Emergentzia egoeran bizi gara, bai, baina ez da birus berri batengatik, baizik eta birus horren kontra borrokatzeko ezarri diguten diktaduragatik. Ordena berri bat inposatu nahi digute eta koronabirusa izan da aukeratu duten aitzakia. Ondo ateratzen ari zaie momentuz, oso ondo.
Egia esan, ezkor nago aspaldi honetan; ezkerreko jende asko koronabirusaren inguruan eraiki duten zirku honetan gogotsu parte hartzen ikusten dudalako. Arduragatik egiten dutela diote baina jendartearen oinarrien kontra ari dira, erlazio sozialen kontra ari dira. Sozialak gara, beste pertsonen beharra dugu, komunitatean bizi behar gara, guztion artean sistema madarikatu hau suntsitu eta eraldatu behar dugu… bestela hilda gaude.
Distantzia sozialarekin sozialismoa ezinezkoa da, kaleak, zelaiak, mendiak zapaldu gabe naturarekin lotura galtzen dugu. Ez bagara naturaren parte sentitzen ez dugu defendatuko eta ez badugu amalurra defendatzen ez dago etorkizunik. Saihesten ez badugu, kapitalismo estraktibistak denarekin bukatuko du eta etxean sartuta nekez lortuko dugu.
Koronabirusa agertu eta gutxira Munduko Foro Ekonomikoak, botere ekonomikoaren eta politikoaren bilguneak, “The Great Reset” aurkeztu zuen. Iberdrolako web-orrian begiratzen badugu operazioaren nondik norakoak azaltzen dizkigute eta hiru hitzekin laburbiltzen dute: berreraikitze ekonomiko jasangarria.
Aurten Davosen bilduta digitalizazioan eta garapen jasangarrian jarri dute fokua eta Europa berreraikitzeko funtsek kapitalismo berdea edo Green New Deal eta digitalizazioa dute helburu. Aldaketa klimatikoa aitzaki hartuta, diktadura globala sakondu eta estraktibismoa bultzatu nahi dute.
Euskal Herrira etorrita, aldaketa klimatikoa saihesteko Green New Deal deituriko horren izenean gure mendiak eta gure lurrak okupatu eta deuseztatu nahi dituzte ehunka haize-errota erraldoiz eta milioka plaka fotoboltaikoz beteta. Nafarroan eta Araban 30 proiektu inguru tramitatzen ari dira momentu honetan. Denak batera aurkezten ari dira ahalik eta gehien eraikitzeko.
Herriak hustu nahi dituzte, hirietan jendea bildu, etxebizitzako blokeetan giltzapetu, erlazio sozialak telefono batekin ordezkatu… teknologia eta digitalizazioa dena kontrolatzeko erabiltzen ari dira. Kaleak poliziaz bete dituzte eta balkoietan txibatoak; kontrol soziala itogarria da.
Teknologiak ez gaitu salbatuko, digitalizazioa jendartearen kontra doa. Ez badugu gaur egungo sistemarekin bukatzen ez daukagu ezer egiterik. Eta kapitalismoarekin amaitzeko covi-Diktaduraren aurka borrokatu behar dugu, ere bai. Hau ez da berez bukatuko, lortu duten botere horri guztiari ez diotelako uko egingo. Kaleak berreskuratu behar ditugu, maskara kendu, jendearekin bildu… Lan asko dugu aurretik.
Burujabetza eraiki, desobedientzia landu, autodefentsa prestatu eta ekin dezagun guztiok batera, bestela sistema honek gu guztiok akabatuko gaitu. Animo!!!
100% ados
Ezkerraren, sozialismoaren, teknologiaren eta garapenaren inguruko debate oso beharrezko baterako abiapuntua jartzen duzu. Esker mila.
Ezinhobeto azaldu duzu, mila esker, Iñigo. Egoeraren analisi zuzena egin duzu. Analisi zuzena ezinbesteko abiapuntua da gure ekintzak ongi pentsatzeko, gure erantzuna zuzen prestatzeko. Hain zuzen ere, anslisi erreal eta errealista hau somatzen dut faltan komunikabide nagusietan, eta, oso mingarriki, baita Euskal Herriko ia guztietan ere, guztietan ez esatearren. Jende gehiena ere galduta ikusten dut, dugun egoeraren ulermenari dagokionez. Artikulu honek lagunduko al du bide egiten! Lau haizetara zabal dezagun.
Estatu Batuetako Texas estatu kontserbadorean maskaren derrigortasuna kendu eta, kasualitatez, kasuen kopuruak beherantz egin du, ziztu bizian egin ere.
Iñigok esandakoarekin guztiz ados. Arazoa da ez dagoela antolatzeko eta beraz, mobilizatzeko gaitasunik. Zeregin horretarako erreferente kolektiborik ez izateaz gain, herri honentzako irtenbide emantzipatzailea bere osotasunean hartzen duen estrategia bat ere ez dugu.
Akatasunetik bakarrik lortuko dugu estsai sekularren planak desegitea. Kontziente izan behar gara COVIDioko diktadura berriaren aurretik ez ginela ere ez libreak bizi baizik eta herri okupatua eta desegina.
Inbaditzaileen, sikopaten, totalitarioen eta sikarioen mota guztietako uztarritik eta ilajetik askatzeko herrialde honetan dauden proiektu eta asmo faltsuek asko zailtzen dute euskal herria askatzeko estrategia bat abian jartzeko aukera, bere Estatu propioaren barruan babesa aurkituko lukeena.
Desobedientzia baino gehiago, herri gisa desagertu nahi ez badugu nahitaez eman behar dugun erreferentzia kolektibo horretatik datozen orientabideei men egitea pentsatu beharko dugu.
Berezko organo baten orientazioak betetzeak desobeditzea eta esklabo bihurtu nahi gaituztenekin aurrez aurre jartzea dakar.
Gaur da otsoari belarriak ikusten dizkiogun eguna baina beti egon da hor, une egoki eta erabakigarriaren zain.
Nabar zuzenbidea daukagu, baskoia edo piriniarra ere deituta, inplantatu behar duguna eta gure estsaiei ezarri behar dieguna.
Haien legalitatea jokoz kanpo utzi eta gurea ezartzea.
Horrek geografia osoan zehar kontzejuetan antolatutako giza indarra eskatzen du, erresistentziaren pisua beren gain hartu eta herri honen etsaiak jopuntuan jar ditzaten.
Auzolan erraldoia, ez bakarrik COVIdamendiko diktadurarekin amaituko duena baizik eta lau mende zehatz okupazioarekin.
Helburuak estrategikoa eta osoa izan behar du. Aurrean etsai oso boteretsuak aurkituko ditugu, kanpokoak zein barrukoak eta ez gaude nekez jesuitismoaren sehaskan…
Biderik luzeena da, politikoki bat-batekotasuna eta lasterbideak baztertzen dituena. Egoerak presa eskatzen duela, denok jabetzen gara horretaz eta bere garaian egin ez zena martxan jarri behar da hondarrean sartzeko borondatea baldin badago.
Neu ere berdin sentitu naiz bertako ezkerrak ze joera hartu duen ikusita. Hartzen ziren neurri guztiak gutxiegi bailiran…no me jodas. Gauza asko ditugu jokoan. Oso ona artikulua
Ados jauna argi eta garbi esandakoarekin.
Milesker Iñigo askok pentsatzen duguna hitz idatzian jartzearren. Sozialismoa ezin da eraiki distantzia sozialarekin, oso esaldi aproposa. Zu bezala, asko gara zur eta lur gaudenak euskal ezkerrarekin, ezin sinetsi hartu duen ofizial joera.
Ados, erabat.
Erabat ados zurekin, Iñigo!
Ezkerreko alderdi politikoak erabat galduta daude. Elite ekonomikoen iruzurra onartu dute. Ezin dute azaldu zer ari den gertatzen eta ez dute inolako proiektu alternatiborik.
Neoliberalismoa ekologistaz eta feministaz mozorrotu da sasoi berri honetan eta Europako ezkerrak sinistu du eta fartsa berri honen bufoia bilakatu da.
Hemen Euskal Herrian, gauza bera. Salbuspenik gabe. Saldu gaituzte eta barkaezina da!
Gu ere ados iritziarekin eta harrituta ezkerraren jokabidearekin
Oso ondo,erabat ados nago zurekin. Eutsi goiari eta jarrai dezagun borrokan !
%100 zuekin ados. Eta ez etsi. Urak arriaren gainean tanttaka bakarrik egin behar badugu ere erresistentzia kultura berri bat sortuko dugu gutxienez. Lotu erantzun eta erantzunkizunez lanean dauden taldeei. Bizitza koordonadorarekin aldiro eskualde guztietako ekintza bateratuak egingo ditugu eta egunero ekintza politiko nimiñoak egiten jarraitu ahal dugu. Alde musukoa, lanean ezarpenik ez onartu, agerian ikusten ditugun kontraesan gorriak nabarmendu galdera lagun guztiei. Zalatu gehiegikeria guztiak eta jaia egin. Umore eta espíritu goian behar dugu, ezarpena zital eta maltxurra bada tristuraren hedapenaren programa hau. Gure ghetotik gero eta gehiago irten behar dugu. Adore eta odol bero!
oso ona artikulua. “Ezker Abertzalea” Sakon eskuindarraren morroia