Barau Astea 2024

Barau Astea 2024, uztailak 19-25, informazioa eta gonbidapena zabalik

Izena emateko epe goztiarra, uztailaren 7ra arte. Animatu Independenteko lagunekin eta Gune Irekiko lagunekin, aurten ere Bergarako Elosu auzoan.

3

Kote Camacho

Marrazkilaria eta zinegilea. Oiartzun / Orereta

Barau Astearen 2. edizioa antolatu da 2024ko uztailerako eta gonbidapena zabaldu berri zaio mundu guztiari izen-emate formulario honen bidez

GONBIDAPEN IREKIA

Burua argitzeko eta gorputzari zikinkeria ateratzen laguntzeko, pozik gonbidatzen zaitugu astebetez barau egitera gurekin batera, Independentea.eus egunkari libreko lagunekin eta Gune Irekiko lagunekin, berriz ere Bergarako Elosu auzoan, Barau Astearen bigarren edizio honetan, 2024ko uztailaren 19tik 25era egingo duguna ur hutsa edanez, gorputza eta burua garbituz, garbiketa eta argiketa prozesua elkarrekin partekatuz, modu autogestionatuan, euskara hutsean eta argi eta garbi konspiratuz. Astebetez telefonorik gabe, pantailarik gabe, farmakorik gabe eta bestelako drogarik gabe.

Eta baraua egiteagatik rollo-sekta-erlijiosoren bat ote garen beldur bazara, etorri zer garen ohartzeko, flipatuko duzu zure gorputzarekin barauaren prozesuarekin. Hemen elkartzen garenok danetatik gara, batetik anarkistak, artistak; bestetik, kristoren sasoian dauden kirolariak, eta urteko beste hilabeteetan proteinak eta karbohidratoak goraino hartuz dabiltzanak ere bai. Sendagileak, sikologoak eta denetatik. Adin guztietako saltsa. Urtean zehar bertso afaria, sagardotegi plana, zikiroa edo urdaiazpikoa labean antolatzen ditugun horiek gara, langile, dantzari eta festazale, bizizale eta parranderoak, urtean behin, baraua eginez konspiratzeko sinkronizatzen ditugunok astebeteko oporrak.

Interesatzen bazaizu, eman izena 40 plazak agortu aurretik.

NOIZ: 2024ko uztailaren 19tik 25era

NON: Bergarako Elosu auzoko elizaren kontra dagoen aterpetxean.

PRESTATZEA: Barau Prestatze-Dieta egin etorri baino aste bat lehenago.

IRISTEA: Uztailaren 19an, ostirala, goizeko 10:00etatik aurrera, baraurik.

HARRERA BILKURA: Uztailaren 19an 18:00etan. Proposamenak eta ardura banaketak. 

AUTOKUDEAKETA: Norberak du bere osasunaren ardura. Gure artean sikologoak eta sendagile profesionalak badaude ere, ez daude gure zerbitzurako, alderantziz baizik, osasunaren burujabetzearen alde laguntzeko. 

GUNE IREKIA: Larunbatetik asteazkenera parte hartzaileon proposamenez beteko da eguna, goiz eta arratsalde, Gune Irekiko Lagunen metodologia eraginkor eta bizigarriarekin. 

AGUR EGUNA: Uztailaren 25ean, osteguna, barautik elkarrekin ateratzeko agur otordua, etxerako bueltako bidea hartu aurretik.

GASTUAK: Barau asteko gastuak: 180 euro pertsonakouztailaren 7ra arte (hau barne) ordaindu beharrekoak. (Data horren ondoren ordainduz gero, 200 euro izango dira pertsonako.) Honekin estaltzen dira aste osoko gastuak, ohea, ura, komuna, tximinia gehi edozein momentutan barautik atera ahal izateko oinarrizko zuku/fruta/salda aukera garbia, behar duenarentzat. 

LO-ZAKUA: Norberak bere lo-zakua ekarri behar du.

Izena emateko bete ondorengo formularioa:

IZEN-EMATEA
• 2024 Barau Astea •
Uztailak 19-25 Elosu

Informazio gehiago:

– Baraurako Prestaketa Dietaz

– Euskarazko Barau Asteari buruz

– Gune Irekiari buruz

– Gune Irekiari buruz gehiago

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Barau Astea 2024, uztailak 19-25, informazioa eta gonbidapena zabalik” bidalketan

Utzi iruzkina

Azken artikuluak