Santurtziko erizainaren alde

Egunotan erizain bati zazpi urte eta erdiko kartzela zigorra eskatzen ari dira, plandemia garaian 404 umeri txerto genetikoa eman beharrean sueroa eman zielako, RNA sintetikodun substantzia hori sueroarekin ordezkatuta, ustez. Osakidetzak eta Erizaintza Elkargoak zigor berdina eskatzen dute, eta guraso talde batek 20 urteraino igotzen du kartzela zigor eskaera. Astakeria horien aurrean, laguntza gisa, datu batzuk ematera nator.

Modernaren txerto genetikoa galarazita dago Suedian 31 urtez azpikoentzat, bihotzeko arazo ugariak ikusita, perikarditis eta miokartisak gehienbat. Bertan egindako ikerketa batek erakutsi zuen arriskua Pfizer txertoarekin baino 13 aldiz handiagoa zela, nahiz eta horrek ez duen esan nahi Pfizerrena arriskurik gabekoa denik.

Karina Acevedo-Whitehouse ikertzailearen Efectos adversos liburuan, erizainaren abokatuek argudio zientifiko ugari aurkituko dituzte idazleak berak txerto genetiko gisa izendatzen dituenen arriskuak azaltzeko eta arrazoitzeko. Agian, guraso salatzaile horiek liburua irakurriko eta ulertuko balute, zigorra eskatu beharrean eskerrak eman beharko lizkiokete erizainari, haien seme-alabei egin dien faboreagatik.

Liburua mardula da eta erreferentzia zientifiko asko ditu, baina, laburtzegatik, “txerto” genetiko horien fisiopatologia bideak izendatuko ditut, haien albo-ondorioak azaltzeko eta haien osagaiek gure osasunaren kalterako nola funtzionatzen duten erakusteko:

• RNAm sintetikoa: hantura edo inflamazio sistemikoa, mikro RNAren aldaketak, DNA kateen txertaketa eta, beraz, gure genomaren aldakuntza, erribosomen egituraren aldaketa, minbiziak.
• ADV (adenobirus bektoreak): alergiak, tumoreen sorkuntza, koagulazio ur-jauziaren eragina, tronbozitopenia tronbotikoa.
• Spike proteina: Renina-Aldosterona-Angiotensina (RAA) ardatzaren desregulazioa, endotelioaren inflamazioa, ugalketa zikloen aldaketak, autoimmunitatea giza-proteinen antzekotasunengatik, koagulazioaren gaineko eragina, estrogeno hartzaileekin bateratzea hilekoan aldaketak eraginez.
• Polisorbato 80: hipersentsibilitatea, alergiak eta anafilaxia.
• Giza-proteina zelularrak (kutsatzaileak): autoimmunitate arrisku handia, nerbio eta ugalketa sistemak kaltetuz.
• Bi kateko RNA (kutsatzailea): inflamazio iraunkorra eta autoimmunitate arriskua.
• SV40 eragilea plasmidoetan (kutsatzailea): nukleoan txertatzeko arriskua, kromosomen egonkortasuna galtzeko arriskua, minbizien eragilea.

Hori guztia “txerto” genetiko horiek sor ditzaketen kalteen laburpen bat besterik ez da. Kalte horien zerrendan, izenburu nagusiak hauek dira: arazo kardiobaskularrak, koagulopatiak, arazo neurologikoak, ugalketa arazoak, autoinflamazio eta autoimmunitate gaixotasunak, infekzioetarako joera, disbiosiak eta turbo-minbiziak.

diru gosea nola izan den kapaz edozein azterketa zientifikoren gainetik pasatzeko

Biologia ikasi dugunontzat, Karina Acevedo-Whitehouseren liburua irakurtzeak ikara sortzen du; niri behintzat bai. Farmazeutiken diru-irabazi gosea nola izan den kapaz edozein azterketa zientifikoren gainetik pasatzeko. Hori ere galdetzen du autoreak, benetako aditua bera, eta ez hedabideetan agertu zaizkigun mertzenarioak. Lotsatu egiten nau Osakidetzaren eta Erizaintza Elkargoaren jokaerak; suposatzen da, azken urteetan gertatutakoaren berri izanda, ez luketela salaketarik aurkeztu ere egin behar, edo ez, bederen, ebidentzia zientifikoaren izenean.

Bide batez, Karina Acevedo-Whitehouse zuzenean ikusi nahi baduzue, Médicos por la verdad elkarteak Galizian egingo duen biltzarrean egongo da eta han izango duzue aukera, urriaren 17tik 19ra.

Besarkada handi bat Santurtziko erizainari. Zuk bai bete duzula Primum non nocere agindu Hipokratikoa, eta ez zure agintariek.