Galdetuko digute?
Askotan faxismo totalitaristaren aurkako mobilizazioak ikusten ditugu, eta pentsatzekoa da, izen horrekin, faxismo totalitarista deitzen den mugimendu hori ultraeskuin politikoan kokatzen dela. Baina, azken bolada honetan ikusten ari garen gertaera ezberdinengatik, esandakoa gero eta lausoago dago, eta adibide hauek jarriko ditut:
- Erresuma Batuko gobernu laboristak pertsona bat atxilotu du Palestinaren aldeko kamiseta bat jantzita eramateagatik.
- Alemaniako gobernu kristau-demokratak diru-sarrerak kendu dizkie palestinarren aldeko lau ekintzaileri.
Gertakari horiek ikusita, uste dut europar buruzagiek elite globalista nazkagarriaren aginduak jasotzen dituztela, eta uste dut horrek nolabait azal lezakeela, adibidez, Europako Parlamentuan PPk eta PSOEk askotan elkarrekin bozkatzea.
Europako Parlamentuari dagokionez, Ursula Von der Leyenen honako baieztapen hau azpimarratu nahi dut:
“Herrialdeen arteko erabakiak aho batez hartzea oztopo bihurtu da Europa berriaren garapenerako”.
Kontua da Europar Batasunean herritarren botazio bidez sartu ziren estatuak baldintza zehatz batzuekin sartu zirela, gutxienez. Orain, nire ustez, herriari galdetu gabe ez lirateke baldintza horiek aldatu behar. Baina, hain zuzen ere, horixe egiteko asmoa dute.
Nire zalantza hau da: kasua iristen bada, erreferendum bidez galdetuko al digute herritarroi ea Europan jarraitu nahi dugun, Frantziaren eta Alemaniaren konpartsa gisa? Ala eurodiputatuek, elite globalisten irrikak jarraituz, bide parlamentariotik izapidetuko dute?
Ultraeskuina, agintean eta oposizio
osoan dauden partidu guztietan dago,orokorrean. Sindikatuetan, komunikabideetan… gizakiari eta gizarteei egiten ari zaien eraso terminalaren konplize eta kudeatzaile direlako, agenterik ilunenen aginduetara eta geure poltsikotik
Politikan:
Galdeketak emaitza jakin bat atera dezaketenean egiten dituzte….
Etxekoen bizikidetza ezinezkoa denean, urrutiko kontuetaz jardun ohi dute……Konponketak gerorako!!!
“Mamuek” sortu ohi dituzte, herritarrak inozo tratatuz. Eta gizagaixotuz……. (Aurkitu itzazu mamu hauen izenak.)
Eginarazten dituzten ekintzek ez dira izaten giza-legezkoak ….. Zeren alde egiten denari ematea nahi izaten diote balioa. (Gerra bakearen alde).
Artikulue idatziko diat segitzen badiat!!!!! Zentsuratu pusketaren bat, mezedez!
Normalizazio politikoari esker pasa gara Madril eta Parisekiko morrontzaz askatu nahi izatetik, Brusela eta Guaxintonekikoak otzan onartzera bestela ultrak dirudigulako