasaportearen ezarpena salatzeko asmoarekin, joan den urtarrilaren 27an, osteguna, herriko udaletxearen aurrean bildu ginen.
Ertzain gazte hau
kaleetatik kentzea
eskatzen dugu,
eta ez ditzagun
ezbehar gehiago
izan.
Horrela gertatu zen: J.L. pasaporterik gabe sartu zen kiroldegian; portzierto, pase horrek ez ditu eskubide konstituzionalak errespetatzen. Behin barruan zegoela, eta denbora bat igarota, udaltzainek atxilotu egin zuten, eta eskuburdinekin Ertzaintzari eman zioten. Ertzainek auto txiki batean sartu zuten, eta J.L. handia denez, alboz joatea baino ez zion uzten. Zoritxarrez, segurtasun-uhala igo egin zitzaion lepoan amaitu arte. J.L.ri arnasa normaltasunez hartzea eragozten zion egoera horrek antsietatea eta izu-erasoak eragiten zizkionez, gertuko ertzain gazte bati laguntzeko eskatu zion. Baina ertzain horrek ez zion laguntzarik eman, J.L.k aurrekaririk ez zuela egiaztatzen zuten irrati-mezuak soilik entzuten zituen. Hogei minutu inguru iraun zuen agonia honek, J.L.rentzat orduak izan zirenak.
Argi dago ikerketa bat ireki behar dela; izan ere, ertzain horren jokabidearekin, George Floydena bezalako kasu bat gerta liteke edozein unetan. Horregatik, eta modu prebentiboan, ertzain gazte hau kaleetatik kentzea eskatzen dugu, eta ez ditzagun ezbehar gehiago izan, Iñigo Cabacas, Remigio Ayestaran, Rosa Zarra eta beste batzuekin nahikoa baitugu.
Aski da! Munduko edozein tokitako poliziak beti bere botereaz abusatzen du, eta ez dira kasu isolatuak, denok ezagutzen dugun egitate bat da. Polizia boterearen tresna da, boteredunak defendatzeko. Polizia desmilitarizatu beharko litzateke hasteko, ez lukete su-armarik eraman behar, eta herritarrari benetan laguntzeko gremio desberdinak bihurtu beharko lirateke. Ikusten dugun bezala, suhiltzaileek ez daramate pistolarik. Ba, berdin, erreskate talde ez militarizatu bat, trafiko-gorputz ez militarizatu bat, behar denaren gorputz ez militarizatu bat. Eta jakina, herritarraren zerbitzura, eta ez erreprimitzeko.
Bada, ez nago batere ados. Hasteko, 12 urtean 11 afroamerikar hil direla diozu, eta hori asko iruditzen zaizu? Zenbat zuri eta hispano hil dira egoera berean? Badakizue zenbateko dirutzak jaso dituen BLM mugimenduak korporazio globalista handienen eskutik? Badakizu nork jarri zituen diru-kopuru ikaragarri handiak jende xehearen negozioak kiskaltzen ibilitako aktibisten fidantzak ordaintzeko? Ikertu piska bat.
Bide batez, ikertu piska bat zer gertatu den “Defound the police” (funtsak kendu poliziari) politika aplikatu den USAko hirietan: izugarri hazi da delinkuentzia eta segurtasunik eza auzo behartsuenetan, politika horiek bultzatu dituzten progre aberatsak segurtasun pribatuaz ondo babestuta bizi diren bitartean.
Polizia duina eta ondradua behar dugu, baina polizia behar dugu eta beharko dugu gizarte batean bizi garen bitartean.
Alpargatero, korporazio globalistek mugimendu legitimoak desitxuratu eta gizarte burges aberatsari begira usteldu izanak, ez du esan nahi mugimendu horiek existitzen ez direnik, salaketa horiek beti behetik egiten jarraitu behar denik eta eliteei gidaritza manipulatzaileak eramaten utzi gabe. Korporazio Globalistei ongi datorkie gizarte-mugimendu guztiak gizartetik ezabatzea, disidentzia bera ere manipulatuz. Eta gizarte bateko kide garen bitartean polizia beharko dugula, zuk esango duzu. Nik aukera bat eman dut goian, posiblea, baina ez da interesgarria, polizia ez baitago herritarra babesteko, boteretsua esnatutako jendearengandik babesteko dago. Eta boterea lortu nahi duen edonor ez da inoiz egongo babestuko dituen beso armatuaren desegitearen alde. Hala ere, botererik nahi ez dugunok eta guztion artean bizitza partekatu bat nahi dugunok, horizontalean, polizia soberan daukagu.
Zuk proposatzen dituzun alternatibak polizia dira, beste izen batekin deitu nahi badiezu ere. Armarik gabeko polizia delinkuente armadunei aurre egiten? Alizia-pentsamenduaren erakusgarri bikaina! Eta bai, elite boteretsuei interesatzen zaie indarkeria eta delinkuentziaren aurrean babesgabe dagoen herritarra; hain zuzen ere, plandemia honek zerbait utzi badu argi eta garbi zera izan da: beldurra arma ezin boteretsuagoa da herritarrek beren askatasunak txintik atera gabe entrega ditzaten eta diktadura justifika dezaten. Segurtasunik gabe ez dago askatasunik, seguru sentitzen den herritarra, ordea, herritar indartsua eta harroa da, bere eskubideak defendatzeko prest dagoena.
Gaizkile mota asko dago. Politikariak, adibidez, eta haien bizkarzainak eta poliziak, horiek baitira armaturik doazenak. Nork defendatzen gaitu haiengandik? Hala ere, hemen kaleko gaizkileak ez darama suzko armarik, eta arma zuri baten aurka, defentsa pertsonalean ondo trebatuta egonda, nahikoa baino gehiago da. Poliziak direla diozuna gremio batu eta militarizatu asko dira. Koordinazioari eutsi ahal zaio, suhiltzaileak eta anbulantziak bezala, espezialitate bakoitzari egitura militarizatu horretatik kanpo bere zeregina emanez. Kontua ez da armatzea beste pertsona armatu batengandik defendatzeko, kontua armada izatea ez den bezala armada inbaditzailearengandik defendatzeko. Kontua desmilitarizazioa da. https://www.youtube.com/watch?v=WMk1kdq5FC4
Gaizkileek armarik ez daramatela diozu, benetan? Poliziak ala kamikazeak nahi dituzu? Esku-hutsik gaizkile armatuen kontra? Poliziak nor defenditzen duen, gaizkilea ala ondradua, horrexek definitzen du gizarte baten demokrazia-maila. Poliziaren kalitatea gizartearen kalitatearen isla baino ez da, politikariena bezala.
Baina nola defendatuko ditu poliziak ondratuak, armak edukitzearen pribilegioa zuri kentzen dizuten berberak badira polizia asmatu dutenak? Nolatan egingo dio horzka poliziak, jaten ematen dion eskuari?
Kalitatezko gizarte batean polizia ez litzateke esistituko. Esistitzen da, estatuak bere egitura eta ordena mantentzeko behar duelako, indarrez mantendu ere, eta horretarako estatuak bere buruari hornitzen dizkio pribilegio batzuk, zu eta ni lotuta eta menpeko mantentzeko: biolentziaz gainera, zure lanaren fruituak konfiskatzeko pribilegioa, gehi beste hainbat pribilegio.
Gizarte baten kalitatea da gizarte horrek jasotako adoktrinamendu mailaren araberakoa, eta aginteak irakasten dizun lehenengo gauzetako bat da gobernatua izan beharra daukazula, zeu bakarrik ez zarelako gai fundamentua egiteko, horixe da doktrinaren lehenengo lezioa.
Ondo azalduta Eme. Eskertzen da.
“Polizia ez litzateke existituko… ” Ederki. Beraz, eme, esaidazu non dagoen “kalitatezko gizarte” hori. Jarriko didazu, mesedez, adibide bat? Noren antza izan beharko genuke? Zer gizarte dago (mundu honetan, ez fantasian) guretzat eredugarri izan litekeena?
Naturan ez dago poliziarik.
Desnaturalizatuak uste du, sakonki sinetsi ere, subkonszienteki grabatuta daukalako, biolentzia eta koertzioa ezinbesteko direla ordena sozialerako, eta hori da garai historiko guztietako gizakien sinesmenik arriskutsuena eta limitanteena.
Eta belaunaldiz belaunaldi ignorantzia orokortuari esker erreproduzitzen dena. Gizakien artean desberdintasunak eta liskarrak probokatzea, taktika oinarrizkoa da horretan, Zesarrek bazekien ongi: divide et impera. Eta horrela gobernatu dute milenioetan zehar.
Denok gara sortzeko gai. Maila indibidual eta kolektiboan sortzeko gai, harremantzeko gai, antolatzeko gai, hezteko gai, sendatzeko gai, bakean bizitzeko gai. Parasitorik gabe. Hori da “elan vital” deitzen dena, eta gure izatean berez dagoena, eta autoritateek beti borrokatu dutena: sortzeko gaitasuna.
Nahiz eta sehaskatik irakatsi dizuten ezetz, ez garela gai. Ez digute hori dena sortzeko askatasunik utzi, tutore politikoek zuzendu zaituzte jaio zarenetik. Apaizek bazekiten, aspalditik, 7 urtetik aitzin irakatsitakoa inkoszienteki asumitzen duela gizakiak eta bizi osorako sustratuan geratzen dela. Ez bazara gai ezer sortzeko, menpekoa zara, era batean edo bestean, eta gobernagarria, eta besteren interesen arabera maneiagarria.