Bertsoak

Katuari laguntzen arratoia

Orain jarri digute EITBn maratoia, ikertu ezazue zein den hor gidoia. Berriak zabaltzeko euskaraz Berria, zer jarrera hartu duzun ez da hain berria. Ezker abertzalea neurri gogorrak, orain gu ez baikara lehen bezain jatorrak. Bukaezina baita sumisoen zerrenda, segi zazue, segi, zuen bide senda; guk jarraituko dugu geronen agenda.

7

Mikel Alzuart Zaldain 'Dutari'

Abeltzaina. Arizkun

Bi mila hogeia omen da
urte berezia,
birus batek irauli
egin du guzia.
Nora zuzendu zure
galderen gezia?
Nork du galera eta
nork irabazia?
Bi hitzetan erranda
hori da auzia.

Baina Euskal Herrian
zer dugu nagusi?
Hipokresia frango
nun nahi dut ikusi.
“Zientziaz” mintzo direnak
gaur ez dira gutxi,
beldurra sortzeari
nahi diote eutsi,
gure osasuna ezin
digute ebatsi.

Munduan agintzeko
den erabakia,
gizatasun osoa
kolpez ebakia.
Gure osasuna omen da
norbaiten jakia,
zuk ere ez al duzu
erruan zatia?
Norendako ari zara
Euskadi Irratia?

Orain jarri digute
EITBn maratoia,
horren alde jarri da
kriston pelotoia.
Herritarren dirua
biltzeko arrazoia,
katuari laguntzen
dabil arratoia,
ikertu ezazue
zein den hor gidoia.

Kultur ahotsak dio
ez negarrik egin.
Kirolariek berriz,
beldurra ekidin.
Neurri denak bete
zuhurtziarekin.
Zuen negarra zer den
nahiko nuke jakin.
Hori konpontzen al da
txertaketarekin?

Berriak zabaltzeko
euskaraz Berria,
zer jarrera hartu duzun
ez da hain berria.
Horrenbertze aditu
ikaragarria.
Haientzat beti dago
nahi duten orria,
ta herritarrendako
non duzu gerria?

Ezker abertzalea
neurri gogorrak.
Orain gu ez baikara
lehen bezain jatorrak.
Begirik gabe ibiltzen
dakite satorrak.
Sortzen ari direnak
bai zulo kozkorrak.
Ordainduko al dituzu
gero horren zorrak?

Bukaezina baita
sumisoen zerrenda,
kritika egitea
gaur hemen errenda.
Segi zazue, segi
zuen bide senda.
Txertoak ezin baitu
zuen gaitza senda.
Guk jarraituko dugu
geronen agenda.

Nahi baduzu, Independenteak aurrera egin dezan lagundu dezakezu. Idatziz, itzuliz, janariz, irudigintzan, bideogintzan, bertsotan, diseinuan, informatikan, psikologia klinikoan, abokatutzan edo diruz ere bai. Ziberjazarpenari aurre! INDEPENDENTEA LAGUNDU >

7 erantzun “Katuari laguntzen arratoia” bidalketan

Utzi iruzkina, izen eta abizenez

Azken artikuluak