Gure hizkuntza senda-bide ere izan dadin sortu den ekimen honen berri partekatzen dut:
Izaki talde baten ezinegonetik sortutako proiektu bat aurkezten dugu:
euskarazko senda kantarik ez dagoela konturatu ondoren, dagoeneko badirenak itzultzeko eta berriak sortzeko elkartzea erabaki genuen. Bide batez, badago abestiekin telegram kanal bat, guztiontzat zabalik dagoena.
Hemen duzue egindako lanaren lagin bat entzungai:
LURRA NERE GORPUTZA
Lurra nere gorputza
Ura nere odola
Airea nere arnasa
Sua nere arima
(Itzul. Goiztizar)
Gaur egun, familia kantaria hazten ari da, eta guztien laguntzarekin gai multzo ederra sortzen ari gara. Hori dela eta, abenduaren 30ean, larunbata, 16:00etatik 20:00etara Astran (Gernika) izango den topaketara gonbidatzen zaitugu.
Maila, ahots eta adin guztiak ongi etorriak dira, zirkuluan abestean sortzen den energiarekin gozatzea da kontua.
Infusio beroa eta iturburuko ura egongo dira, eta hala nahi baduzu, jakiren bat ekar dezakezu kantuen artean partekatzeko (ekarri zure katilua edo edalontzia).
Informazio gehiago: 635759580
Telegram: Eguzkilorek Senda Kantak
Eskerrak Irati. Eskerrak Eguzkilore.
Primeran ibili ginen atzo Gernikan alkarregazko kantuan,
luzatuz doazen egunok ospatzen,
barrua alkarregaz pizten.
Kantuok hemen ere iminten ari gara,
smartphonik gabe ere irisgarri eta deskargatzeko moduan:
https://drive.google.com/drive/folders/1WErfa9yWO6bQzxm0t7n623gbYLqdw8ZZ?usp=drive_link
Barrutik sortzen jatzuzen kantuak konpartitu ditzakezu zeuk be, hementxe, iruzkinotan, esaterako.
Datorren uda bukaeran ortzadarzaleok Euskal Herrian izango ei dogu hilberritik hilberrira arteko basoko topagunea. Eta orduan euskarazko kantuok mundu osora ohiartzunduko doguz, bai ote?
Dana berez-berez kiribiltzen ari ote?
Polito hasi egun barria eta urte barria!