Sinatzaileak:
Gorka Torre
Eneko Bidegain
Bagira prozesuaren emaitza Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da ere, herri baten burujabetza maila maximoa Estatu independente baten bitartez lortzen dela. Horrez gain, mugimendu abertzalea demokraziari atxikia dela goraipatzen da.
Bagira prozesua bukatu zen, baina prozesuaren kudeaketa taldeak Aberri Egunean egin zuen Herri bidea-ren aurkezpenean, bide-orri honetan agertzen diren gogoetak sakondu beharko direla adierazi zuen.
Herri bidea bide-orrian zehazten da herri baten burujabetza maila maximoa Estatu independente baten bitartez lortzen dela
Horiek hola, Bagira prozesuan parte hartu duten Nafarroa Behereko zazpi abertzalek, euskal herriarentzat nolako Estatu bat nahi dugun gogoetatuko duen prozesu bat abian ezarri dute ekainean, nahi duten euskal herritar guziei irekia dena, Bagira prozesuan parte hartu dutenei eta ez dutenei.
Gogoetak herriari boterea itzuliko dioten instituzioak nolakoak liratekeen zehaztuko du. Beste molde batez adierazteko, gogoetak independentistek euskal herriarentzat nahi dugun Estatuak egiazko demokrazia, hau da, egiazko herri boterea, nola gauzatuko lukeen zehaztuko du.
Prozesu berri honen lehen bilkura publikoa irailaren 8an, igandez, goizeko 11etan, Donibane Garaziko merkatuan eginen dugu. Interesatua den oro bilkura horretan parte hartzera gomitatzen dugu. Bilkuraren ondotik, bakoitzak etxetik ekarritako janariarekin elgarrekin bazkalduko dugu.
Gorka Torre eta Eneko Bidegain
Donibane Garazin, 2024ko uztailaren 24an
Estatu “independente” bat izateak ez du ezer bermatzen. Black Rockek agintzen du gehienetan.
Irailak 8koa, ederto. Biltzea beti da interesgarria. Eskerrik asko antolatzearren.
“Bagira prozesuaren emaitza Herri bidea bide-orria izan zen.”
“Bide-orri honetan, abertzaleen helburua herriari boterea itzultzea dela aipatzen da,”
Nork itzuli?
Goitik behera?
“eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da.”
Nork eskaini?
Herriari burujabetza eman?
Ez al da kontraesana?
Herria burujabetu izango da.
“Zehazten da ere, herri baten burujabetza maila maximoa Estatu independente baten bitartez lortzen dela.”
Bistan da, munduko estatuak ikusita, ez dela horrela.
“Horrez gain, mugimendu abertzalea demokraziari atxikia dela goraipatzen da.”
Demokrazia esatean botoak-alderdi zatituak esan nahi da?
Hala ere, berriz diot, Irailak 8koa, ederto. Biltzea beti da interesgarria. Eskerrik asko antolatzearren.
Azken bi artikuluak irakurrita, iruditzen zait ustezko zorioneko iragan edo ustezko zorioneko etorkizunean gaudela jo ta su.
Bi-tartean oraina eta dena atomizatuta.
Ez ahal da tarte hori landu beharrekoa?
Zerbait egin behar da dudarik gabe, Herri hau galbidetik atera eta mundu mapan duen kolorea berreskura dezan….
Aldiz, enegarren ekintza bat sortzea, zer instituzio motak salbatuko gaituen aztertzeko, edo daukagun arazoa alor politikotik soilik gogoetatzeko…dejavu gazi gozo egiten zait daitort, asperdura orokorraz gain…
Politika munduak, eskuin muturretik, ohiko ezkerra edo ezker muturreraino, erakutsi digu mundu hontan duen eraginkortasun mugatua.
Munduko boteredunak, lobbyak, politikoak, hain boteretsu bihurtu dira azken hamarkadatan, gure herria bezalako hedabide eta politikoak, poltxikoratzeko, isilarazteko, obediarazteko errexa dutela, diruaren truke edo guayen munduko kide kontsideratua izatearen truke, …Eta denok barnera…
Mundu honek, gu bezalako herriak, jendeak, bide berriak estreinatzera, eredu ezohikoak erabiltzera, ikuspuntu ausartagoak eta zabalagoak edukitzera behartzen gaituela iruditzen zait…eztabaida irekiagoak sortzea alegia, izan ere, mundu honetan baikorki eragin nahi badugu, Aginteari interesatzen ez zaizkion gaiak hunkitzea ezinbestekoa dugu guk herritar gisa..horien konfort gunetik atera daitezen eta faltsukeriaren tamainaz jabetu gaitezen.
Kritika eraikitzailea izatea nahi nuke, alegia, tripetatik ateratzen zaidana adierazi, zintzoki, azken urteetako gizarte hondamendiak eragin didan barne gogoeta zabaletik abiatuz, inoren ekimena guttietsi nahi gabe, alderantziz aberasteko proposatuz…. Txalo zuek urratsa emanik, eta indarra zuekin egon dadila!
Guztiz bat nator zurekin, Leire.
Baina hemen bezalako epistemizidioaren aurpegi bat ahaztu gabe:
https://labur.eus/82CkT
.
Aldiz, hau argiago idatziko bagenuke:
Albako ‘dukea’ besoa izan zan,
Italiako (Venezia, Firenze, e.a.) bankuak: odola,
gaztelako botereak: gorputza
eta Vaticano-KO sekta: kolonizazioaren BURUA.