Rosa Oteiza Armona, Iruñean 1883ko abuztuaren 13an jaioa eta 1970eko urriaren 17an hila, nafar emagina izan zen eta ezaguna da, batez ere, Nafarroako Foruen monumentuko irudiaren modeloa izan zelako.
Iragan abenduaren 3an, Nafarroaren eta Euskararen Egunean, Iruñean haren omenez kantaturiko koplak dira hauek:
Rosa Oteiza – Foruen monumentua
1
Foruen monumentua
historiaren hegia
badakigu zeinena den
emakume aurpegia
2
Mende ta laurden luzean
ez zaituzte inauguratu
Rosarekin duzun zorra
ez duzulako kitatu
3
Ezkondu gabeko amek
jasan zenuten ehiza
haien eredu bihurtu
zara orain Rosa Oteiza
4
Nafarroak eutsi zion
bere foru zaharren jabe
baina zu gelditu zinen
zure hiru semerik gabe
5
Jaiotza-kateak eskutan
mintzatu zara ixilik
ez duzu bazter utziko
erkin dagoen sabelik
6
Foruen goresmena zen
hasieran zenuen nahia
orain aise urrunago
doa zure esanahia
7
Foruen monumentua
brontzezko eskultura
orain hartu behar duzu
emakumeen ardura
8
Orain erditu baituzu
lehen erditu ezina
zure seme-alabak gara
iruindarren emagina
Zoritxarrez hizkuntza kolonialean:
https://www.alasbarricadas.org/forums/viewtopic.php?t=8583
Eskerrik asko Mikel entzuteko eta ikasteko aukera honengatik!
Makina bat aldiz pasa gara monumentu horren azpitik, zenbat manifa eta ekitaldi…
“orain aise urrunago
doa zure esanahia”