Desobedientzia

Ez diegu inoiz sinetsi, baina sinetsi egin diegu

Kritiko zorrotzak kamuts, desobedienteak otzan. Zergatik? Bagenekien krisi ekonomiko berri bat zetorrela. Kontrolatu nahi gintuztela. Zaharren egoitzen eredua eta egoera jasanezina zirela. Murrizketek osasun ondorioak izango zituztela

14

Jon 'Txontxe' Etxebarria

Euskal Filologian lizentziaduna, irakaslea eta internazionalista. Gorliz

Esaten ziguten espainiarrak edo frantsesak ginela, esaten ziguten euskara ez zela izango inguruko erdaren maila bereko hizkuntza, esaten ziguten Gernika gorri-separatistek bonbardatu zutela, esaten ziguten AEBek garaitu zutela nazismoa, esaten ziguten kapitalismoa zela bide bakarra, esaten ziguten merkatu libreak ongizatea ekarriko zuela, esaten ziguten trantsizioak demokrazia zekarrela, esaten ziguten euskal kostaldeko zentral nuklearrak ezinbestekoak zirela, esaten ziguten askapen mugimenduak terroristak zirela, esaten ziguten Europar Batasunak soilik onurak zekartzala, esaten ziguten ez zegoela aldaketa klimatikorik, esaten ziguten poliziek ez zutela torturatzen… baina ez genien sinetsi.

Esaten digute Venezuela diktadura dela, esaten digute migratzaile eta errefuxiatuen eskubideak bermatzen dituztela, esaten digute erraustegiak ez-kutsatzaileak direla, esaten digute emakumeen eta gizonen artean berdintasuna dagoela, esaten digute legearen aurrean denok garela berdinak, esaten digute lan istripuak saihestezinak direla, esaten digute AHT beharrezkoa dela, esaten digute ez dela estatu terrorismorik egon, esaten digute hizkuntza eskubideak bermatzen dizkigutela… baina ez diegu sinesten.

Esan digute birus berria azken hamarkadetako bortitzena dela, esan digute pandemia bat dela, esan digute bide bakarra konfinatzea dela, esan digute militarrak gure kaleetan behar ditugula, esan digute umeak kutsatzaileenak direla, esan digute neurri guztiak irizpide zientifikoek gidatuta hartu dituztela, esan digute inoiz baino jende gehiago hiltzen ari dela… eta sinetsi egin diegu.

Beste arloetan ez badiegu sinetsi, zergatik sinesten diegu osasun arloan? Zergatik gailentzen da pentsamendu bakarra osasunaren arlo guztietan (botikak, txertoak, kimioterapia…)?

Esan digute Koronabirus deitu duten horrek mundu osoan 280.000 heriotza eragin dituela (maiatzaren 11ko datua). Ez digute esan egunero 8.500 ume hiltzen direla  munduan desnutrizioaren ondorioz, urtero 6 milioi baino gehiago (Unicef, Osasunaren Mundu Erakundea, Banku Mundialaren datuak). Ez digute esan Siriako gerra deitu zuten horrek 500.000 hildako baino gehiago eragin dituela, hemengo armak tartean zeudela. Ez digute esan mota guztietako kutsadurak (elektromagnetikoak barne) milioika minbizi kasu eragiten dituela…

Espainiar estatuari dagokionez, heriotza orokorrei begira, esan digute 2020ko martxoan 48.806 hildako egon direla (pandemia), baina 2017ko urtarrilean 49.370 hildako egon ziren (pandemiarik ez). Heriotzaren hazkundeari dagokionean, esan digute 2020ko martxoan 2018ko martxoan baino %23 hildako gehiago egon direla (pandemia); baina 2012ko otsailean 43.740 hildako egon ziren, 2011ko otsailean baino %28 gehiago (pandemiarik ez). Bestalde, asteotan ez dute esaten 50.000 lagun baino gehiago hiltzen direla urtero tabakoaren ondorioz (arnas-aparatuari eragiten dion birus baten ondoriozko konfinamenduan estankoak zabalik!?).

Datu piloa esan dizkigute. Datuak gora, datuak behera, herritar xume gisa ez dakit birusa saguzaharrengandik datorrenetz. Ez dakit birusa laborategi batean sortua denetz. Ez dakit 5Gk eragindako sintomak direnetz, ezta 5Gk birusa hedatzen laguntzen duenetz. Ez dakit gripe latz baten antzekoa denetz. Ez naiz osasunean edo biologian aditua, ezta zientzialaria ere. Barkatu nire atrebentzia.

Baina bagenekien krisi ekonomiko berri bat zetorrela. Bagenekien kontrolatu nahi gintuztela. Bagenekien zaharren egoitzen eredua eta egoera jasanezina zirela. Bagenekien murrizketek osasun ondorioak izango zituztela (2007tik %10 murriztu dira ospiletako oheak Hego Euskal Herrian). Bagenekien larrialdi klimatikoa gero eta fenomeno bortitzagoak ekartzen ari zela. Askoz ere gatibuago gauzkate eta sinetsi egin diegu. Ez diegu inoiz sinetsi, baina sinetsi egin diegu. Kritiko zorrotzak kamuts, desobedienteak otzan. Zergatik?

Argian argitaratua estreinakoz 2020-05-12

14 erantzun “Ez diegu inoiz sinetsi, baina sinetsi egin diegu” bidalketan

  1. Artikulu aparta, Jon. Oso errebeldeak omen ginen. Zergatik orain ez? Ez al da intsumisio garaia oraingo hau?

  2. Erabat ados, soilik zalantza bat larrialdi klimatikoari buruz. Establishment-a urte asko darama ideia hori sartzen gure buruetan ere. Informatiboetan ezpada egunero ea ea azkeneko hogei urteetan zehar behintzat. Honen zergaitia ere garbi utzi digute urteetan: gure emisioak dire arrazoia; herritarrei ardura pasatuz betiko moduan… Eta nik hauxe galdetuko nuke: Erreala al da arazoa margotu diguten bezala (emisioak, katastrofismoa ea) – hemen ezta ukatzen arazorik egon badagoela- edo aitortu biau eztakigula hau ere? Zerbait ari dela gertatzen badakigu hemen ez da arazoa ukatzen, baina margotu diguten bezalakoa da? Nola azalduko genuke Greta Thumberg eta abarreko Rostchid-en titeren irudia? Edo “extinction rebelion” dirudunen ekologismo “pijoa” eta katastrofista. Sistemak nahi ez badu ezinezkoa da haurtxo bat aritzea ONU-n aurrean, bere mass-medien agerketa masiboa ez luketeen onartuko ere, hori garbi izan beharko genuke.. Nola azalpenik eman Greenpeace Bill Gatesek finantzatua izatea. Uda honetako izakiak eragindako sute erradoiak, Oregon, California, Amazonian ea, ez dira azaltzen betiko interesengaitik (espekulazioa ea) handiegi dira. Gizartea oraindik gehiago larritzeko beste tresna dira? Bill Gates chemtrailak ere ari da finanziatzen manipulazio klimatikoa eraginez eta gu pozointzen. Beharbada arazo hau zuk kokatu duzun ongi dakigunaren kutxatilean kokatzie ezta hain zuzena?

  3. Etorkizuna irekia eta gure esku dago. Nahiz eta sinestarazi nahi diguten plandemia jakin bat gauzatzen ari garela, idatzia duten plan jakin bat, guk egiten dugunak; erosten, kontsumitzen, entzuten, ikusten, hitzegiten, jokatzen, makurtzen edo altxatzen…gure jokaera ari da zizelkatzen egunerokoa, eta finkatuko du etorkizuna, nere ustez.

  4. Bai eta esaten digute euskal herria dela euskaldunen nazioa eta euskadi eta espanha desberdinak direla, eta ikurrinha euskal herriaren aldekoa dela, izkutatzen digute Nabar Estatua zer den, edo uskara dela Nabarrako elengoa eta euskara nabarrako hizkuntza bat euskera bezala…izkutatzen digute amerria ( ama lurra) dela sorterria, eta sorterria dela nazioa bertze gauz bat da sorlekua. Izkutatzen digute zuzentza, erria izenaren benetako erranahaia “tierra”, uria/iriaren erranahia, edo iritarrarena…esaten digutena zalantzan xartzea bekatua delako…ala bedi.

  5. Otzan, koldar, kamuts…. Demagun hori dela diagnostikoa, zuzena, demagun baietz. Zein da alternatiba (hitz potoloaz haratago), zein da? Maskarilarik ez eramatea eta kitto? Txertoari boikota egitea (eta egiraztea)? Kuadrilan Olentzeroa bizkarrean ama lurrari kantari jarraitzea? Urte Zaharretan mozkortzioan ibiltzea eta barrikadak ezartzea ostatu aurrean? Zein da alternatiba?

  6. Herri honetatik sortzen den pentsamendu kritikoari dagokionez bere garaian idazki edo hitzaldien bidez argitara eman zien hainbat gogoeta daude hemen. Material hau biltzea interesgarria iruditzen zait.
    Inperialismo okupatzaileak politikoki eta mentalki kolonizatu ezin izan dituen jendearen isla dira egileak.
    Aipuren askok erderaz doazte (frantsesa edo espainola) eta pentsamenduaren esentzia aldatu nahi ez izateagatik bere horretan azaltzen ditut.

    “Marra gorria botereak jartzen du, Espainak.” Uxoa Anduaga.

    “Euskaldunok, ezarri diguten borrokalari, biolento, erradikal eta muturreko fama guztien gainetik, ez dugu independentzia kendu zigutenen aurkako gerrarik antolatu azken 500 urte hauetan, Nafarroa bere independentzia berreskuratzen hiru aldiz saiatu ondoren, 1512 urtean bertan, 1516an eta 1521ean.” Pako Aristi.

    “El primer problema social que tiene este pueblo es su problema nacional: la ocupación, colonización y partición de su Estado, Nabarra.” Redacción de Hamabost.

    “Inperialismoa delitoa da.” Ane Ablanedo.

    “Las fronteras de Nabarra están totalmente delimitadas en mapas y tratados de todas las épocas anteriores a las invasiones escalonadas y ocupación de nuestro Estado.” Rafael Recio.

    “Inperialismoan ezinezkoa da demokrazia eta demokrazia balego ez litzateke inperialismorik egongo.” Joseba Ariznabarreta,

    “Por descontado que para los vascos el escenario de liberación nacional es, sin paliativos, el Estado nabarro, dividido hoy en día en más de once “marcos territoriales”, como corresponde a los intereses de los Estados colonizadores.” Cayetano Otaegi.

    “Boterea zera da: etsaiari egin nahi ez duena edo interesatzen ez zaio hori eginarazteko indar nahikoa edukitzea.” Gexan Erotabehere.

    “Independentzia da gure marko demokratikoa.” Asier Ezpeleta.

    “Existen dos tipos de referendos de autodeterminación, los que se ganan y los que se pierden. Los que se ganan son los que se convocan una vez ya se ha declarado la independencia, con tus propias normas y su propio censo, para ratificar una decisión que ya se ha tomado. Los que se pierden son los que se convocan sin haber declarado antes la independencia, con el control, las normas y el censo de los colonizadores. Los croatas y los eslovenos optaron por la primera y ganaron, los quebequenses optaron por la segunda vía y perdieron.” Josep Perea.

    “Herri batek menperatua duen menperatuaren kontzientzia egiazki baldin bada, eta nik hortan zalantzak ditut, naturala da nik menperatzaileen horren erreglamentuetan ez parte hartzea gogoz.” Benito Lertxundi.

    “Debe surgir un Gobierno provisional de Nabarra que conduzca la resistencia frente a la ocupación y consiga hacer ingobernables nuestros territorios para los que hoy en día gobiernan. Además de haber pueblo, existen también los suficientes mimbres ideológicos en un sector de éste para entender como se debe iniciar la ofensiva: desalineación mental, lucidez estratégica, rapidez de adaptación, reacción e iniciativa, capacidad sorpresiva, articulación operacional de nuestra virtualidad asociativa, reactivación de nuestros propios órganos de gobierno y actuar como una nación independiente.” Aritz Urtubi.

    “Ci ce pays prétend récupérer sa liberté, il doit commencer à penser et à agir comme un Etat. La Navarre doit impérativement assumer ´qu elle est occupée, colonisée et agir en conséquence.” Yvette Dufour.

    “Estatu bakoitzari bere legalitatea dagokio. Espainar eta Frantziar legeak obeditzeak Espainian eta Frantzian denbora luzaz jarraitzea dakar.” Idoia Garin.

    “El nacionalismo vasco ha narcotizado a este pueblo durante decenios pero no tiene un proyecto de futuro para él. Encima le quiere hacer creer que la cárcel franco-española en la que vivimos no tiene paredes, pues las encalan con trucos de ilusionista para que no se vean. Así nos quieren engañar con reformas estatutarias, elecciones que siempre son las definitivas-decisivas, o recientemente con el inventado “derecho a decidir”, donde supuestamente los colonos y los colonizados tenemos los mismos derechos pero sólo sobre el futuro de los colonizados. Todo ello no son más que trucos de ilusionista que les permite ganar tiempo para no abordar la cuestión nacional de fondo: la expulsión del imperialismo del Estado baskón de Nabarra.” Alots Gezurraga.

    “Toute politique est basée sur la force, en tenant compte que toute offensive n est pas nécessairement politique. Seule la force socialement structurée et durable à travers le temps peut être considérée politique. Son dosage, stratégique et tactiquement adapté, est une partie incontournable de l art politique.” Naiara Gomes.

    “El derecho a decidir… ¿en qué condiciones? ¡Primero, el ejercito fuera! ¡España, fuera de aquí! y ya decidiremos. Pero en las condiciones actuales ¿como vas a decidir?” Eugenio Arzubialde.

    “Gure askatasuna ez da bozkatzen. Gure askatasuna bozkagai bihurtzeak inperialismoak inoiz ameztutako bukaerik perfektuena dakar eta inoiz amesturiko epitafiorik ederrena idatziko du gure hilarrian: hemen datza inoiz herri bat izan zena. Asimilatua eta likidatua izan zen, herrien historiatik desagertu zen behin betiko, baina demokratikoki izan zen, inork behartu gabe, eurek hala nahi izan zutelako, hala bozkatu zutelako.” Mikel Erauskin.

    “Santxo III El Mayor eligió sabiamente las fronteras del Estado vasco, pues los límites que dio a Nabarra fueron los geográficos naturales. Es el genio tutelar de la nacionalidad vasca. Gracias a él vivimos como pueblo.” Anacleto Ortueta.

    “Hizkuntza bat ez da galtzen dakitenek hitz egiten ez dutelako, haren likidazioa programaturik duten bi Estatu etsaiaren makinariak hiztunak isilaratzen dituelako baizik.” Asisko Urmeneta.

    “Al imperialismo y al fascismo solo se les combate con una oposición de nivel estratégico. Si no se puede, o no se quiere alcanzarla, entonces no se les combate con nada.” Autor desconocido.

  7. Lesakarra! Alternatiba oso erraza da. Lehenengo beti bezala bertsio ofiziala zalantzan jarri eta gardentasuna eskatu eta gero gure osasuna eta eskubideak defendatu; lege absurdo eta injustoen aurrean adibidez desobedientziarekin.

  8. A zer nahasketa duzuen buruan ezkertiarrok… Aldaketa klimatikorik ez dagoela, zeinek esaten du? Eta immigrazio masiboak zeinek bultzatzen eta babesten? Noiz konturatuko zarete globalismoaren agendaren txontxongiloak baino ez zaretela? Noiz hasiko zarete zeuen kabuz pentsatzen?

Utzi iruzkina

Azken artikuluak