Pase Berdea

Sumendiaren gainean dantzan

Pasaporte berde digitala eskuratuko genuke hiritar bakoitzak, non gure osasun-datu guztiak agertuko diren, ez bakarrik dagoeneko poltsiko gehienetan dabiltzan txertaketenak.

3

Juan Martin Elexpuru

Euskal idazlea eta filologoa. Bergara

Denok irentsi behar izaten ditugu teleberriak eta era guztietako txutxu-mutxuak, nor ez dago jakitun maiatzeko hauteskundeek eman zutenaz eta uztailekoek emango omen dutenaz, edo, kirolzalea ez izan arren, nork ez daki Alaves Lehen Mailara igo dela edo Tourra Bilbotik abiatu dela. Belen Estebanen begi-zuloak eta Pedrocheren soinekoak ikusi gabekoak ere, gutxi. Baina bada beste informazio mota bat, eta zenbaitentzat interesgarriagoa, Interneten indusketak egin ezean lortu ezin dena. Eta hori adierazpen askatasunaren eta prentsa librearen gizartean bizi garela. Indusketa horietan, beste batzuen artean, Adrian Zelaia agertzen zaigu sarri, informazio eta iritzi txit interesgarriak eskaintzen, atzerriko hedabideetan ia beti, non solaskide oso estimatua den. Hemengoetan nekez, ikusiezin bihurtu baita gureentzat, nahiz eta euskaraz ere jardun, kooperatiba mundutik etorri eta estremistatzat inork ezin jo. Azken batean sozialdemokrazia jator bat proposatzen ari da, egungo egoerara egokitua. Baina badirudi belarriko mina eragiten dietela askori haren iritziek.

Interneteko atari horien bidez hiztegi berri bat geureganatzen ari gara: Elite korporatiboakVanguard eta BlackRockBig PharmaGrand ResetDavos eta BilderbergBRICS eta herrialde emergenteak, eta abar. Alde batera utziko dugu azken hiru urtean askori obsesio bihurtu zaigun gaia, tabu izaten jarraitzen baitu. Baina ezin aipatu gabe utzi zenbait berri: OME Osasunaren Mundu Erakundeak eta Europako Batzordeak Osasun Txartel Berdea ezartzea adostu dute batasun guztian. Mundu osoan ezarri nahi dute, jakina. Europako Parlamentuan laster proposatuko omen da, eta ziur asko onartuko. Hala balitz, OMEren esku geratuko litzateke datozen pandemien gestioa. Eta etorri, etorriko omen dira, iturri onetik dakite. Aurrerantzean gobernuek ez lukete erabakimenik izango, denon hobe beharrez, jakina, koordinazioaren eta ongizate orokorraren izenean, noski. Pasaporte berde digitala eskuratuko genuke hiritar bakoitzak, non gure osasun-datu guztiak agertuko diren, ez bakarrik dagoeneko poltsiko gehienetan dabiltzan txertaketenak. Mihi gaiztoek diotenez, hau guztia pasaporte orokorrago baten lehen pausoa besterik ez litzateke izango. Bertan, besteak beste, gure CO2 isuriak agertuko lirateke, zenbat erregai fosil kontsumitu dugun eta dezakegun. Klima aldaketa gelditzeko, bistan da. Hori bideratzeko, diru guztia digitala izango da, diru fisikoa guztiz desagertuko da, gure transakzio guztien pista jarraitu ahal izango dute. Dena jakingo dute gutaz. Orwellek 1984 idatzi zuenean datarekin bakarrik egin zuen huts.

Frogatuta omen dago behien puzkerrek asko kutsatzen dutela, eta horregatik munduko abereak erdira jaitsi behar dira, abeltzainei galarazi egin behar zaie orain arte bezala ekoizten jarraitzea. Haragi artifiziala eta zomorroak dira etorkizuna. Oso gozoak omen dira ondo prestatu ezkero. Bill Gates eta enparauak lurralde zabalak erosten ari dira etorkizuneko elikagai horiei begira. Eta hegazkinen eta jet pribatuen CO2 isuriak aipatzea demagogia hutsa da.

Bitartean, nahiz eta honetaz ez den gure hedabideetan hitz egiten, badirudi iraultza geopolitiko bat abian dela. Mendebaldea orain arteko hegemonia galtzen ari da. Txina-Errusia ardatzaren inguruan ari dira biltzen munduko herrialde asko, Afrika, Asia eta Latinoamerikakoak batez ere. BRICS+ deitzen zaion fenomenoa. Honek ekar ditzakeen ondorioekin, Estatu Batuen kolonia bihurtzen ari den Europan bereziki. Ondorio ekonomiko larriak epe motzera edo erdira, baina baita militarrak ere. Uztailaren 11n eta 12an egingo da Vilniusen, Lituanian, NATOren goi-bilera. Auskalo zer irteten den hortik. Ukrainaren kontraofentsiba famatuak porrot egin ondoren, urduri dabil aliantza atlantikoa, eta nekez onartuko du burua makurtzea. Aditu gehienen ustez, NATO bete-betean sartzea da Mendebaldeak gerra irabazteko duen bide bakarra. Espero dezagun zentzuna nagusitzea, baina eskalada baten alde joko balute, hirugarren mundu gerraren atarian geundeke, eta nuklearra izango da, ziur, horrek denontzat izango dituen ondorioekin.

Gurean badirudi inor ez dela gogoratzen 1986ko erreferendumaz. Euskal Herrian boto emaileen %65ek bozkatu zuten NATOn jarraitzearen aurka. Iritziz aldatu ote dute hain sutsu jokatu zuten alderdi eta politikoek? Behintzat ez da manifestaldirik konbokatzen NATOren edo armak bidaltzearen kontra; eta ezta Gerraren aurka eta negoziazioaren alde edo horrelako lelo bigun eta ekidistanteen babespean ere, noiz eta milaka milioi ateratzen direnean gure poltsikoetatik armak erosteko eta alde bietako soldadu gizajoak heriotzara eramateko.

Kostaldeko gure lagun irudimentsu bati zera entzuten genion azkenaldiko zurrunbiloak hasi baino lehen: «Oraindik gure ilobak gerrara joaten ikusiko ditugu NATOren uniformearekin, eta ez dute jakingo ez nora, ez zergatik eta ez zertara doazen». Ea hurrengo ikusten dudanean «fantasma» deitzen diodan eta ez «profeta».

Osterantzean, dena ondo. Ekonomia motorra letxe doa, hoteletako erreserbak ia %100ean daude eta Realak Hamari Traoré defentsa fitxatu du.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Sumendiaren gainean dantzan” bidalketan

  1. Argi eta garbi. Mila esker hitz hauengatik, Juan Martin.

    OMErengandik entzuten dugu “…eta pandemiak, etorri, etorriko dira”. Amen. Jendeak irentsi egiten du, igandeetako sermoiarekin batera igandeetako sermoi osteko ostia, eta, zergatik ez, igandeetako errefortzu dosia, zizta, total, unetxo bat da eta ez du minik ematen. Bataio berria. Apaiz berriek – bata zuriaz gain – trajea eta korbata darabiltzate gaur egun. Eta jet pribatuan joaten dira beren bilera inportanteetara, prefosta.

    Batez besteko euskal ardi koitaduak ez dio antzeman oraindik, antza, pandemien konstrukto sozialari, eta hori konstrukto sozialak nonahi ikustera ohituta gaudenik. Marka da gero.

    Jakina etorriko direla pandemiak, “etorriko dizkigute”, nahikoa dute horretarako doministikuen pandemia deklaratzea. Edo mukiena edo puzkerrena.

    Eta otzen bazaizu esatea horrek osasun kontuekin zerikusirik ez duela eta bai, aldiz, depredazio ekonomiko eta politikoarekin, jada aspaldi samarretik datorkigun gizakiak egindako gizakiaren hertsatze eta azpiratzearekin, euskal artaldetik eskomulgatua izango zara, konspiranoikoa, konplotista, negazionista eta beste hainbat ezaugarri eder itsatsiko dizkizute.

    Baina hotelak topera beteta eta Tourra ikusiko dugu Tourmaleten eta Realaren azken fitxajea ona, bai, aupa gu.

  2. eSKERRIK ASKO Juan Martik informazio mamitsuengatik. Batik bat zirrara eragin dit Traoméren fitxajeak…

    OMSren TXARTEL “BERDEA”… eta horren esku geratzea laster etorri omen datorrn (edo erreskadan datozen) PLANDEMIA GUZTIAK… eta Mundu “Oreka” berrian, Europa EEUUen kolonia, laster NATOren uniformearekin III. Mundu Gerlara joateko prest… bitarteangure transakzioen eta CO2 kuoten kontrola… eta zomorroenelikadura… Bill Gates profeta erne zonorrotegiaoro erosten…
    Notizia freskoak, jendok oro ignoratzen ditugularik…
    Chomsky-k arrazoi: “kontsumitzaile ignoranteak baizik ez gaituk”.

    Eta oraingoak ere jokaldi beraren enegarren errepikapena ikusiko.

    OMEren jokaldi mertzenarioa Davosko Foroaren mirabe!

    OME izan baitzen (Eliteak subentzionatua, gogoratu), panikoa mundu mailan zabaldu zuena (zeinzale dugun elitea PANIKOA kudeatzen!), eta inokulazio-agindu unibertsala bedeinkatu zuen, Plizer eta atlantiar mafien sasi-txerto pozoitsua mundu osoa zabal zitezen (ez ahaztu Afrikan, otoi; eta ez ahaztu ume eta nerabe inokulatzeko gomendio unibertsala (gurasoakba besteko umeak sakrifikatu, zer axola umeak… eta zer axola jende ororen osasuna!

    Gauza zen Sputnik txerto errusiarra merkaturatu zela ustekabean… eta hori, jada auzi geoestrategiko bihurtu zen…
    eta OMEak orduan: merkatura bitez atlantiar txerto genikoak DAUDEN MODUAN, BEREHALAXE… dauden moduan, kasu, nahiz eta protokoloak betetzetik urruti egon… dauden moduan!

    Eta noski, horren ondorio hilgarrien erantzukizunik inortxok ere ez… Plizerrek sinatuta utzi zuen berak erantzukizunik ez hartzea, bere roduktu pozoitsuen truke bezala…

    Baina orain OME mertzenarioak askoz hobeto antolatu kontua: TXARTEL DIGITAL BERDEA hrrengo Plandemiarako, lengoa bezain sikut fulgur omen datorrena… galdetu bestela Bill Gates profetari…eta Black Rocki… eta enparauei

  3. Garai orotan izango ginen, baina orain zenbaitek uste baino ageriago: BLACK ROCK MERKATAL AGENTZIAREN ESKUETAN gare.

Utzi iruzkina, izen eta abizenez

Azken artikuluak