Koroa Biluzik

Koronabirusaren antzezlanak jarraitzen du

Zergatik murriztu behar da gizartearen askatasuna osasun-arazo bati aurre egiteko? Ez al zaie administrazioei eta politikariei ordaintzen herritarroi arazoak konpon diezazkiguten?

7

Jon Ander Etxebarria Garate

Euskadiko Biologoen Elkargoko Dekanoa. Bilbo

Koronabirusaren krisia. Antzezlanak jarraitzen du.

Eusko Jaurlaritzak zertxobait zurrundu ditu aurretik abian genituen neurri murriztaileak, eta herritarren bi sektore argi zigortzen jarraitzen du: gazteak, eta ostalaritzako eta sukaldaritzako sektorea. Denok dakigu birusa oso parrandazalea dela eta aisialdia eta gaua gustuko dituela, baina, aitzitik, garraiobideetako eta lantokietako masifikaziotik ihes egiten duela. Zer egingo diogu, bada, birus hau hain apetatsu atera bazaigu!

Eta hona hemen zer galdera egin diezaioke nork bere buruari: zergatik prestatu du Eusko Jaurlaritzak hizpide dugun agertoki hau, haren kezka EAEko herritarrak direla ulertarazi nahian? Egin al dute datuek izugarri gora, martxoan eta apirilean bezala? Ba al dute ZIUetako ehunekoek eta hildakoen kopuruak martxoko eta apirileko datuen antza?

Errealitatea bestelakoa da, ordea. Datuek (haien datuek, koronabirusaren jarraipen epidemiologikoko orrialdeetatik aterata baitaude) ez dute berresten berragertzerik egon denik, ezta alarma-egoera bat denik ere, inondik inora.

Beste zerbait gertatu da, egiatan. Eusko Jaurlaritzak (gainerako autonomia-erkidegoetan bezala, pentsatzen dut) PCR proben kopurua handitu du, eta, horrenbestez, kontuan izanik horrelako probek positiboa eman dezaketela udazkeneko hotzerien eta katarroen edozein koronabirusekin (are gehiago gertatu ohi diren eguraldi-aldaketak gertatuta), eta kontuan izanik, halaber, gripearen lehen kasuak sortu direla, normala da positiboen ehunekoa apur bat handiagotzea baldintza horietan. Alabaina, datuei erreparatzen badiegu, eta grafikoa ikusirik, igoera horren batez besteko balioa % 6,24 baino ez da, eta gehieneko balioa, aldiz, % 7,74 da, erreferentzia % 5 dela aintzakotzat harturik. Hartara, jakinda irailaren lehen asteko batezbestekoa % 7,21 eta gehienekoa % 8,44 izan zirela, ez da ulertzen zergatik Eusko Jaurlaritzak ez zuen erabaki hori irail hasieran hartu, eta orain bai.

Orobat, bitxia da urriaren hasieratik 9ra arte 8.710 proba egin izana batez bestez, eta azken astean, berriz, 9.651 proba; hau da, ia % 11 gehiago.

PCR proben kopurua eta positiboen ehunekoa. Urriaren 17ra arteko datuak.

Nire aburuz, test gehiago egin nahi izateko azken oldarrarekin lotuta egon daiteke hori, laguntzen banaketari begira. Eta, bestalde, gripearen txertoa jartzen hasteko lehenbiziko astea dugu hau; azken batean, beldurraren bidez baldintzatzen jarraitzeko modu bat da, jendeak txertoa ipin dezan bestela baino neurri handiago batean. Finean, OMEren helburua biztanleen % 70ek gripearen kontrako txertoa jartzea da, eta, horretarako, erakunde horrek esaten digu ez dela zientifikoki aproposa, haren ustez, talde-immunitatea modu natural batean lortzea. Zera esaten digu, ordea, txertoa jarri beharra dagoela. Baina jendeak jakin behar du biztanleriak era artifizial batean immunitatea lortzen duela txertoak jarriz, ez era natural batean, eta, hartara, farmakopea ezein modutan erabiltzeak eragin ditzakeen albo-ondorioak dituela.

Grafikoetan jasotzen baditugu ZIUetako okupazioa, hildakoak, eta ZIUetako oheen erabilera-ehunekoa, ondoriozko kurbek ez dute martxoan eta apirilean gertatutakoarekin zerikusia. Aldiz, ZIUetako oheen erabilera-ehunekoa eta Eusko Jaurlaritzak (% 35) zein Osasun Ministerioak (% 25) finkatutako langak alderatzen baditugu, ikusten da, era berean, nabarmen gainditu zirela martxoan eta apirilean. Gaur egun, aitzitik, urriko batezbestekoa % 24,06 da, eta, hortaz, ez da Osasun Ministerioaren langa gainditu, ezta Eusko Jaurlaritzarena ere. Azken asteko ehunekoa, gainera, % 23,24 da.

ZIUetako okupazioa. Urriaren 17ra arteko datuak.

Datu horiek ikusita, nire buruari hauxe galdetzen diot: zergatik murriztu behar da gizartearen askatasuna osasun-arazo bati aurre egiteko? Batik bat jakinik giza baliabide eta baliabide material gehiagorekin konpondu behar dela, nahi edo ez nahi. Haien irizpidea ZIUak beteko ote diren beldurra bada, ez al litzateke logikoa izango osasungintza pribatuko ospitaleak prestatzen hastea, ZIUetako ohe-kopuru osoa handitzeko? Hala balitz, gainera, ratioak are txikiagoak izango lirateke, eta herritarrek neurriak hartu behar izatea saihestuko litzateke. Ez al zaie administrazioei eta politikariei ordaintzen herritarroi arazoak konpon diezazkiguten, sektore jakin batzuei bereziki arazoak dakarzkieten neurriak aplikatu beharrean?

ZIUak eta hildakoak. Urriaren 17ra arteko datuak.
ZIUak eta hildakoak. Urriaren 17ra arteko datuak.

7 erantzun “Koronabirusaren antzezlanak jarraitzen du” bidalketan

  1. Ñabardura txiki bat: kaltetuenen artean ez al dira haurrak izendatu behar? Edo geure arteko zaharrenak? Nik izu begirada antzematen diet kalean dabiltzanei eta ikusi nahi nuke ze egoera animikoan, etxetik atera gabe, dauden zahar edo adineko horiek. On egingo lieke ibiltzera, airea hartzera eta eguzki apurraz probextera irtengo balira kalera eta denek nork zaindu izango balute.
    Pornofarmakopeaz beste batean hitzegin genezake.

  2. “Nik izu begirada antzematen diet kalean dabiltzanei…” ba bai Gorka, nik ere horrela ikusten ditut, kopet ilun eta jende gehienak musokoan gainetik begi tartea zimurtua… gehienetan.

    Okerrena, Arartekoa “desarmatuta” eta epaitegietan Titaniken antzera atzera martxa forzatzen (Iruñako fiskal batek 14 hilabete eta Donostiko beste batek 15 musukoa kalean ez eramatea gaitik) gure bakardade istituzionala izanik gero eta handiagoa.

    Bestetik, beroien zapalkuntza eta autoritarismoa handitzen doala, bai polizialki, bai dekretu berrien aldetik, bai sortutako mamu berrien gaitik: “autoridad sanitaria” eta “autoridad educativa”….tartean, kaltetuenak humeek…eta kalera atera nahi ez duten edo ezin duten zaharrak.

    Dudarik gabe proiektu kriminala baita, eta Espanian burutzen eta aurrera eramaten ari direnak “ezker” indarrak dira. Beti mobida handi baten atarian PSOE (Otsoak) aupatu dute aginterako…baina oraingo honetan, beti bezela eskubia naiz ixilik egon…bai Espainian eta EEUUan eskubi muturrekoak (Abascal eta Trump…Oilarrak) zimor azpian Otsoak (Biden eta Sanchez) gordeta dituzten Plandemian programak eta loturak…argitaratu nahian dabiltzaten bakarrak dira.

    Zuhaitz nahasi eta korapiltzu honen adarretatik atera eta enborrera jeitsi behar gera eta hor jarri begirada eta bota indarrak. Bere sustraietara (OMS) jada jo dute Alemania eta Californiako abogatu talde batek…hemen gauza bera egin behar enborra erasotuaz (aipatutako autoritateak) eta ez adar tartean indarrak galduaz.

    Ondo izan Gorka eta Kote…eta milesker Ander. Barkatu akatsak

  3. Bada beste datu bat arreta eman didana bigarren olatu honetan. Badirudi eragin handiagoa izan duela lehen olatuak gutxi jotako lurraldeetan, eta txikiagoa, berriz, lehen olatuak latz kolpatu zituenetan. Gipuzkoako eta Arabako kasuak alderatzea besterik ez dago, edota Madrilen, tabernak itxi gabe, izaten ari den eboluzio positiboa, EAE eta Nafarroakoa baino askoz hobea.

    Hori ikusirik, errezeloa daukat ez ote den azkarrago iritsiko gurera talde-inmunitatea bakuna bera baino; hau da, txertoa jadanik behar ez dugunean iritsiko dela. Zer egingo dute horretan inbertitutako miloikadarekin?

  4. “Zer egingo dute horretan inbertitutako miloikadekin?” diok ba… 2.009ko urtean egin zuten gauza bera… bere zimortegi istituzionaletik herritarren ZABORTEGIRA.

    Udaberrian lortu zuten, bataz bezteko 10 urtetako udaberrietan baino %70 hildako gehiago. Udan %12 gehiago. Udazkenean %17 gehiago.. baina PCR txorimaloakin lortu zuten psikosia mantentzea.

    Orain, psikosia mantentzeko, larri ikusten dira, zeren PCRak utziz gero, naiz eta beroiek musukoen kalte eragin handiagoa espero, gripean erreleboa atzeratzen ari da (dena Covid saku berean sartzeko), eta txorimalo berri bat asmatu beharrean daude….

    Penagarrikeria benetan, komunika bideetan ahotsa daukatenak hain mutututa egotea… jendea orokorrean mututa… hemen ere bai.

    Ondo izan lagun eta milesker iruzkinagatik.

  5. Pandemietako historiak ikusita udaberrirako 3. olatua bukatuko da eta ordurako artalde inmunitatea lor daiteke naturalki. Horren aurretik txertoen “beharra” saldu nahi da negozioa osasunaren gainetik jarrita. Datuen kudeaketa iluna eta interesatua boteredunen alde aurkitzen da eta psikosiarekin mantenduko da farmaziako etekinak burutu arte.

  6. Antzezlana, bai, baina txarrenekoa! Orain arreta eguberrietarako araudiarekin daude burumakur gure agintariak: 6 edo 10 pertsona gehienez afaltzeko mahaian, adingabeak kontuan hartu gabe edo ez, udalerritik irten ahal izango garen ala ez, eta abar.
    Benetan barregarria eta erridikulua. Zelako maila!
    Tratatzen gaituzte ume txikiak bezala. Estatu Espainolean ez omen dago herritar librerik, guztiok gara subdito adingabeak eta irresponsableak.
    Demokrazia hitza oso handi geratzen zaie han eta hemengo politikari eta komunikabide guztiei (eta azpimarratzen dut: guztiei).

Utzi iruzkina

Azken artikuluak