Petro presidenteak esandakoari buruzko hausnarketa
Duela gutxi, Gustavo Petro nire presidente miretsiak salatu egin du Venezuelak AEBko armadaren aldetik jasaten duen setioa. Bestalde, Venezuelaren kontrako setio hori amaitzeko trantsizio-gobernua behar dela ere esan du.
Baina, historian gertatutakoari erreparatzen badiogu, uste dut horrelako gauza bat egitea Estatu Batuen inperialismoak nahi duena egitea litzatekeela, mende bat baino gehiago baitarama AEBk, herrialde hartako oligarkiaren bidez, Venezuelako herritar guztien bizitza baldintzatzen.
Adibidez, 1908 — 1935 urteen bitartean gobernatu zuen diktaduran, Estatu Batuen txotxongiloa zen Gómez presidenteak Venezuelako petrolioaren % 92 AEBko transnazionalek eramatea ahalbidetu zuten. Geroago, Acción Democrática alderdi politikoa eta Carlos Andrés Pérez eta Luis Herrera Campins presidenteak Gómezen bide beretik joan ziren.
Chavismoa bakarrik saiatu da Venezuelaren baliabideek Venezuelako herriarengan onura zuzena eduki dezaten. Zirkunstantzia horrengatik, bere ekonomia itotzeko helburua duten era guztietako erasoak jasan ditu herrialdeak: 2017an zigorrak ezarri zitzaizkion, 2025ean % 25eko muga-zerga ezarri zitzaien Venezuelari petrolioa edo gasa erosten dioten herrialdeei, eta tarifa berriak jarri zizkioten Hego Amerikako herrialdeari.
Beraz, herrialdeek eurek nahi duten bezala antolatzeko autonomia errespetatzen ez den bitartean, ez diot zentzurik ikusten Venezuelan trantsizioko gobernua eskatzeari. Erabateko zentzua du, aldiz, AEBko gobernuari Venezuelako nazioa bakean uzteko eskatzeak.
Gora Abia Ialako herri guztiak, estatuak gainean !