Erakusketa

Soriako ‘Sesenco’ erromatarren garaiko hilarria Bergaran

“Heriotzarako erromatar ohiturak Soriako Tierras Altas eskualdean. Euskararen aztarnak antzinako epigrafian” erakusketa ireki zen joan den astean Bergaran

Sesenco Bergaran

“Heriotzarako erromatar ohiturak Soriako Tierras Altas eskualdean. Euskararen aztarnak antzinako epigrafian” erakusketa. Argazkia: Bergarako Laboratorium Museoa

3
Juan Martin Elexpuru

Juan Martin Elexpuru

Euskal idazlea eta filologoa. Bergara

Bergarako Laboratorium Museoaren beheko solairuan jarri da erakusketa. Hemen euskeraz eta gazteleraz Museoak erakusketaz ematen duen informazioa. Sei hilarri ekarri dira Soriatik, eta horietako lauk badute euskarazko izenen bat. Xehetasun gehiago emango dugu hurrengo sarreretan, oraingoan berria zabaltzera mugatuko gara. Datozen Gabonak arte egongo da zabalik. Eduardo Alfaro arkeologo soriarra da erakusketaren komisarioa, eta bera izan da hilarri gehienak aurkitu eta ikertu dituena. Doktoretza tesia egina du gaiaz.

Antestius Sesenco –gaur “Zezentxo” esaten duguna– K.o. I eta II mendeen artean Sorian bizi zenaren hilarria.
Antestius Sesenco –gaur “Zezentxo” esaten duguna– K.o. I eta II mendeen artean Sorian bizi zenaren hilarria.

Momentuz, izurrite –edo izurramen– egoera dela eta, Bergararrek eta haren herri mugakideetako pertsonek bisitatu ahal izango dute bakarrik, berez. Hauexek dira: Antzuola, Oñati, Arrasate, Elorrio, Elgeta, Eibar, Soraluze, Elgoibar eta Azkoitia. Inaugurazio ekitaldian Eusko Jaurlaritzako Ondare Zuzendari Mikel Aizpuru, UNEDeko zuzendari Iñaki Esparza eta Bergarako alkate Gorka Artola izan ziren, besteak beste. Goienaren kronika. El Mirón de Soria. Ama Atan hilarri hauei buruzko zenbait iritzi eta hipotesi.

Erakusketaren kartela: Bergarako Laboratorium Museoa
Erakusketaren kartela: Bergarako Laboratorium Museoa

Erakusketaren ordutegia: Astelehen eta astearteetan itxita. Asteazken eta ostegunetan: 10:00-14:00. Ostiral eta larunbatetan: 10:00-14:00/16:00-19:00. Igandeetan: 10:00-13:00.

Juan Martin Elexpururen blogean argitaratuta estreinakoz.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

3 erantzun “Soriako ‘Sesenco’ erromatarren garaiko hilarria Bergaran” bidalketan

  1. Erromatarren garaian euskara presente zegoen Akitanian eta Sorian, eta horren froga fisikoak daude. Nola esan dezakete garai hartan Euskal Herriaren lurraldean bizi zirenak ez zirela euskaldunak (edo proto-euskaldunak behintzat)?

  2. Nahiz eta halako froga ugariak egon, euskalduntze berantiarraren teoria pila bat aldiz errepikatu da ETBko Vasconiaren historia programan, non Veleiako aurkikuntzaren kontra jotzen da lotsagabe. Gure nazioren kondaira faltsutua inposatu du Vocento taldeak, eta erakunde ofizialistak irentsi egiten dute egunero nahiz eta aberchaleen esku egon.

  3. *Soriako Toponimia pittin bat:
    -Sierra de KARKAÑA
    -Los ZARRANZANOS (aurreHªko. herrixka). Nafarroako Urraul bailaran: ZARRANKANOS
    -Los ZARRONES: Almazango danzanteak
    -GARRAI (Numanziaondoan)
    -Gallinero herritik, ikaragarrizko trafiko seinale: “Al Acebal de GARAGÜETA”. Dehesa de Gª., “castro” batekin, aritz eta pagoen artean.
    -UR-BI-ON
    -UXAMA (Osma). Nafarroako U(L)TZAMA bezalakoa
    …eta abar…

Utzi iruzkina

Azken artikuluak