Eusko Jaurlaritzak ezarritako neurriak ulertu nahian, pertsonen bizitzetan izugarrizko eragina dutelako, eta jendartearen parte izanik, osasun administrazioari, Eusko Jaurlaritzari eta Parlamentuan dauden alderdi politikoei ondoko galdera hauek aurkezten dizkiegu, erantzun ditzaten:
Datu orokorrak
- 2018 eta 2019 urteetan, zein izan zen urte osoan zehar pneumonia erresistenteen eta gripeagatik ospitaleratu, UCI-ZIU eta hildakoen bilakaera?
- 2020 honetan, zein izan da urtean zehar pneumonia erresistenteen, gripe eta COVID-gatik ospitaleratu, UCI-ZIU eta hildakoen bilakaera?
- Emango al zenituzkete 2018, 2019 eta 2020 urteetako gripearen birusaren eta pneumonia erresistenteen, eta 2020ko covid gaitzaren hilkortasun datuak?
- 2018, 2019 eta 2020 urteetan hil diren pertsonetatik % zenbatek jaso zuen gripearen txertoa?
Ospitaleak
- Zein izan da ospitaleen ohe arrunt eta ZIU oheen okupazioaren bilakaera 2018, 2019 eta 2020. urteetan?
- Covid gaitzaren sintomatologia ez den bestelako baten ondorioz ospitaleratuen artean, zergatik luzatzen da batzuen egonaldia PCR testagatik soilik?
- Dena delako patologia, min edo gaitzagatik ospitalera joan direnetatik, zenbat zenbatu dira Covid gaixo bezala, soil soilik PCR testean positibo emateagatik.
- Beharrezkoa balitz, osasungintza pribatuaren zenbat ZIU ohe leudeke erabilgarri?
Testak
- 2018, 2019, eta 2020 urteetan zehar zein izan da gripea atzemateko test kopuruen bilakaera?
- 2020 honetan zehar, zein izan da egindako PCR test kopuruen bilakaera?
- Gripearen andui (“cepa”) desberdinen zenbat test edo froga egiten ari dira?
- 2020 honetan zehar, zeintzuk izan dira positiboen kopuruen eta egindako PCR testekiko positibo hauen %-aren bilakaerak?
- Zein izan da PCR positibo kopuruaren asintomatikoen %-aren bilakaera?
- Zein izan da asintomatiko positiboen eboluzioa positibo eman eta hiru egun geroago? Hauetako zenbatek garatu du gaixotasuna?
- Zenbat ziklo erabili dira PCR testetan?
- Egia al da PCR test hauetako batzuen argibide orrietan, beste koronabirus batzuengatik ere positibo eman daitekeela jasotzen dela?
- Antigenoen testak egiten zaizkien pertsonei, zein portzentaian egiten zaizkie baita ere antigorputzen frogak?
- Antigenoen testean positibo eman dutenen artean, zenbat eta ehuneko zenbat izan dira asintomatikoak?
- Kutsatu kopuruen eboluzioaren jarraipen zentzudunagoa egin ahal izateko, egiten diren PCR frogen kantitatea aldakorra izanik, zergatik ez dira positiboen datuak erreferentzia balore baten arabera bateratzen?
- Gaixotasuna garatzen ez duten asintomatikoak aintzat hartuz, ez litzateke faktore zuzentzaile bat erabili behar?
Zaharren egoitzak
- Zahar-egoitzetan 2018, 2019 eta 2020 urteetan zenbat pertsona hil dira gripeagatik? Zenbat 2020an COVID-gatik?
- Zahar-egoitzetan hil diren pertsonetatik, zenbatek jaso zuen gripearen txertoa?
- COVID-en ondorioz hil direnetatik, zenbatek jaso zuen gripearen txertoa?
- Benetan jakiteko ea COVID-engatik edo COVID-ekin izan den, hil diren hauetako zenbati egin zaio autopsia?
- Zahar-egoitzetan dauden egoiliarretatik ehuneko zenbatek jaso du gripearen txertoa urtez urte?
‘Kutsatze’ kasuak
- Konfinamenduen protokolo berrien arabera 10 eguneko epeak ezarri badira, zergatik erabiltzen da oraindik 14 eguneko epea adierazle metatua kalkulatzeko?
- Argitaratu al ditzakezue maskaren erabilerari buruz, bai birusarengandik eskaintzen duten babesa, bai erabileragatik sor litezkeen arazoak aztertuz, egindako azterlanak?
- Argitaratu al ditzakezue, aisialdian, garraioan edo lanean ematen diren ‘kutsatze’ kasuak zeintzuk izan diren jakiteko, egindako azterlanak?
- Argitaratu al ditzakezue, egunaren ordu tarteen arabera birusaren kutsakortasunaren mailari buruz egindako azterlanak?
Galdera hauei erantzunez gardentasuna izango genuke, eta informazio nahikoa herritarrek jakin dezaten, aurreko urteekin alderatuta, zein den pandemiaren benetako egoera. Bestetik, herritarrek ikusi ahalko lukete, aurreko urteetako gripe epidemiekin alderatuta, birus honen benetako hilkortasuna zein den. Erantzun argiekin herritarrek ulertu ahalko lukete, hartzen ari diren neurri sozioekonomikoak hartzeko arrazoirik dagoen ala ez. Pedagogia egiteko modurik onena litzateke, ezarritako neurriak ulertzeko. Eta baita ere, zergatik ez, gizarteak behar-beharrezkoa duen eztabaida zintzoari ekiteko aurrerapauso bikaina.
Noizko galdera hauen eta beste batzuen inguruko debate publikoa? Zergatik ez? Zertarako erabiltzen da debate falta, konspiranoikoak eta fatxak zokoratzeko? Erantzun dezatela komunikabide, politikari zein zientzilariek
Eskerrik asko, Jon Ander. Neurri drakonianoen kontraesanentzako argibideak eskatzen ditugunok metodo zientifikoaren galdera zehatz hauen beharrean gaude. Telea itzaltzen dugunean ez baitugu ikusten gure inguruan “neurrien” onura, maltzurkeria, diktadura, eta ezarpena baino. Segi laguntzen, mesedez
Egia esan, hartu diren neurri gehienek ez dute inolako oinarri zientifikorik. Horregatik, agintariek ez dute informaziorik ematen.
Adibidez, ez dago inolako arrazoirik aire librean edota kalean maskara une oro eramateko, eta hori oso ondo dakite.
Jakin badakite arrisku-biztanleria zein den zehatz-mehatz, baina horiei babes neurri bereziak ezarri ordez nahiago dute biztanleria osoari neurri bidegabeak ezartzea.
Haurrei eta gazteei bizitza izorratzen ari zaizkie neurri murriztatzaileekin baina ez dute egin inolako azterketarik haiengan sortuko duten ondorio negatiboei buruz.
Eta horrela dena, erabaki oso larriak hartzen dituzte baina atzean ez dago ez oinarri zientifikorik ezta etekin eta minen inolako ebaluaziorik ere.
Bururik gabeko oilaskoak bezala dabiltzalako sentzasioa gero eta handiagoa da.
Argi dago ez direla inolako eztabaidan sartuko. Nazioartean instantzia ultra-globalizatzaileek ezarritako eta agindutako plana dute eta azkeneraino eramango dute. Desinformazio masibo komunikabideek gainerakoa egiten dute botere dagoena bere ideiak sortzeko esatea komeni zaiona esatera mugatzen dira, ideia horiek baitira toleratzen eta zabaltzen diren bakarrak.
Bertsio ofizialaren zalantzan jartzen duena gaitzetsia, laidotua, akusatua eta jazarria izango da.
Diktadura bihurtutako erregimen totalitario honek ez du inorrekin hitz egiteko inolako interesik. Kanoiak eta herria mehatxatzea besterik ez du ulertzen oraindik gordetzen genituen kuota apurrak usurpatzeko.
Herri gisa berregiten dugu harrapari horiei aurre egiteko gure botera zabalduz edo gizatasun eta askatasun arrastorik ere ez da geratuko etorkizun hurbilean.
Debatea ez dute nahi ez daukatelako argudiorik. Fartsa honek ez dauka nondik hartu
Lo gaude.
Telebistek eta egunkariek ondo egin dute euren lana. Iritzi sortzaileak dira eta guk amua irentsi diegu. Zenbaki lodiak bota eta mundua beldurtzea lortu dute. Erruaren zati handi bat eurena da, baina beste zati handi bat geurea.
Non dago iritzi kritikoa? Batez ere gazteona… Inoiz baino ikasketa gehiagokoak, informazioaren aroan, iturri bakarretik edaten eta informazioa kontrastatzen lan izpirik egin gabe.
Jakin banekien alderdi politikoekiko menpekotasuna genuela, baina ez nuen uste horrenbesterainokoa zenik. Alderdi guztiak alde berean kokatu dira, baina jendeari hausnarketarako galdera bat luzatu nioke: Defendatzen dudan alderdia bertsio ofizialaren aurka jarri izan balitz, orain pentsatzen dudan berdina pentsatuko al nuke? Ziurrenik ez.
Berezko Estaturik gabeko den herri bat itsas zabaleko kortxo flotatzaile bat bezalakoa da. Elementu inbaditzaileen noraezean eta dependientea prozesu luzeago edo laburrago batean galduz doazenak. 1620an gure estatalitea behin betiko galdu genuenetik -aurten 400 urte bete dira zorigaiztoko garai hartatik- herri honetatik kanpoko kultura politikoen inbasioak erabat eraldatu du gure interpretazio eta jarduera-gaitasuna politikari dagokionez.
Munduaren harridura izan da gure praktika politikoan horizontaltasuna modu batean jakin izana baina goreneko berezko erakunderik ez izateagatik asimilatuak izatera pasa gara eta askatasunaren erritmo eta tempoak markatzen zituen horizontaltasun hori alde batera utziz bertikaltasunera erortzeko herri honetako talde totalitarioen eskutik.
Totalitario horiek aspalditik besarkatzen dute inperialismoa, oinarria eta sustengoa ematen baitie beren delitu-obrarekin jarraitzeko, non herri honen jatorrizko oinarri etiko eta politikoak mapatik ezabatu eta jatorrizko praktika politiko libertizidekin ordezkatu baitira.
Horrek azaltzen du, neurri handi batean, azken hilabete hauetan bizi dugun izugarrikeria eta tragedia. Herri honen aurkako beste kolpe bat da eta behin betikoa izan liteke.