DEBEKATUTAKO MEDIKUNTZA

Medikamentuak ezik, arreta eta maitasuna behar zituzten

Kübler Rossen helburua gaixoei beraien kezka eta sentipen intimoak adierazteko eskubidea itzultzea zen, horiek debekatzen zien ukazio profesionalaren hesia apurtuz.

0

Karmelo Bizkarra

Medikua. Higienismoa, baraua. Medikuntza integratibo eta humanistikoa. Donostia

Dena den, bere ospe berantiarra gorabehera, Kübler Rossek hasieratik izan zituen oztopoak. Suitzan jaio zen, maila erdi-altuko familia baten, baina ez zuen ikasketetarako aitaren babesik jaso. Zortzi urte baino ez zituenean, mediku izan nahi zuela esan zion aitari, baina hark erantzun zion idazkari edo neskame izan zitekeela, baina inoiz ez zuela medikuntza ikasiko. 16 urterekin egin zuen alde etxetik, ikasketak amaitu zituen eta Manhattango Estatu Ospitalean hasi zuen praktikaldia. Bertan ehundaka buruko gaixo oso larri zegoen, makilaz jotzen zituztenak, elektroshocka ezarri eta LSD eta meskalinarekin esperimentuetarako erabili. Kübler Rossek praktikak gizatiartzea lortu zuen, gaixoei gizakiei zegokien tratua emanez. “Medikamentuak ezik, arreta eta maitasuna behar zituzten”.

“Nire helburua gaixoei beraien ardura eta sentipen intimoenak adieraztea debekatzen zien profesionalen ezezkotasunaren hesia apurtzea zen”. 30 urteko ikerketetan, heriotzaren atarian egondako 20.000 esperientzia-kasu bildu zituen: bai gaixo terminalena eta bai klinikoki hil ondoren, ospitaleetako larrialdi geletan suspertu zituztenenak ere. Horregatik, bere eginbidea onartu ezin zuten medikuek, ironiaz eta destainaz, “heriotzaren andrea” izena eman zioten.

Ezerk ez zuen geldiarazi, ez kritikak, ez arbuioak, ezta, inork nahi ez zituen hiesdun umeak adoptatzeko asmoa agertu zuenean, bere Virginiako etxeari eman zioten suak ere. Suteak dena erre zuen: liburutegia, egindako ikerketen mediku-historiak, amerikar indioen bere arte bilduma, baita animaliak ere. Berriz ere, ezagutzen ez denaren aurkako errefusa.

Independenteko lantaldeak itzulitako pasartea,

“La medicina proscrita” liburukoa.


Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

Honen harira

Utzi iruzkina, izen eta abizenez

Azken artikuluak