Gure energia da gugandik benetan nahi dutena

Aurretik esan genuen bezala, gugandik benetan nahi dutena gure energia da. Horretara bideratuta dago gizarteko guztia, film eta telesailetan ikusten den biolentziak gure energia-bibrazioan eragiten du, Daniel Goleman-ek emozioen ikerketetan topatutako horretan ere eragiten du, bihotzaren beraren oroimenean eragiten du, emozio-gaitasun propioa duen organoa baita bihotza. Beraz, energia-ustiaketa dute helburu. Zinez lortzen dute garunean dugun guruin pinealaren jarduera murriztuz. Horretarako, oso ondo diseinatu dira etxebizitzetako logela txikiak; izan ere, modu horretan, lerro energetikoren batek gure loaldian eragingo du beti; gure bainugelak dutxekin hornitu dira, oso beharrezkoak diren bainuontziak baztertuz — zein ona den bainu bat hartzea, ahal dela gatzarekin –, bainuak osasuntsuak direnean gure energiaren orekatzaile bezala… Tira, begiratzen diozun aldetik begiratzen diozula, guztiak du eragina gure buru-osasunean eta dena dago aurretik pentsatuta, diseinatuta eta antolatuta, ez pentsa nahi gabeko erabaki komertzialak direnik. Goi-mailako konspirazioa da, herria kaltetzen duena. Botereak gidatutako gerra baten ondorioa da; konspiratu dezaketenak boteredunak dira, ez kalekoak.

Inguruan somatzen dugun ATENTZIO faltak eragile ugari ditu: batetik, elikagaietako kutsagarriak eta eremu elektromagnetikoen eragin geopatikoak; bestetik, COVID-19 sindromerako jarritako produktu genetikoak

Ez zaizue arrotza egingo esaten badut zuen inguruko hainbat ezagun, lagun, bizilagun edo familiako kiderengan, aipatutako energia-bibrazioa kaltetzen ikusi duzuela. Zer ondorio du gure garunaren baitan? ATENTZIO falta da, ziur somatu duzuela. Bai, horixe gertatzen ari dela. Eragile ugari izan dira; batetik, elikagaietan egon daitezken kutsagarriak eta eremu elektromagnetikoen eragin geopatikoak; bestetik, gaur jakin badakigun bezala, COVID-19 sindromerako jartzen diren produktu genetikoak eta gaizki izendatutako txertoak — ez baitira txertoak –. Zertan eragingo dute? Bada, argi dago, energian, jakina. Gure motorra da energia, eta gure babes-sisteman eragin zuzena sortzen du.

Arretaz gain, oroimena ere kaltetzen ari da, teknologia berrien erabileragatik eta telefono mugikorretan ezagutza esku-eskura dugun kristoren mauka dela pentsatuta. Baina, gogoan izan: garunak, erabiltzen ez duen zatia kaltetu ez dadin, bere tamainaren murrizketa sortzen du eta, ezbairik gabe, horri dementzia deritzaio… Hor duzu benetako pandemia, gizartean dementzia goiztiarren aurreko atarian gaude. Baina lasai, horri aurre egiteko txertoa ere badago… Esate baterako, webgune honetan diotena esanguratsua da horri dagokionez, baina ohar gaitezen bere azalpenean dagoen baieztapenaz: “Askotan irakurri dugu hedabideetan eta sareetan: aurkikuntza berri batek Alzheimerraren aurkako txerto desiratura hurbiltzen gaitu. Baina, zer da egia albiste hauetan? Titular batzuek aditzera eman dezaketen bezain gertu gaude? Artikulu honetan horri buruz hitz egiten dugu. Farmakoak eta txertoak: eraginkorrak al dira Alzheimerraren aurka? Errealitatea da gaur egun Alzheimerra oraindik ezin dela sendatu. Gaixotasun horren aurkako sendagaien garapena prozesu luzea da, eta, zoritxarrez, orain arte oso porrot handia izan du; horregatik, komeni da emaitzak aurreratzen dituzten berrien aurrean zuhur jokatzea”. Porrota aitortua da. Hala ere, interes ekonomikoei erantzunez, ziur berandu baino lehen, dementzien areagotzeari erantzuteko, negozioari ez diotela uko egingo eta txertoa dutela esango dutela, baina ez ahaztu botika genetikoak direla (RNAm dutenak).

Garunak, erabiltzen ez duen zatia kaltetu ez dadin, bere tamaina murrizten du. Horri, ezbairik gabe, dementzia deritzaio

Hau guztia ebidentzia den arren, batzuek oraindik ez dute esnatzerik izan, ez dira eguneroko antzerkiaz jabetzeko gauza izan, gehienetan disonantzia kognitiboari esker. Baina, benetan, gugan kaltzetzen den lehenbiziko gauza energiaren bibrazio egokia da, osotasunarekin, lurrarekin konektatuta egotea eragiten digun bibrazio hori, oinutsik gaudenean konekta dezakeguna. Bibrazio horretatik oreka bio-psikologikoari eusteko energia hartuko genuke (eta, energia gehiegi edukiz gero, deskargatu ere egin dezakegu). Ez al zarete ohartu oporretan gaudenean, jende guztia hondartzan oinutsik edo igerilekuko belarretan gaudela, zein ondo gauden? (Jakina, lantokitik urruntzeak laguntzen du). 2020. urtetik, ordea, udan, oporretan, igerilekuan, mendian edo hondartzan egon, jendea gaixotu egiten da, katarroak direla, gripeak… eta hori hurrengo urteetan areagotu egingo da. Aipagarria da, batez ere, ez direla lehen bezala sendatzen… Babes-sistema etengabe ahul eta baxu duenak, gaixotasun etengabe batean egotean, kronikoki jokatzen duen gorputza izango du. Izan ere, horrelako kasuetan, gure babes-sistema ahul dago — kutsadura kimiko zein elektromagnetikoen eraginez –, eta horrek energia-desoreka etengabe batean gauzka.

Oinarri-oinarrian, gure energiaren xurgatze edo kaltetzea dago. Horregatik da hain ezinbestekoa jakitea, inoiz baino gehiago, zein tokitan esertzen garen — ordu asko igaroko dugun tokia delako –, non lo egiten dugun, etab. Eta, zure eguneroko toki osasuntsuak zeintzuk diren baldin badakizu, baduzu garaia zure bizitza-estiloan aplikatzeko. Zure osasun integrala dago jokoan, eragile potentea da, eta ez da nahikoa yoga saio batean egotearekin edo fisioarenera joatearekin. Bizitza-estiloan integratuta egon behar du ezagutza honek.