Orreaga-Errozabalgo Gudua (778)
eta burujabetza Baskoniako Dukerrian
Memoria identitatearen oinarria da, indibiduala edo kolektiboa, eta herri orok bere memoriaren lekuak behar ditu. Hauxe dugu, dudarik gabe, gureetako bat, Goi Erdi Aroko nabarmenena. 778ko Errozabalgo (edo Orreagako) Gudua euskal Goi Erdi Aroko mugarria dugu, 824an nafar egitura politiko burujabe bat sortzeko lehen hazia eta inperio karolingioaren porrot bat, porrot ia mutua. Lausoturik heldu zaigu haren oihartzuna, besteek kontatua eta desitxuratua, XI-XII. mendeetako Chanson de Roland-ez mozorrotua.
778ko Errozabalgo Gudua, Rozavalles eta, gero, Roncevaux bilakatua, hainbat kilometrotan jazo zen Ibañetako lepo osoa zeharkatzean. Euskaldunek bi legio, 20.000 kideko espedizioa, txikitu zuten, estatu goren karolingioa ere suntsitua izan zen, salbu eta buruzagia bera, Karlomagno, tarrapataka ihesari emana.
Orreagako edo Errozabalgo Guduak erakusten digu baskoiak ez zirela mendietako gizatalde sakabanatuak, elkarrekin komunikatzen ziren sare egituratu kementsu bat baizik. 778ko gudu hori ez zen ezerezetik sortu, eta Akitaniako Gerra du aurrekari (760-768), armada baskoien partaidetza erabakigarria izan zuena. 778ak 824an gauzatu zen egitura politiko burujabearen bidea ireki zuen. Orreagan hasi eta Ibañetan bukatuko den txango honetan, hizpidea jarriko dute Akitaniako Gerraren amaierak, 778 eta 824ko gertaerek eta indar militar baskoiek.
Data: 2025eko abuztuak 15, ostirala
Lekua: Orreaga, Nafarroa.
Elkargunea: Orreagako beheko aparkalekua. 10:45ean hasiko gara, 12:00etan bat egingo dugu Orreaga Fundazioak antolatutako ekitaldiarekin eta ondoren, Ibañetarako igoeran ere azalpen batzuk emango dira, eta 13:30etan Ibañetan amaitu, Orreagako gudua gogoratzeko egingo den ekitaldian.
Antolaketa eta erreserbak: Iñaki Lopez de Luzuriaga, (+34) 634 419 749
Kostua: 5 euro. 14 urte arteko ume-gazteek doan.
“”‘montañas de Gipuzkoa”
abestia!!