Astrometereologia

Gogoaren irekiera: maitasunezko ekintzak eta gure biziraupenerako uzta

Glaziazio aro txiki batean sartu berri gara eta honek gure bizitzeko era eta ohiturei eragiten die. Eliteek, Homeopatia eta Astrometeorologia beren onurarako erabiltzen dituzte, baina gizartearentzako oso zientzia garrantzitsuak direnez, beren indar guztia darabilte hauen zabalkuntza eta ezagutza ekiditeko.

9

Miren Kistine B. Lertxundi

Nekazari homeodinamikoa. Astrometereologian aditua. Lesaka.

Duela 30 urte, nekazaritza Biodinamikoan sartuta nengoen eta eguraldiaren ezagutzan sakontzeko beharra sentitu nuen, horregatik Astrometeorologiaz interesatu nintzen.

Egun batean, artoa ereiten ari nintzen eta banekien 18:00tan ilargiaren kokapena eta eragina fruituaren konstelazioaren (sua) eragina amaitu egingo zela, baina oraindik lana bukatu gabe nuenez, ereiten jarraitu nuen. Orduan, bat-batean, eguraldia aldatu, behe lainoa sartu eta aire hotza hasi zen. Dena utzi eta Maria Thun-en egutegiaren bila joan nintzen. Bertan agertzen zenarekin, gertaera hura garbi ulertu nuen, ilargia Leo konstelazioaren aurrean izatetik, Virgoren aurrean jartzera pasa zen, eta ni, momentu hura esperimentatzen ari nintzen.

Momentu honetan, antzeko zerbait ari da gertatzen, baina oraingoan urruneko planetak ari dira beraien posizioa aldatzen.

Lurra eguzki sistemaren baitan dago eta berarekin batera espazioan bidaiatzen du. Lurreko kliman eragin zuzena du bere inguruneak, eta hori erraztasunez froga daiteke ilargiaren eta konstelazioen arteko posizionamendu sideralaren jarraipena eginez. Zeren 2 eta 3,5 egun artean behar izaten ditu konstelazio batetik bestera igarotzeko, eta modu horretan posizionamenduek kliman duten eragina egiazta daiteke.

Astrometereologiak hasteko kontuan hartzen ditu ilargiaren eta planeten posizioak, izan ere beren bidez iristen baitzaizkigu konstelazioen indarrak.

2020ko urtarrilean 5 planeta egon ziren Sagitario konstelazioaren aurrean (planeten konjuntzioa, gizartean eragin izugarria ekarri zuena), eta horrek negu epela ekarri zuen. Baina zikloaren izaera da berotik hotzera pasatzea.

2021eko urtarrilean, urtero bezala, Kaprikornioren aurrean Eguzkia eta Merkurio ditugunez hotza izaten dugu. Baina oraingoan, honezkero 2 planeta ditugu hotza luzaroan ekarriko dutenak: bata Jupiter, urtebetez Kaprikornio aurrean egonen dena; eta bestea Saturno, 2 urte eta erdiz egonen dena. Eta otsaila are hotzagoa izanen da, zeren Eguzkia eta Merkurioz gain, Kaprikornio aurrean Artizarra ere egonen baita. Gainera, Marte Tauro konstelazio aurrean sartuko da otsailaren 21ean, tenperatura oraindik ere gehiago hoztuz.

Beraz, glaziazio aro txiki batean sartu berri gara eta honek gure bizitzeko era eta ohiturei eragiteaz gain, batez ere nekazaritza eta ganadu produkzioari eragiten dio.

Gizartean, berotze globalaren iruzurra zabaldu zuten, beraien sinposioak eginez, eta manipulatutako informazioa komunikabideetan behin eta berriz zabalduz. Orain dela urte eta erdi, mezu manipulatzaile horren ordez, klima aldaketaren ipuinarekin hasi ziren, nahiz eta oraindik CO2-aren istorioarekin ere jarraitzen duten.

Eliteek, Homeopatia eta Astrometeorologia beren onurarako erabiltzen dituzte, baina gizartearentzako oso zientzia garrantzitsuak direnez, elite hauek, beraien indar guztia erabiltzen dute hauen zabalkuntza eta ezagutza ekidin eta hauen inguruko ikerkuntza eta garapenaren inguruko aurrerapenak oztopatzeko. Horregatik, gure esku dago, gutariko bakoitzak bere kasa ikertzea, garatzea eta zientzia liluragarri hauek gure bizitzan erabiltzea.

2020ko abenduaren 21etik akuarioren aroan gaude/ E-codices

Nahiz eta orain dela 8 urte ari garen 2020 urtean garai hotz bat hasiko zela jakinarazten, ziklo naturalak horrela baitira, ez gaituzte aintzat hartu. Izan ere gizartea, beste alde batera begira eduki dute: “benetako egia” delakoari begira.

Esperientzia ororekin ikasten goaz eta oraingo honetan, bizitzen ari garenarekin batera informatzen goaz, gertatzen ari dena jada, denon begi bistan baitago.

Landu edo ereiten duten pertsonek, zer eta noiz landatu edo haziri buruzko ezagutzan aldaketak egin beharko dituzte, zeren izotzik gabe ereiteko garaia askoz laburragoa izanen baita, gutxi gorabehera ekainetik irail erdi edo amaierara.

Gogoaren irekiera, maitasunezko ekintzak eta gure biziraupenerako uzta da egin behar duguna. Zeren orain bizirauteko prestatzea tokatzen zaigu, pentsatzeko modua aldatzea. Nekazaritza homeodinamikoaren eraginaren jakintza dugu elikagaiak baldintza zailetan lantzeko, baina ekintzara ‍pasa behar dugu, gure bizitzeko ohiturak gaur bertan aldatu eta gure biziraupenari lehentasuna eman.

Herrialde bakoitzak, bere uztak bere biztanleak hornitzeko gai izateari lehentasuna emanen dio, eta ezinezkoa izanen da gaur egun bezala produktuak nazioarteko merkatuan prezio baxuan erostea.

Gu geu antolatu eta egiten hasi behar dugu.

Gure iraganaren jabetza izanik, gure etorkizuna amesteko gai izanen gara eta amets horretatik etorriko da ORAIN BERRIA: antzinerat!

9 erantzun “Gogoaren irekiera: maitasunezko ekintzak eta gure biziraupenerako uzta” bidalketan

  1. Eskerrik asko Kistiñe zure honako berba eraikitzaileengatik.
    Bai, gure etorkizuna itzarrik amesteko garaia da oraingoa.
    Ekintzara pasatu , soberania osoa izatea helburu nagusitzat hartuta.

  2. Oso interesantea. Inolako ezagutzarik gabe, susmoa ere badut “klima-aldaketa”ren teoria ez dela teoria zientifiko bat baizik eta ideologia ekonomiko bat.
    Ez naiz zientzilaria, baina nik dakidala klima berez aldakorra da. Eta ziurrenik, historian zehar, gaurkoa baino sasoi epelagoak egon dira, Erdi-Aroan adibidez. Baina berotze horrek ez zuen ekarri inolako hondamendiarik, gaur iragartzen dizkiguten bezalakoak.
    Jakin badakit ere, 1300 – 1800 tartean klima hoztu egin zela Europan. Gure inguruan, hotz horrek ahalbidetu zuen Pirinioetako eta Alpeetako glaziarren hazkundea. Eta gero, 1850an berotze prozesu orokor bat hasi zen, karbonoren isurketak ia testimonialak bazieren ere.
    Eta XX mendean, berotze prozesu horrek jarraitu zuen apalki baino ez zen lineala izan: 1960 – 1980 hamarkadetan izozte prozesu txiki bat gertatu zen.
    Ez dakit etorkizunak zer ekarriko digun baina espero dut zuk idatzi duzuna betetzea ea elite ekonomikoek sartu nahi digutena (beste bat gehiago) agerian geratzen den.

  3. Harriduraz jaso dut zuen ekarpena: Glaziazio txiki baten atarian gaudela, “denek” diotenean klima-aldaketa planetaren berotzetik etorriko dela. Oso interesgarria deritzot zuen bertsioari. Eta zuen ikuspegia frogen bidez gehiago zehaztea gurako nuke

  4. O sea, atmosferara jaurti ditugun gas zikin tonaka guzti horiek ez dute negutegi efekturik sortzen. Ez dakit, bada. Poloak ez dira urtzen ari, ez dakit, bada. Nik EHn ez dut negu hotzik sumatzen alderantzizkoa baizik. BERRIAko kazeteria den Iñaki Petxarromanek, gai honen gainean, oso liburu interesgarria idatzi du. Gomendatzen dizuet denoi irakur dezazuten.

  5. Marik esaten duen bezala, “ekintzara pasatu, soberania osoa izatea helburu nagusitzat hartuta.”

    Renaud, Pariseko abeslariak honela kantatzen duen bezala “medikuntza prostituta bat da eta bere proxeneta farmazialaria da.”

    Ez da harritzekoa aurrekarririk gabeko eraso hau gizarteriaren aurka planifikatzen ari direnak “arrazoi sanitarioa” aukeratu izana. Jakitun dira osasun-sare horretako kide gehienak benetako guruak direla ezezagunaren beldur direlako beren esanak harrapatzen dituen jendearen aurrean eta uste dute azken horien esanei men egin behar dietela.
    Horrela, medikuntzari buruz duzun ezagutzari dagokionez abantaila izatera jolasten den gremio batek bere borondatea inposatzen dizu, askotan zurearen aurka. Hori edo “babesik” gabe geratzea da gure beldurra.

    Hauen eta armak eramanez, egunero abusuak eta delituak egiten dituztenen artean, gehi arbitrariotasun horiei guztiei amaiera eman behar lieketen eta isilik geratzen diren estamentu judizialen artean, sagu-ontzia prest dago inork ihes egin ez dezan.
    Mosaiko hau desinformazio masiboko baliabideek osatzen dute eta ezarritako planaren kontrako edozein albiste ezkutatzen dute.

    Eraiki duten lotsaren horma oso handia izan arren, gure hiriak kontzentrazio.esparru, gure etxeak atxilotze zentro eta eskolak gizatasuna galtzeko leku bihurtu arren, guk, oxigenoa hartzeko, komunikatzeko eta indarrak metatzeko zirrikituak aurkitzen jarraitzen dugu, gutxietsi gaituztenen eta inolako zailtasunik gabe gure gainetik pasatzea espero zutenen aurrean.

    Horren aurrean, oposizio politiko aktibo, bateratua eta estrategikoki kohesionatu bat egitaratu beharko da gure bila datozenei aurre egiteko. Horrek eskatzen du gezurraren oinarritutako maniobrei sinesgarritasun bakar bat ere ez ematea eta herrialdearen berezko norabide politiko bat ikusaraztea harrapari horien aurrean erresitentzia gidatuko duena eta psikopata horiek diseinatutako Mundu Ordena Berria “desiratua” gainditzeko gai den gero eta handigoa den herri-masa baten konfiantzaren merezimenduzkoa izango dena.
    Hori da, nire ustez, gure herri eta herri mailako lan gisa dagokiguna.

    Hemisferioko gainerako herriek eredutzat har dezatela, hala uste badute.

    Guk, argi izan, ezin dugu inorri itxaron.

  6. Aupa Kistiñe! Zu etxeko! Badira urteak aldaketa klimatikoaz, beroketa globalaz eta orain larrialdi klimatikoaz ari garena: eta erruduna molekula bat, CO2a. Berdin gertatzen da Pandemiarekin, erruduna Virusa. Azalpen sinpleegiak bata zein bertzea azaltzeko, baina eliteek baliatzen ari direna orden berria ezartzeko. Urte hauetan etengabe entzungo dugu larrialdi klimatikoarena, mundu ekologikoaren aldarrikapen nagusia bertzalde eta inork zalantzan jarri ezin duen bertze dogma bat bihurtu dena. Baina denek berdin pentsatzen dutenean, norbaitek pentsatzen du?……

  7. Bazen garaia honi buruz irakurtzen hasteko. Aurrekoan beste artikulu batean iruzkindu nuen: 2030 estrategiaren parte da esatea poloak urtzen ari direla, atmosferara gasak botatzen ditugula (atmosfera gasez osatua ez balego bezala) eta birusek edo bakterioek hiltzen dutela, mila milioi urtetako eboluzioan elkarrekin bizi izan ez bagina bezala.

    Ekologismoa, feminismoa bezala, Munduko Ordena Berriaren branka dira!

  8. Nik uste dot gutako askorentzat gai hau ezezaguna dala. Kistinek Xaloatelebistan Ur eta Lur saioan apur bat gehiago azaltzen dau eta datak be emoten dauz. Horregaitik, datak eukita, egiaztatu geinke.

  9. Berotze globalarena iruzurra eta botereak honi propaganda egitea izan daiteke [sinestu dezakegu edo ez]. Glaziazio aro txiki batetan egon gaitezke sartuta [sinestu dezakegu edo ez] eta hala ere lurrean gizakiak bere industria eta nekazaritza industrial, ibilgailu (auto-tren-hegazkin-kamioi eta makineria handi), lurren mugimendu eta artifizializazio (errepide, hiri…) eta guda guztiekin Ama Lurra berotu dezake inoiz gastatu ahal izango dugun energia ekoizpen denaren erdia baino gehiago gastatu bait dugu 150 urte eskasetan, alegia petrolioa, ikatza eta gasa (uranioarena beste batetarako lagako dugu) gainbeheran doaz eta boteretsuak ia urtebetean “osasuna”ren izenean aurreko mugimendu ekonomikoaren parte haundi bat gelditu dute eta digitalizazioa eta “”pantallismoa” bultzatu da kasualitatez, oso kasualitatez! [sinestu dezakegu edo ez baina bai hau sinesteak edo ez sinesteak ez gaitu salbatuko. Gure herriko Kaprikornio eta Sagitariok, Eguzki, Lur eta Merkuriorekin batera (izen ponposo batzuk jartzearren) beren eta gainontzekoon askapenaren alde borroka egin eta “nozibidadeak” kontsumitzeari (telefono-telebista-internet-zaborjanari-zaboredari-zaborjantzi-kotxe-…) usten ez diogun bitartean jai dugu]

Utzi iruzkina

Azken artikuluak